மத்திய மாகாணத்தில் தமிழ், சிங்கள மொழி மூலமான பல பாடசாலைகளுக்கு தொண்டர் நிறுவனங்களால் சூரிய மின்சக்தி கட்டமைப்புகள் வழங்கப்பட்டன. பெரும் தொகை பணச்செலவில் இவை இலவசமாக ஏற்படுத்திக் கொடுக்கப்பட்டன.சூரிய மின்சக்தியில் இயங்கக் கூடிய தொலைக்காட்சிகள், கணினி மற்றும் மின்சார உபகரணங்களும் வழங்கப்பட்டது.

பாடசாலைகளுக்கும் அதிபர், ஆசிரியர் விடுதிகளுக்கும் சூரிய மின்சக்தி கட்டமைப்புகள் ஏற்படுத்தப்பட்டன.

இவற்றுக்குத் தேவையான மின்சுற்றுகள் தரமானதாக அமைக்கப்பட்டன. சூரிய மின்சக்தியை சேமிக்கக் கூடிய பெருமதியானதும் மின்கொள்ளவு அதிகமுடையதுமான மின்சேமிப்பு பற்றரிகளும் பொருத்தப்பட்டிருந்தன. கடும் மழை காலத்திலும் சூரியமின்சக்தி கிடைக்கக் கூடியதான அதிசக்தி மிக்க கட்டமைப்புகள் பொருத்தப்பட்டு பல வருடங்கள் சிறந்த பாவனையும் இருந்து வந்தது.

இக்காலப் பகுதியில் மினசாரத்திக்கான செலவு இருக்கவில்லை. பாடசாலைக்கோ அரசுக்கோ மின்சாரச் செலவு இருக்கவில்லை. அதிபர், ஆசிரியர் விடுதிகளில் தங்கி இருந்தவர்களுக்கும் மின்சாரத்திற்கான செலவு சிறிதேனும் இருக்கவில்லை. மின்துன்டிப்பின் போதும் இவர்களுக்கு எதுவிதமான பாதிப்பும் இருக்கவில்லை. இன்று இந்த சூரியமின்சார கட்டமைப்புகள் பயனற்று செயலிழந்து போய்க் கிடக்கின்றன.

சூரியமின்சக்தி கட்டமைப்பின் பிரதான அங்கமாக காணப்படும் தட்டுகள் தாழ்வாக நிலத்தில் பொருத்தப்பட்டமையால் ஆடுகள், நாய்கள் போன்ற விலங்குகள் இவற்றின் மீது ஏறுவதால் இந்ந தகடுகள் உடைந்து பாதிப்படைந்துள்ளன. சிறுவர்கள் இவற்றின் மீது ஏறி விளையாடியும் இவை பாதிப்புகளுக்கு உள்ளாகின.

கஷ்டப் பகுதி பாடசாலைகளுக்கே இந்த சூரியமின்சக்தி கட்டமைப்புகள் வழங்கப்பட்டன.இவ்வாறான பாடசாலைகளில் பாடசாலை வளவுக்கான வேலி இன்மையால் இவற்றை பாதுகாக்க முடியாது போனது.இந்த சூரிய மின்கட்டமைப்புகளை சீர்செய்தால் மீண்டும் பாவனைக்கு கொண்டு வர முடியும்.

நிருபர் – ஆர்.நவராஜா

நோர்வூட் பொலிஸ் பிரிவுக்குட்பட்ட பொகவந்தலாவை எல்பட கீழ்பிரிவு தோட்டத்தில், 82 வயதுடைய வயோதி பெண்ணொருவர் நேற்றிரவு முதல் உண்ணாவிரதப் போராட்டத்தில் ஈடுபட்டுவருகின்றார்.

பி. சின்னம்மா என்ற வயோதிப பெண்ணே இவ்வாறு உணவுதவிர்ப்பு போராட்டத்தில் ஈடுபட்டுள்ளார்.

” கடந்த 45 வருடங்களாக வாழ்ந்து வந்த வீட்டை விட்டு
வெளியேருமாறு எனது மருமகன் அச்சுறுத்துகிறார். இதற்கு தோட்ட தலைவரும், நிர்வாகமும் துணைநிற்கின்றது. என்னால் வெளியேற முடியாது. நீதி வேண்டும்.” என அவர் குறிப்பிடுகின்றார்.

இது தொடர்பில் தோட்ட நிர்வாகத்திடம் வினவியபோது, இவ்விவகாரம் தொடர்பில் இன்று கலந்துரையாடப்படும் என குறிப்பிட்டார்.

பொகவந்தலாவ நிருபர் -சதீஸ்

டெஸ்ட் கிரிக்கெட்டில் தன்னால் 700 விக்கெட் வீழ்த்த முடியும் என்று இங்கிலாந்து வேகப்பந்து வீச்சாளர் ஆண்டர்சன் கூறியுள்ளார்.

