கொரோனா வைரஸ் தொற்றுக்கு இலக்கான நிலையில் சிகிச்சைப்பெற்றுவருபவர்களில் ஒருவர் இன்று குணமடைந்து வீடு திரும்பினர்.

இதன்படி இலங்கையில் கொரோனாவின் பிடிக்குள் இருந்து மீண்டவர்களின் எண்ணிக்கை 3,307 ஆக அதிகரித்துள்ளது.

அத்துடன் ஆயிரத்து 308 பேருக்கு தொடர்ந்தும் சிகிச்சையளிக்கப்பட்டுவருகின்றது. கொரோனாவால் 13 பேர் உயிரிழந்துள்ளனர்.

அதேவேளை, இலங்கையில் கடந்த மார்ச் மாதம் முதல் இற்றைவரை கொரோனா வைரஸ் தொற்றினால் பாதிக்கப்பட்டவர்களின் எண்ணிக்கை 4 ஆயிரத்து 628 ஆக அதிகரித்துள்ளது.

இதில் மினுவாங்கொட ஆடைத்தொழிற்சாலை கொத்தணி பரவலாலேயே அதிகளவானோருக்கு வைரஸ் தொற்றியுள்ளது.

கொல்கத்தா நைட் ரைடர்ஸ் அணி வீரர் சுனில் நரேனின் பந்துவீச்சு மீண்டும் சர்ச்சைக்குள்ளாகியுள்ளது.

அபுதாபியில் நேற்று நடந்த ஐபிஎல் போட்டியின் 24ஆவது லீக் ஆட்டத்தில் கிங்ஸ் லெவன் பஞ்சாப் அணியை 2 ஓட்டங்கள் வித்தியாசத்தில் வீழ்த்தியது கொல்கத்தா நைட் ரைடர்ஸ் அணி.

இப்போட்டியில் கொல்கத்தா அணியின் பவுலர் சுனில் நரேன் வீசிய கடைசி ஓவரில் மேக்ஸ்வெல்லின் விக்கெட்டை வீழ்த்தி அணியின் வெற்றிக்கு வழிவகுத்தார்.

இந்நிலையில், பஞ்சாப் அணிக்கு எதிரான ஆட்டத்தில் சுனில் நரேன் பந்துவீசிய விதம் ஐசிசியின் பந்துவீச்சு விதிமுறைகளுக்கு முரணாக இருப்பதாக, கள நடுவர்கள் ஐபிஎல் அமைப்பிடம் முறைப்பாடு செய்துள்ளனர்.

இந்த முறைப்பாட்டால் தற்போது சுனில் நரேன் எச்சரிக்கைப் பட்டியலில் வைக்கப்பட்டுள்ளார். அடுத்துவரும் போட்டிகளில் சுனில் நரேன் பந்துவீசத் தடையில்லை. ஒருவேளை மீண்டும் நடுவர்கள் முறைப்பாடு செய்யும் பட்சத்தில் ஐபிஎல் தொடர் முழுவதும் சுனில் நரேன் பந்துவீசத் தடை விதிக்கப்படுவார். அதேநேரத்தில் அவரது அணிக்காக அவர் பேட்டிங் செய்யலாம்.

பிசிசிஐ அமைப்பின் பந்துவீச்சு சந்தேக ஆராய்வு குழுவின் ஆய்வுக்கு உட்படுத்தப்பட்ட பின்புதான் மீண்டும் நரேன் பந்துவீச அனுமதிக்கப்படுவார்.

சுனில் நரேன் கடந்த 2014-ம் ஆண்டிலிருந்து தொடர்ந்து தனது பவுலிங் முறையால் பிரச்னைகளைச் சந்தித்து வருகிறார் என்பது குறிப்பிடத்தக்கது.

கொரோனா வைரஸ் தாக்கத்தால் இந்தியாவில் கடந்த 24 மணிநேரத்தில்  918 பேர் உயிரிழந்துள்ளனர்.

இந்தியாவில் கொரோனா பாதிப்புகள் நாளுக்கு நாள் தொடர்ந்து அதிகரித்து வருகிறது. இந்த நிலையில் அந்நாட்டின் மத்திய சுகாதார அமைச்சகம் இன்று வெளியிட்டுள்ள செய்தியில்  கடந்த 24 மணிநேரத்தில் 74 ஆயிரத்து 383 பேருக்கு புதிய பாதிப்புகள் ஏற்பட்டு உள்ளன என தெரிவித்து உள்ளது.

இந்தியாவில் 70 லட்சத்து 53 ஆயிரத்து 806 பேருக்கு வைரஸ் தொற்றியுள்ளது. இதில் 60 லட்சத்து 77 ஆயிரத்து 976 பேர் குணமடைந்துள்ளனர். ஒரு லட்சத்து 8 ஆயிரத்து 371 பேர் பலியாகியுள்ளனர். 8 லட்சத்து 67 ஆயிரத்து 459 பேர் சிகிச்சைபெற்றுவருகின்றனர்.

