பாராளுமன்றத் தேர்தலில் போட்டியிட வாய்ப்பளிக்க வேண்டுமானால் 2 கோடி ரூபா அவசியம் என்று தொழிலாளர் தேசிய சங்கத்தின் தலைவர் திகாம்பரம் குறிப்பிட்டதாக அச்சங்கத்தின் உறுப்பினரும், முன்னாள் எம்.பியுமான மயில்வாகனம் திலகராஜ் தெரிவித்தார்.
அத்துடன், முற்போக்கு கூட்டணி சார்பில் தெரிவான மூவரில் இருவர் ‘கலாநிதிகள்’ எனவும் அவர் எள்ளி நகையாடினார்.
” பொதுத்தேர்தலில் போட்டியிட எனக்கு வாய்ப்பு வழங்கப்படவில்லை. தேர்தலில் செலவளிப்பதற்கு என்னிடம் பணம் இல்லை என கூறப்பட்டது. என்னால் 10 லட்சம் ரூபாவரை செலவளிக்ககூடியதாக இருந்திருக்கும்.ஆனால் மேசையில் 2 கோடி ரூபா வைத்தால் வாய்ப்பு வழங்கப்படும் என திகாம்பரம் கூறினார். எதற்காக அந்த பணம் என தெரியவில்லை.” எனவும் திலகர் சுட்டிக்காட்டினார்.
அத்துடன், பொதுத்தேர்தலில் தேசிய மக்கள் சக்திக்கே தான் வாக்களித்ததாகவும் அவர் குறிப்பிட்டார்.
சிங்கள மொழிமூல காணொளி இணைப்பு
https://www.facebook.com/Liveat8.lk/videos/2899669376806232/?t=124
