ஐந்து வயதுச் சிறுவனை கடித்துக்குதறிய தெரு நாய்கள்! இலங்கையில் அதிர்ச்சி சம்பவம்

மாத்தளையில் தரம் ஒன்றில் கல்வி பயிலும் மாணவன் ஒருவனை தெரு நாய்கள் கடித்துக்குதறிய சம்பவம் அதிர்ச்சியை ஏற்படுத்தியுள்ளது.

இதில் கடுமையாக பாதிக்கப்பட்ட சிறுவன் மீட்கப்பட்டு வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

பாடசாலை விளையாட்டு மைதானத்தில் விளையாடிக் கொண்டிருந்த ஐந்து வயது சிறுவனே இதில் பாதிக்கப்பட்டுள்ளான்.

நாய்களின் கடிக்கு இலக்கான சிறுவனை விளையாட்டு மைதானத்தில் பணிபுரிந்த ஊழியர்கள் தீவிர முயற்சிக்குப் பின் மீட்டதாக தெரிவிக்கப்பட்டது.

இந்த சம்பவத்தின் போது ஒரு நாய் உயிரிழந்ததாகவும் தெரிவிக்கப்படுகின்றது.

காயமடைந்த மாணவர் மாத்தளை மாவட்ட பொது மருத்துவமனையில் அனுமதிக்கப்பட்டார்.

சிறுவனின் முதுகு மற்றும் ஒரு காலை கடித்ததாக மருத்துவமனை வட்டாரங்கள் தெரிவித்தன.