மரடோனாவின் சாதனையை முறியடித்தார் மெஸ்ஸி

உலகக் கோப்பை அறிமுக அணியான கேப் வெர்டேவின் (Cabo Verde) கடுமையான சவாலை முறியடித்து, கூடுதல் நேரத்தில் 3-2 என்ற கணக்கில் நடப்பு சாம்பியனான அர்ஜென்டினா அணி த்ரில் வெற்றி பெற்றுள்ளது.

இந்த வெற்றி லியோனல் மெஸ்ஸியின் (Lionel Messi) கால்பந்து வரலாற்றில் பல புதிய சாதனைகளைப் படைக்க வழிவகுத்துள்ளது.

உலகக் கோப்பை தொடர்களில் தனது 9-வது அசிஸ்ட்டை (Assist) பதிவு செய்த மெஸ்ஸி, டியாகோ மரடோனாவின் (8 அசிஸ்ட்கள்) சாதனையை முறியடித்து, உலகக் கோப்பை வரலாற்றில் அதிக அசிஸ்ட்கள் வழங்கிய வீரர் என்ற சாதனையைப் படைத்தார்.

(கால்பந்து (Football) போட்டியில், ஒரு வீரர் கோல் அடிப்பதற்கு மிக உதவியாக, கடைசிப் பாஸை (Final Pass) துல்லியமாக வழங்கும் மற்றொரு வீரரின் செயல்பாடு தான் ‘அசிஸ்ட்’ (Assist) எனப்படும்.)

மேலும், உலகக் கோப்பையில் தொடர்ந்து 8 போட்டிகளில் கோல் அடித்த முதல் வீரர் என்ற பெருமையையும், இரண்டு வெவ்வேறு உலகக் கோப்பை தொடர்களில் தலா 7 கோல்களை அடித்த முதல் வீரர் என்ற சாதனையையும் அவர் நிகழ்த்தியுள்ளார்.

ஆட்டத்தின் 29-வது நிமிடத்தில் மெஸ்ஸி அடித்த கோல், இந்த 2026 உலகக் கோப்பையில் அவரது 7-வது கோலாகவும், ஒட்டுமொத்த உலகக் கோப்பை வரலாற்றில் அவரது 20-வது கோலாகவும் பதிவாகி, அவரை ‘கோல்டன் பூட்’ (Golden Boot) வரிசையில் முதலிடத்திற்கு கொண்டு சென்றுள்ளது.

39 வயதான மெஸ்ஸி, 2022 உலகக் கோப்பையிலும் 7 கோல்களை அடித்திருந்தார் என்பது குறிப்பிடத்தக்கது.