நாட்டில் மீண்டும் நெருக்கடி நிலை ஏற்படாதிருக்க வேண்டுமெனில் ஜனாதிபதி ரணில் விக்கிரமசிங்கவுக்கு மீண்டுமொருமுறை வாய்ப்பளிக்கப்பட வேண்டும் என்று ஸ்ரீலங்கா பொதுஜன பெரமுன கட்சியின் உறுப்பினரான இராஜாங்க அமைச்சர் செயான் சேமசிங்க தெரிவித்தார்.
இது தொடர்பில் அவர் மேலும் கூறியவை வருமாறு,
“ ஜனாதிபதி தேர்தலில் ரணில் விக்கிரமசிங்கவை களமிறக்கும் முடிவே எடுக்கப்பட வேண்டும். அத்துடன், தேர்தலில் வெற்றிபெற்று அவர் ஜனாதிபதியாக வேண்டும். கடந்த 18 மாதங்களில் பல்வேறு நெருக்கடிக்கு மத்தியிலும் நாட்டை மீட்டுவருகின்றார். அதற்கான பணி இன்னும் முடியடையவில்லை . எனவே, முன்னோக்க செல்ல இடமளிக்கப்பட வேண்டும். அதனை மாற்றினால் நாடு பின்நோக்கி செல்லக்கூடும்.
எனவே, ரணிலுக்கு மீண்டுமொருமுறை பொறுப்பு வழங்கப்பட வேண்டும். நாடு இருக்கும் இடத்தில் இருந்து சிறந்த நிலைக்கு செல்ல வேண்டுமெனில் ரணிலின் தலைமைத்துவம் அவசியம்.” – என்றார்.
