2026 உலகக் கோப்பை கால்பந்து தொடரின் நாக்-அவுட் சுற்றில் பெல்ஜிய அணியிடம் 4-1 என்ற கோல் கணக்கில் படுதோல்வி அடைந்து அமெரிக்கா வெளியேறியுள்ளது.
இதன் மூலம் சொந்த மண்ணில் 24 ஆண்டுகளுக்குப் பிறகு காலிறுதிக்கு முன்னேற வேண்டும் என்ற அமெரிக்காவின் நீண்ட நாள் கனவு தகர்க்கப்பட்டுள்ளது.
போட்டி தொடங்குவதற்கு முன்பே அமெரிக்க வீரர் போலாரின் பலோகன் (Folarin Balogun) மீதான தடை நீக்கப்பட்டது உலக கால்பந்து அரங்கில் பெரும் அதிர்வலைகளை ஏற்படுத்தியது.
போஸ்னியாவுக்கு எதிரான போட்டியில் சிவப்பு அட்டை (Red Card) பெற்ற பலோகனுக்கு விதிக்கப்பட்ட ஒரு போட்டித் தடையை, அமெரிக்கஜனாதிபதி டொனால்ட் டிரம்ப் நேரடியாக FIFA தலைவர் கியானி இன்பான்டினோவிடம் பேசி தற்காலிகமாக நீக்க வைத்தார்.
இந்தத் தலையீடு விளையாட்டு விதிகளுக்கு எதிரானது என்றும், நியாயமான விளையாட்டு முறைக்கு (Fair Play) முரணானது என்றும் UEFA கடுமையாகச் சாடியுள்ளது.
இவ்வளவு சர்ச்சைகளுக்கு மத்தியில் களமிறங்கிய பலோகன், போட்டியில் எந்த தாக்கத்தையும் ஏற்படுத்தாமல் 92-வது நிமிடத்தில் சப்ஸ்டிடியூட் செய்யப்பட்டார்.
போட்டி தொடங்கிய சில நிமிடங்களிலேயே பெல்ஜியம் தனது ஆதிக்கத்தை நிலைநாட்டியது.
பெல்ஜியத்தின் சார்லஸ் டி கெட்டேலரே (Charles De Ketelaere) முதல் கோலை அடித்து அணியை முன்னிலைப்படுத்தினார்.
31-வது நிமிடம்: அமெரிக்க அணியின் மாலிக் டில்மேன் (Malik Tillman) ஒரு அபாரமான ஃப்ரீ-கிக் மூலம் கோல் அடித்து போட்டியை 1-1 என சமன் செய்தார்.
33-வது நிமிடம்: அடுத்த இரண்டே நிமிடங்களில் டி கெட்டேலரே தனது இரண்டாவது கோலை அடித்து அமெரிக்க அதிர்ச்சியை இரட்டிப்பாக்கினார்.
அமெரிக்க கோல்கீப்பரின் இமாலயத் தவறால் கிடைத்த வாய்ப்பைப் பயன்படுத்தி, ஹான்ஸ் வனாகன் (Hans Vanaken) பெல்ஜியத்தின் மூன்றாவது கோலை அடித்தார்.
கூடுதல் நேரத்தில் மாற்று வீரராக வந்த நட்சத்திர வீரர் ரொமேலு லுகாகு (Romelu Lukaku) பெல்ஜியத்தின் 4-வது கோலை அடித்து அமெரிக்காவின் தோல்வியை உறுதி செய்தார்.
“டிரம்ப் சிக்னேச்சர் டான்ஸ்” மற்றும் சமூக ஊடக எதிர்வினைகள்
போட்டியின் வெற்றியை உறுதி செய்த பிறகு, ரொமேலு லுகாகு மற்றும் பெல்ஜிய வீரர்கள் இணைந்து ஆடிய நடனம், அமெரிக்க ஜனாதிபதி டொனால்ட் டிரம்பின் பிரபலமான நடன அசைவுகளை (Signature Dance Move) ஒத்து இருந்ததால் சமூக வலைத்தளங்களில் வைரலாகி வருகிறது.
அமெரிக்காவின் இந்த மோசமான ஆட்டத்தை நெட்டிசன்கள் பல கோணங்களில் கேலி செய்து வருகின்றனர். போட்டி முடிந்த சில நிமிடங்களிலேயே பெல்ஜிய அணியின் அதிகாரப்பூர்வ பக்கம், “இதை வேண்டுமானால் மாற்றிப் பாருங்கள் (Overturn this)” என்று டிரம்பின் தலையீட்டைக் கிண்டல் செய்து பதிவிட்டுள்ளது குறிப்பிடத்தக்கது.
இந்த வெற்றியின் மூலம் பெல்ஜியம் அணி ஜூலை 10-ம் தேதி லாஸ் ஏஞ்சல்ஸில் நடைபெறவுள்ள காலிறுதிப் போட்டியில் பலம் வாய்ந்த ஸ்பெயின் அணியை எதிர்கொள்ளவுள்ளது.
