இரு பெரும் தலைவர்கள் இன்றி தமிழக தேர்தல் – நாளை வாக்களிப்பு!

இந்தியாவின் தமிழ்நாடு மாநிலத்தில், நாளை 16ஆவது சட்டமன்றத் தேர்தல் வாக்களிப்பு நடைபெறுகிறது.மொத்தம் 234 தொகுதிகளில், வாக்களிப்பு இடம்பெறுகிறது.

தமிழ்நாட்டு அரசியலில் முக்கியத் தலைவர்களாக விளங்கிய முன்னாள் முதலமைச்சர்கள் கருணாநிதி,  ஜெயலலிதா ஆகியோரின் மறைவுக்குப் பிறகு அங்கு நடக்கும் முதல் சட்டமன்றத் தேர்தல் இது.

மாநிலத்தின் ஆளும் அனைத்து இந்திய அண்ணா திராவிட முன்னேற்ற கழகமும், மத்தியில் ஆளும் பாரத ஜனதா கட்சியும் இணைந்து இந்தத் தேர்தலில் கூட்டணி அமைத்துள்ளன.

திராவிட முன்னேற்றக் கழகக் கட்சி, தேசியக் கட்சியான காங்கிரஸுடன் கூட்டனி அமைத்துள்ளது.

நடிகர் கமலஹாசன், மக்கள் நீதி மையம் என்ற கட்சியை உருவாக்கி முதலமைச்சர் பதவிக்குப் போட்டியிடுகிறார்.

நாளை காலை 7 மணி முதல், வாக்குச் சாவடிகளில் வாக்களிப்பு தொடங்கும்.

அடுத்த மாதம் (மே) 2-ஆம்  திகதி வாக்குகளை எண்ணும் பணிகள் தொடங்கும். அன்று மாலைக்குள் வெற்றியாளர்கள் அறிவிக்கப்படுவார்கள் என எதிர்பார்க்கப்படுகிறது.

Paid Ad