பஞ்சாப் அணியுடான இன்றைய ஐ.பி.எல். ஆட்டத்தில் கொல்கத்தா அணி 2 ஓட்டங்கள் வித்தியாசத்தில் வெற்றி பெற்றுள்ளது.

துபாயில் நடைபெற்று வரும் ஐ.பி.எல். 2020 கிரிக்கெட் போட்டியின் இன்றைய 24ஆவது ஆட்டத்தில் லோகேஷ் ராகுல் தலைமையிலான கிங்ஸ் லெவன் பஞ்சாப் அணி, தினேஷ் கார்த்திக் தலைமையிலான கொல்கத்தா நைட் ரைடர்ஸ் அணியுடன் மோதியது.  .

இதில் நாணயச்சுழற்சியில் வெற்றிபெற்ற கொல்கத்தா அணியின் தலைவர் தினேஷ் கார்த்திக் பேட்டிங்கை தெரிவு செய்தார். கொல்கத்தா அணியின் தொடக்க ஆட்டக்காரர்களாக ராகுல் திரிபாதி-ஷுப்மன் கில் களமிறங்கினர். பஞ்சாப் பந்துவீச்சாளர் சமி வீசிய பந்தில், ராகுல் திரிபாதி(4 ரன்கள்) பவுல்ட் ஆனார். அடுத்து களமிறங்கிய நிதிஷ் ரானா 2 ரன்களில் ரன் அவுட் ஆனார்.

தொடக்கத்திலேயே விக்கெட்டுகளை இழந்து கொல்கத்தா அணி சற்று தடுமாறியது. மறுமுனையில் நிதானமாக ஆடிய ஷுப்மன் கில் 57 ரன்கள் எடுத்த நிலையில், ரன் அவுட் ஆகி வெளியேறினார். அடுத்து வந்த இயன் மார்கன் 23 ரன்களிலும் அண்ட்ரே ரசல் 5 ரன்களிலும் ஆட்டமிழந்தனர்.

இதற்கிடையில் கொல்கத்தா அணியின் கேப்டன் தினேஷ் கார்த்திக் 8 பவுண்டரிகள், 2 சிக்ஸர்கள் விளாசி 27 பந்துகளில் 57 ரன்கள் குவித்தார். இறுதியாக கொல்கத்தா அணி 20 ஓவர் முடிவில் 6 விக்கெட் இழப்பிற்கு 164 ரன்கள் எடுத்தது.

இதனை தொடர்ந்து 165 ரன்கள் என்ற இலக்கை நோக்கி விளையாடிய பஞ்சாப் அணியின் தொடக்க ஆட்டக்காரர்களாக அணியின் கேப்டன் கே.எல்.ராகுல் மற்றும் மயங்க் அகர்வால் களமிறங்கினர். நிதானமாக நிலைத்து நின்று ஆடிய இருவரும் அரை சதத்தைக் கடந்தனர்.

இந்நிலையில் மயங்க் அகர்வால் 56 ரன்கள் எடுத்த நிலையில் கொல்கத்தா பந்துவீச்சாளர் பிரசித் வீசிய 15வது ஓவரில் கேட்ச் ஆகி விக்கெட்டை இழந்தார். இதனை தொடர்ந்து களமிறங்கிய நிக்கோலஸ் பூரன் 16 ரன்களில் பவுல்ட் ஆனார். அடுத்து வந்த சிம்ரன் சிங்(4 ரன்கள்) பிரசித் பந்துவீச்சில் கேட்ச் ஆகி வெளியேறினார்.

மறுமுனையில் நிலைத்து நின்று ஆடிய கே.எல்.ராகுல் 58 பந்துகளில் 74 ரன்கள் எடுத்து, பிரசித் பந்துவீச்சில் பவுல்ட் ஆனார். ஆட்டத்தின் இறுதியில் 2 பந்துகளில் 7 ரன்கள் தேவை என்ற நிலையில் மந்தீப் சிங்கின் விக்கெட் பறிபோனது. இதனால் 1 பந்திற்கு 7 ரன்கள் என்ற நிலை உருவானது. அப்போது சுனில் நரேன் வீசிய கடைசி பந்தை மேக்ஸ்வெல் பவுண்டரியை நோக்கி அடித்தார்.

பந்து பவுண்டரி லைனுக்கு மிக அருகில் சென்று விழுந்ததால் முடிவில் சிறிது குழப்பம் ஏற்பட்டு பின்னர் 4 ரன்கள் வழங்கப்பட்டது. இதன் மூலம் இன்றைய ஆட்டத்தில் கொல்கத்தா நைட் ரைடர்ஸ் அணி 2 ரன்கள் வித்தியாசத்தில் வெற்றி பெற்றுள்ளது.