ஹேமந்த் மதுக்கூர் இயக்கத்தில் அனுஷ்கா, மாதவன் நடிப்பில் உருவாகியுள்ள ‘சைலன்ஸ்’ திரைப்படம் ஓடிடி தளத்தில் வெளியாகவுள்ளது.

இதன்படி எதிர்வரும் ஒக்டோபர் மாதம் 2ஆம் திகதி இந்த திரைப்படம் வெளியாகும் என அறிவிக்கப்பட்டுள்ளது.

தமிழ், தெலுங்கு, மலையாளம் உள்ளிட்ட மொழிகளில் உருவாகியுள்ள இந்த திரைப்படத்தில் அனுஷ்கா மாற்றுத்திறனாளியாக நடித்துள்ளார்.

இதேவேளை அதே தினத்தில் விஜய்சேதுபதி, ஐஸ்வர்யா ராஜேஷ் நடிப்பில் உருவாகியுள்ள “கஃபே ரணசிங்கம்” திரைப்படமும் வெளியாகவுள்ளமை குறிப்பிடத்தக்கது.

” தமிழ் முற்போக்கு கூட்டணி எம்.பிக்களுக்கு ஆளுங்கட்சி பக்கத்தில் இருந்து அழைப்பு வந்துள்ளது. அரசியலில் இவ்வாறு பேச்சுவார்த்தை நடைபெறுவது இயல்பு. ஆனாலும் என்னுடன் எவரும் கலந்துரையாடல் நடைபெறவில்லை. ஐக்கிய மக்கள் சக்தி எனும் கூட்டணியில்தான் தமிழ் முற்போக்கு கூட்டணியும் அங்கம் வகிக்கின்றது. நாம் ’20’ ஆவது திருத்தச்சட்டமூலத்தை எதிர்ப்பதற்கு முடிவெடுத்துள்ளோம்.”

இவ்வாறு தமிழ் முற்போக்கு கூட்டணியின் தலைவர் மனோ கணேசன் எம்.பி. தெரிவித்தார்.

‘குளோப் தமிழுக்கு’ அவர் வழங்கிய நேர்காணல் வருமாறு,

மாகாணசபைகளின் கோமா நிலைக்கு தமிழ், முஸ்லிம் கட்சிகளே காரணம் என்று மத்திய மாகாணசபையின் முன்னாள் உறுப்பினர் கணபதி கனகராஜ் தெரிவித்தார்.

இது தொடர்பில் அவர் மேலும் கூறியவை வருமாறு,

” முன்னாள் பிரதமர் ரணில் விக்கிரமசிங்கவின் தேர்தல் பயம் காரணமாகவே மாகாணசபைத் தேர்தல் திருத்தச் சட்டமூலம் நிறைவேற்றப்பட்டது. இந்த சட்டமூலத்துக்கு பாராளுமன்றத்தில் மூன்றில் இரண்டு பங்கு பெரும்பான்மை வழங்கி மாகாணசபைகளை கோமா நிலைக்கு கொண்டு சென்றதில் பாராளுமன்றத்தில் அங்கம் வகித்த அத்தனை சிறுபான்மை கட்சிகளும் பெரும் பங்காற்றி இருந்தன. இதனால் இன்று 13 ஆவது திருத்தச் சட்டமூலத்திற்கு ஏற்பட்டிருக்கின்ற ஆபத்துக்கு தமிழ் முஸ்லிம் கட்சிகள் பொறுப்பேற்க வேண்டும்.

முன்னைய பாராளுமன்றத்தில் அங்கம் வகித்த கட்சிகள் நாட்டினதும் மக்களினதும் நலன் கருதி செயற்படாமல் தத்தமது அரசியல் நிகழ்ச்சி நிரலுக்கு ஏற்ப செய்யப்பட்டதன் விளைவாகவே மாகாணசபைகளுக்கு இவ்வாறான நிலைமை ஏற்பட்டிருக்கிறது.

