இறுதி போட்டிக்குள் நுழைந்தது நியூசிலாந்து!

நியூசிலாந்து அணி, தென்னாபிரிக்கா அணியை 9 விக்கெட்டுகள் வித்தியாசத்தில் வீழ்த்தி சாதனை வெற்றியுடன் இறுதிப் போட்டிக்குள் நுழைந்துள்ளது.

கொல்கத்தாவில் நடைபெற்ற முதல் அரையிறுதி ஆட்டத்தில் நாணயச்சுழற்சியில் வென்ற நியூஸிலாந்து முதலில் பந்து வீச்சைத் தேர்வு செய்தது.

முதலில் துடுப்பெடுத்தாடிய தென்னாபிரிக்கா அணி 20 ஓவர்களில் 8 விக்கெட்டுகள் இழப்புக்கு 169 ஓட்டங்கள் எடுத்தது.

170 ஓட்டங்கள் என்ற இலக்கை துரத்திய நியூஸிலாந்து அணி தொடக்கத்திலேயே அதிரடி காட்டியது.

தொடக்க வீரர்களான Finn Allen மற்றும் Tim Seifert இணைந்து முதல் விக்கெட்டுக்கு 117 ஓட்டங்கள் சேர்த்தனர்.

டிம் செய்ஃபெர்ட் – 33 பந்துகளில் 58 ஓட்டங்கள்

பின் ஆலன் – 33 பந்துகளில் சதம்!

இந்த தொடரிலும், T20 உலகக் கோப்பை வரலாற்றிலும் அதிக ஓட்டங்கள் (463) சேர்த்த ஜோடியாக ஆலன்–செய்ஃபெர்ட் சாதனை படைத்துள்ளனர். மேலும், இந்த தொடரில் இரண்டாவது முறையாக 100 ஓட்டங்களுக்கு மேல் பார்ட்னர்ஷிப் அமைத்துள்ளனர்.

வரலாற்றுச் சதம்

பின் ஆலனின் 33 பந்துகளில் வந்த சதம், T20 உலகக் கோப்பை வரலாற்றில் குறைந்த பந்துகளில் எடுக்கப்பட்ட சதமாகப் பதிவாகியுள்ளது.

நியூஸிலாந்து அணி வெறும் 12.5 ஓவர்களில் 1 விக்கெட் இழப்புக்கு 173 ஓட்டங்கள் எடுத்து, 9 விக்கெட்டுகள் வித்தியாசத்தில் அபார வெற்றி பெற்று இறுதிப் போட்டிக்கு முன்னேறியது.

இறுதிப் போட்டியில் நியூஸிலாந்து அணியின் இந்த அதிரடி தொடருமா?