பயங்கரவாத தடைச்சட்டத்தில் மாற்றங்களை ஏற்படுத்துவது தொடர்பில் அமைச்சரவை கவனம் செலுத்தியுள்ளது. இதற்காக உப குழுவொன்று அமைக்கப்படும் – என்று நீதி அமைச்சர் அலி சப்ரி இன்று பாராளுமன்றத்தில் தெரிவித்தார்.
” பயங்கரவாத தடைச்சட்டம் அமுல்ப்படுத்தப்பட்டு பல வருடங்கள் ஆகின்றன. எனவே, அதில் திருத்தங்கள் மேற்கொள்ள வேண்டியது அவசியம். தேசிய பாதுகாப்பு, மனித உரிமைகள் உள்ளிட்ட விடயங்களை அடிப்படையாகக் கொண்டு மாற்றங்கள் மேற்கொள்ளப்படும். மாறாக சர்வதேச தேவைக்காக நாம் இதனை செய்யவில்லை.” – என்றும் அமைச்சர் கூறினார்.