சவுதம்டனில் நடந்த இங்கிலாந்து – பாகிஸ்தான் அணிகள் இடையிலான 3ஆவது மற்றும் கடைசி டெஸ்ட் கிரிக்கெட் போட்டி சமநிலையில் முடிந்தது. இங்கிலாந்துக்கு வெற்றி வாய்ப்பு பிரகாசமாக இருந்த போதிலும் மழை புகுந்து கெடுத்து விட்டது. தொடரை 1-0 என்ற கணக்கில் இங்கிலாந்து கைப்பற்றியது.

இந்த டெஸ்டின் கடைசி நாளில் பாகிஸ்தான் கேப்டன் அசார் அலியின் விக்கெட்டை இங்கிலாந்து வேகப்பந்து வீச்சாளர் ஜேம்ஸ் ஆண்டர்சன் சாய்த்தார். இது ஆண்டர்சனின் 600ஆவது (156 டெஸ்ட்) விக்கெட்டாகும்.

இதன் மூலம் இலங்கையின் முரளிதரன் (800 விக்கெட்), ஆஸ்திரேலியாவின் சேன் வோன்  (708 விக்கெட்), இந்தியாவின் கும்பிளே (619 விக்கெட்) ஆகியோருக்கு பிறகு 600 விக்கெட் மைல்கல்லை எட்டிய 4ஆவது பந்துவீச்சாளர் , வேகப்பந்து வீச்சாளர்களில் இச்சாதனையை நிகழ்த்திய முதல் வீரர் என்ற சிறப்பை ஆண்டர்சன் பெற்றார்.

சாதனைக்கு பிறகு பேட்டி அளித்த 38 வயதான ஆண்டர்சன் கூறுகையில்,

‘டெஸ்ட் கிரிக்கெட்டில் தொடர்ந்து விளையாடுவது குறித்து இங்கிலாந்து கேப்டன் ஜோ ரூட்டிடம் சிறிது நேரம் விவாதித்தேன். ஆஸ்திரேலியாவில் நடக்கும் டெஸ்ட் போட்டியின் போது (2021-22-ம் ஆண்டு ஆஷஸ் தொடர்) நான் அணியில் இருக்க வேண்டும் என்று விரும்புவதாக கூறினார். அதில் என்னால் ஏன் விளையாட முடியாது? உடல்தகுதியை சீரியமுறையில் பராமரிக்கவும், ஆட்டத்திறனை மேம்படுத்தவும் கடினமாக உழைக்கிறேன். தொடர்ந்து பயிற்சியில் ஈடுபட்டு அணித்தேர்வுக்கு தயாராக இருப்பேன்.

இங்கிலாந்து அணிக்கு இன்னும் என்னால் நிறைய பங்களிப்பு அளிக்க முடியும் என்று நம்புகிறேன். இங்கிலாந்து அணிக்காக எனது கடைசி டெஸ்ட் போட்டி வெற்றியை பெற்று விட்டதாக நினைக்கவில்லை. என்னால் 700 விக்கெட் இலக்கை எட்ட முடியுமா? என்றால் ஏன் முடியாது. உலக டெஸ்ட் சாம்பியன்ஷிப் இறுதிப்போட்டி வாய்ப்பில் நாங்கள் நீடிக்கிறோம். எங்களுக்கு நிறைய டெஸ்ட் போட்டிகள் வர உள்ளன. அதில் நாங்கள் வெற்றி பெற வேண்டும். அதுவே எனது ஆர்வமாக இருக்கிறது. இப்போதும் ஒவ்வொரு நாளும் பயிற்சியில் ஈடுபடுவதை விரும்புகிறேன்’ என்றார்.

எதிர்கால அரசியல் நடவடிக்கைகளை ஐக்கிய மக்கள் சக்தியுடன் இணைந்து முன்னெடுக்குமாறு எதிர்க்கட்சி தலைவர் சஜித் பிரேமதாச முன்னாள் சபாநாயகர் கரு ஜயசூரியவுக்கு அழைப்பு விடுத்துள்ளார்.

ஐக்கிய தேசியக் கட்சியின் தலைவர் ரணில் விக்கிரமசிங்க தலைமையிலான ஐக்கிய தேசியக் கட்சியின் ஒரு பிரிவினர், கரு ஜயசூரியாவுக்கு எதிராக கடுமையாகவிமர்சனங்களை முன்வைத்துள்ளனர்.

இந்நிலையிலேயே, சபாநாயகர் கரு ஜயசூரிய எதிர்கால அரசியல் நடவடிக்கைகளை ஐக்கிய மக்கள் சக்தியுடன் இணைந்து முன்னெடுக்குமாறு எதிர்க்கட்சி தலைவர் சஜித் பிரேமதாச கோரிக்கை விடுத்துள்ளார்.

அரசியலமைப்பின் 20 ஆவது திருத்தச்சட்டமூலம் செப்டம்பர் 3 ஆம் திகதி அமைச்சரவையில் முன்வைக்கப்படவுள்ளது.

