நுவரெலியா பொது வைத்தியசாலையில் பணியாற்றும் வைத்தியர்கள், தாதியர்கள் உட்பட 23 சுகாதார பணியாளர்களுக்கு கொரோனா வைரஸ் தொற்றியுள்ளது என்று நுவரெலியா பொது வைத்தியசாலை பணிப்பாளர் வைத்தியர் மகேந்திர செனிவிரட்ன தெரிவித்தார்.
வைத்தியர்கள் மூவருக்கும் , 13 தாதியர்களுக்கும், கனிஷ்ட பிரிவு சுகாதார ஊழியர்கள் 7 பேருக்குமே இவ்வாறு வைரஸ் தொற்றியுள்ளது. இவர்களில் சிலர் நுவரெலியா வைத்தியசாலையில் சிகிச்சைப்பெற்றுவருகின்றனர். குறைந்தளவான நோய் அறிகுறிகள் தென்பட்டவர்கள் வீடுகளிலேயே தனிமைப்படுத்தப்பட்டுள்ளனர்.
வைத்தியசாலையில் ஆளணி பற்றாக்குறை ஏற்பட்டுள்ளதாகவும், எனினும் தற்போதுள்ள வளத்தை பயன்படுத்தி வைத்திய சேவை தொடர்கின்றது எனவும் பணிப்பாளர் தெரிவித்தார்.
நிருபர் – டி,சந்ரு
