இத்தாலி Italy அணிக்கு எதிரான ஆட்டத்தில் இங்கிலாந்து England அணி 24 ஓட்டங்களால் வெற்றிபெற்றுள்ளது.
T20 உலகக் கிண்ண தொடரில் இங்கிலாந்து தனது கடைசி லீக் ஆட்டத்தில் இத்தாலியை இன்று (16) Eden Gardens மைதானத்தில் எதிர்கொண்டது.
இப்போட்டியில் நாணயச்சுழற்சியில் வெற்றிபெற்ற இங்கிலாந்து அணி முதலில் துடுப்பெடுத்தாடியது.
20 ஓவர்கள் நிறைவில் 7 விக்கெட்டுகளை இழந்து 202 ஓட்டங்களை அவ்வணி குவித்தது.
பின்னர் 203 என்ற வெற்றி இலக்கை நோக்கி இத்தாலி களம் இறங்கியது.
கத்துக்குட்டி அணியான இத்தாலி சொற்ப ஓட்டங்களுக்குள் சுருண்டுவிடும் என எதிர்பார்க்கப்பட்டது. எனினும், சிறப்பாட்டத்தை அவ்வணி வெளிப்படுத்தியது.
20 ஓவர்களில் சகல விக்கெட்டுகளையும் இழந்து 178 ஓட்டங்களைப் பெற்றது. இதனால் இங்கிலாந்து 24 ஓட்டங்கள் வித்தியாசத்தில் வெற்றி பெற்று சூப்பர் 8 சுற்றுக்கு முன்னேறியது.