ஐக்கிய தேசிய கட்சி தேர்தலை எதிர் நோக்குவதற்கு பயந்தே மாகாணசபை தேர்தல் திருத்த சட்டமூலத்தை பாராளுமன்றத்தில் சமர்ப்பித்தது. இதற்கு மூன்றில் இரண்டு பங்கு பெரும்பான்மை பெறுவதற்கு எவ்வித நிபந்தனையும் இல்லாமல் அத்தனை சிறுபான்மை கட்சிகளும் ஆதரவை வழங்கின. அதனாலேயே தற்போது மாகாண சபைகள் கோமா நிலைக்கு தள்ளப்பட்டு இருப்பதற்கு பிரதான காரணமாகும்.

தற்போதைய அரசாங்கத்திடம் பாராளுமன்றத்தில் மூன்றில் இரண்டு பங்கு பெரும்பான்மை பலம் இருப்பதனால் கோமா நிலையில் இருக்கும் மாகாண சபைகளை கொலை செய்வதா? அல்லது உயிரூட்டி இயங்க வைப்பதா? என்ற தீர்மானத்தை மேற்கொள்ளும் வல்லமை இருக்கின்றது. ஒரு வேளை அரசாங்கம் மாகாணசபைகளை ரத்து செய்யும் தீர்மானத்தை எடுத்தாள் அதற்கு வழி சமைத்துக் கொடுத்த ஐக்கிய தேசியக் கட்சியும் அவர்களோடு இணைந்து செயற்பட்ட அத்தனை சிறுபான்மை தமிழ் முஸ்லிம் கட்சிகளுமே காரணமாகும்.

கடந்த அரசாங்க காலத்தில் மாகாண சபை தேர்தல் திருத்த சட்ட மூலத்துக்கு ஆதரவு அளித்ததன் மூலம் நாட்டின் அதிகார பகிர்வுக்கு கிடைத்திருந்த சிறிய சந்தர்ப்பமும் தற்போது ஆபத்தை எதிர்நோக்கி கொண்டிருக்கிறது. இந்திய அரசாங்கத்தின் அனுசரணையோடு கிடைத்த 13ஆவது திருத்தச்சட்டத்தின் அனுகூலங்கள் இல்லாமல் ஆக்கப்பட்டாள் எதிர்காலத்தில் அதிகாரப் பகிர்வை பெற்றுத்தருமாறு எவரிடமும் கையேந்தி நிற்க முடியாது. இந்தியாவும் சர்வதேசமும் கொடுத்து வருகின்ற அழுத்தங்கள் சிறுபான்மை மக்களுக்கு ஆறுதலை கொடுத்தாலும் இதுவரை தீர்வை கொடுக்க வில்லை. இந்த நிலையில் இருக்கின்ற 13ம் இழந்து நிற்கின்ற நிலைமையை ஏற்படுமாக இருந்தால் நாட்டின் அதிகார பகிர்வுக்கான அடிப்படையே இல்லாமல் செய்யப்படும்.

தற்போது நாட்டில் 20 ஆவது அரசியலமைப்பு திருத்தம் சம்பந்தமாக பரவலாக பேசப்படுகின்றது. தற்போதைய அரசாங்கத்தின் பெரும்பான்மை பலம் இந்த 20 ஆவது திருத்தச் சட்டமூலத்தை பாராளுமன்றத்தில் நிறைவேற்றிக் கொள்வதற்கு போதுமானதாகும். இந்த நிலையில் சிறுபான்மை தமிழ் முஸ்லிம் கட்சிகளுக்கு மாகாணசபைத் தேர்தல் திருத்தச் சட்ட மூலத்தின் மூலம் ஏற்பட்ட கலங்க த்திலிருந்து மீள்வதற்கு 20 ஆவது திருத்தச் சட்டமூலத்தை ஆதரிப்பதும் அதே நேரத்தில் மாகாணசபைகளுக்கு தேர்தலை நடத்துவது தொடர்பான சட்டமூலத்தை இருபதாவது அரசியலமைப்பு திருத்தத்துடன் சேர்த்து ஒரே நேரத்தில் சமர்ப்பித்து நிறைவேற்றிக் கொள்வதற்கு முயற்சிகளை மேற்கொள்ள வேண்டும்.” – என்றார்.

மலையகத்தில் கடந்த சில நாட்களாக அடை மழைபெய்துவருவதால் சில இடங்களில் மண்சரிவுகள் ஏற்பட்டுள்ளன.