ஶ்ரீலங்கா பொதுஜன பெரமுன தலைமையிலான அரசாங்கத்தின் அமைச்சரவைக் கூட்டம் ஜனாதிபதி கோட்டாபய ராஜபக்ச தலைமையில் இன்று காலை ஜனாதிபதி செயலகத்தில் நடைபெற்றது.

இதன்போதே நீதி அமைச்சர் அலிசப்ரி மேற்படி தகவலை வெளியிட்டுள்ளார்.

அரசியலமைப்பின் 19ஆவது திருத்தச்சட்டத்தை மாற்றியமைப்பதற்காகவே 20 முன்வைக்கப்படவுள்ளது.

பின்னணி பாடகர் எஸ்.பி.பி.யின் உடல் நிலை சீராக உள்ளது என்று வைத்தியசாலை அறிக்கை வெளியிட்டுள்ளது.

பிரபல பின்னணி பாடகர் எஸ்.பி.பாலசுப்பிரமணியம் கொரோனாவால் பாதிக்கப்பட்டு, சென்னை சூளைமேட்டில் உள்ள தனியார் வைத்தியசாலையில் அனுமதிக்கப்பட்டார். அவருக்கு கடந்த 15 நாட்களாக தீவிர சிகிச்சை அளிக்கப்பட்டு வருகிறது. சில நாட்களுக்கு முன்பு, அவருடைய உடல்நிலை மோசமடைந்ததால், தீவிர சிகிச்சை பிரிவுக்கு மாற்றப்பட்டார். செயற்கை சுவாசம் மற்றும் எக்மோ கருவி பொருத்தி, டாக்டர்கள் சிகிச்சை அளித்தார்கள்.

அதையடுத்து வெளிநாட்டு மருத்துவ நிபுணர்களின் ஆலோசனையும் கேட்கப்பட்டது. எஸ்.பி.பாலசுப்பிரமணியத்திற்கு தீவிர சிகிச்சை அளிக்கப்பட்டு வருகிறது.

இந்த நிலையில், இன்று மாலை எஸ்.பி பாலசுப்பிரமணியம் உடல் நிலை குறித்து தனியார் மருத்துவமனை அறிக்கை வெளியிட்டது. அதில், பின்னணி பாடகர் எஸ்.பி.பி.யின் உடல் நிலை சீராக உள்ளது. தொடர்ந்து எக்கோ மற்றும் செயற்கை சுவாசம் பொருத்தப்பட்டு தீவிர சிகிச்சை அளிக்கப்படுகிறது” என்று தெரிவிக்கப்பட்டுள்ளது.

மேலும் எஸ்.பி.பி. சரண் இன்று வெளியிட்டுள்ள வீடியோவில் கூறியிருப்பதாவது:-

பாடல்களை கேட்கிறார், பாட முயற்சிப்பதாகவும் மருத்துவர்கள் தெரிவித்துள்ளனர். 2 நாட்களுக்கு முன்பு இருந்ததை விட இன்று எஸ்.பி.பி. உடல்நிலையில் நல்ல முன்னேற்றம் ஏற்பட்டுள்ளது. இன்னும் ஒரு வாரத்திற்குள் முழுவதுமாக உடல்நலம் தேறுவார் என எதிர்பார்க்கிறோம் என்று எஸ்பிபி சரண் வெளியிட்டுள்ள வீடியோவில் கூறியுள்ளார்.

சிறுத்தைப்புலியொன்று மரத்திலிருந்து கீழே பாய்வதைக்கண்டு அச்சத்தால் ஓட்டமெடுத்த இரு பெண் தோட்டத் தொழிலாளர்கள் காயமடைந்துள்ளனர்.

பொகவந்தலாவை கிவ்தோட்ட பகுதியிலுள்ள 05 ஆம் இலக்க தேயிலை மலையிலேயே இன்று (26) முற்பகல் இச்சம்பவம் இடம்பெற்றுள்ளது.

கொழுந்து கொய்துகொண்டிருக்கையில் மரமொன்றிலிருந்து சிறுத்தைப்புலியொன்று கீழே பாய்வதை கண்ட தொழிலாளர், பதறியடித்துக்கொண்டு அங்கிருந்து ஓடியுள்ளார். பின்னர் தடுமாறி விழுந்தால் அவருக்கு காயம் ஏற்பட்டது. இதனையடுத்து வைத்தியசாலைக்கு கொண்டுசெல்லப்பட்டார்.

இப்பகுதியில் சிறுத்தைப்புலி நடமாட்டம் காணப்படுவதாக தொழிலாளர்கள் தெரிவிக்கின்றனர். இது தொடர்பில் நல்லத்தண்ணி வனவிலங்கு அதிகாரிகளுக்கு அறிவிக்கப்பட்டது. சம்பவ இடத்துக்கு வந்த அதிகாரிகள் தேடுதலில் ஈடுபட்டனர்.

பொகவந்தலாவ நிருபர் – சதீஸ்