அத்தோடு, கடந்த இரு தினங்களாக பெய்து வந்த மழையினால் நீரோடைகள், ஆறுகள் என பெருக்கம் எடுத்து நீரேந்தும் பகுதிகளில் நீர் மட்டம் அதிகரித்தும் காணப்படுகின்றது.

அந்தவகையில் ஹட்டன் பொலிஸ் பிரிவிற்குட்பட்ட லெதண்டி தோட்டம் புரோடப் பிரிவில் தோட்டத்திற்கு செல்லும் பிரதான வீதியில் மண்சரிவு ஏற்பட்டுள்ளது.

இவ்வாறு மண்சரிவு ஏற்பட்டதன் காரணமாக இப்பகுதியில் வாழும் மக்கள் பெரும் சிரமத்திற்குள்ளாகியுள்ளனர். சுமார் 50 குடும்பங்களை சேர்ந்தவர்கள் இவ்வீதியினேயே பயன்படுத்தி வருகின்றார்கள்.

எனவே தோட்ட நிர்வாகம் உடனடியாக ஏற்பட்டுள்ள மண்சரிவை அகற்ற வேண்டும் என இப்பகுதி மக்கள் தெரிவிக்கின்றனர்.

மேலும், அடிக்கடி மண்சரிவு ஏற்படும் அபாயம் இருப்பதனால் இப்பகுதியில் வாழ்கின்ற குடியிருப்பாளர்கள் அவதானத்துடன் இருக்கும்படி அதிகாரிகளினால் பணிக்கப்பட்டுள்ளமை குறிப்பிடதக்கது.

க.கிசாந்தன்

கொரோனா வைரஸ் தொற்றுக்கு இலக்கான நிலையில் சிகிச்சைப்பெற்றுவருபவர்களில் மேலும் 17பேர் இன்று குணமடைந்து வீடு திரும்பினர்.

இதன்படி இலங்கையில் கொரோனாவின் பிடிக்குள் இருந்து மீண்டவர்களின் எண்ணிக்கை 3,060 ஆக அதிகரித்துள்ளது.

203 பேருக்கு தொடர்ந்தும் சிகிச்சையளிக்கப்பட்டுவருகின்றது. கொரோனாவால் 13 பேர் உயிரிழந்துள்ளனர்.

அதேவேளை, இலங்கையில் கொரோனா வைரஸ் தொற்றாளர்களின் எண்ணிக்கை 3 ஆயிரத்து 276 ஆக அதிகரித்துள்ளது.

பதுளை மாவட்டத்தின் அனைத்து பிரதேச செயலகப் பிரிவுகளின் ஒட்டுமொத்த முழுமையான புள்ளி விபரங்கள் புதிய தொழில்நுட்பங்களின் அடிப்படையில் கணனி மயப்படுத்தப்படவுள்ளதாக மாவட்டத்தின் அரசஅதிபர் தமயந்தி பரணகமை தெரிவித்தார்.

இதனடிப்படையில், மாவட்டத்தின் பிரதேச செயலகங்கள் தோறும் இந் நடைமுறை பின்பற்றப்படவுள்ளன. பிரதேசசெயலகப் பிரிவுகளின் மக்கள் தொகை,அவர்கள் ஒவ்வொருவரின் வறுமானம், சொத்து விபரங்கள், தங்கி வாழ்பவர்கள், உழைப்பாளர்கள், மாணவர்கள், க.பொ.த. சாதாரணதரம், உயர்தரம் ,பட்டதாரிகள் ஆகிய விடயங்களின் முழுமையான புள்ளி விபரங்கள், சொந்தவீடு, வாடகைவீடு, உட்கட்டமைப்பு வசதிகள்,பொதுவசதிகள் ஆகியன குறித்தும் விபரங்கள் சேரிக்கப்படும்.

பகுதி கிராம சேவை உத்தியோகத்தர்கள், சமூர்த்தி உத்தியோகத்தர்கள், அபிவிருத்தி உத்தியோகத்தர்கள் ஆகியோர் மேற்படி புள்ளி விபரங்களைத் திரட்ட ஆரம்பித்துள்ளனர். இத் திட்டத்திற்கமைய, பசறை பிரதேச செயலாளர் அனுராதா நாணயக்கார தற்போதைய நிலையிலேயே மிகவும் துரிதமாக செயற்பாடுகளை ஆரம்பித்து, செயற்பட்டுவருகின்றமையும் குறிப்பிடத்தக்கது.

எம். செல்வராஜா, பதுளை

பதுளை மாவட்டத்தில் மண்சரிவுபோன்ற இயற்கை அனர்த்தங்களில் பாதிக்கப்பட்டிருக்கும் 250 குடும்பத்தினருக்கும்  வீடுகளை நிர்மாணித்துக் கொடுப்பதற்கான ஏற்பாடுகள் துரிதப்படுத்தப்பட்டுள்ளன.

இடர் முகாமைத்துவ நிலையத்தின் பதுளைமாவட்ட இணைப்பாளர் சன்ஜீவ சமரக்கோன்,மேற்படித் தகவல்களை வழங்கினார்.

கடந்த 2014 ஆம் ஆண்டு முதல் 2020 ஆம் ஆண்டு வரையிலான காலப்பகுதியில் மண்சரிவு மற்றும் இயற்கை அனர்த்தங்களினால் பாதிக்கப்பட்டுதற்காலிகமான கூடாரங்களிலும், உறவினர் வீடுகளிலும் வசித்துவரும் 250 குடும்பங்களுக்கு நிருமாணிக்கப்படும் வீடுகள் கையளிக்கப்படவுள்ளன. இடர் முகாமைத்துவ நிலையம்  இவ் வீடுகளை அமைக்கவுள்ளது.

எம். செல்வராஜா

உலகளவில் மேலும் 15 கோடி குழந்தைகளை வறுமையில் தள்ளிய கொரோனா என்று யுனிசெப் நிறுவனம் கவலை தெரிவித்துள்ளது.

ஐ.நா.வின் குழந்தைகள் நல அமைப்பான யுனிசெப்பும், ‘குழந்தைகளை பாதுகாப்போம்’ என்ற தொண்டு நிறுவனமும் இணைந்து கொரோனாவுக்கு பிந்தைய குழந்தைகள் நிலை குறித்து 70-க்கும் மேற்பட்ட நாடுகளில் ஆய்வு நடத்தின.

இதில், கொரோனா தொற்று தொடங்கியது முதல் உலக அளவில் கல்வி, வீடு, ஊட்டச்சத்து, சுகாதாரம் அல்லது தண்ணீர் போன்ற அத்தியாவசிய தேவைகள் கிடைக்காமல் மேலும் 15 கோடி குழந்தைகள் வறுமையில் தள்ளப்பட்டு இருப்பதாக கண்டறியப்பட்டு உள்ளது.

இதன் மூலம் மேற்படி வசதிகள் இல்லாமல் வறுமையில் வாடும் குழந்தைகளின் எண்ணிக்கை சுமார் 120 கோடியாக உயர்ந்திருப்பதாக யுனிசெப் நிறுவனம் கவலை தெரிவித்து உள்ளது. இதில் 45 சதவீத குழந்தைகள் மேற்படி அத்தியாவசிய தேவைகளில் ஒன்றுகூட கிடைக்காமல் அவதிப்படுவதாகவும் யுனிசெப் நிறுவனம் வெளியிட்ட அறிக்கையில் சுட்டிக்காட்டப்பட்டு உள்ளது.

கொரோனாவும், அது பரவலை கட்டுப்படுத்த போடப்பட்ட ஊரடங்கும், கோடிக்கணக்கான குழந்தைகளை வறுமையின் ஆழத்துக்கு கொண்டு சென்றிருப்பதாக யுனிசெப் நிர்வாக இயக்குனர் ஹென்ரியட்டா வருத்தத்துடன் கூறியுள்ளார்.

கொரோனா தொற்று உலக கல்வியில் பெரும் பாதிப்பை ஏற்படுத்தியிருப்பதாக கூறியுள்ள குழந்தைகளை பாதுகாப்போம் தொண்டு நிறுவன தலைமை செயல் அதிகாரி இங்கர் ஆஷிங், கல்வி கிடைக்காததால் குழந்தை தொழிலாளர் முறை மற்றும் குழந்தை திருமணம் அதிகரிக்கும் எனவும், இதனால் வறுமை சுழற்சியில் அவர்கள் சிக்கி விடுவார்கள் எனவும் அச்சம் தெரிவித்தார்.