மூக்கு இருக்கும் விதத்தை மாற்ற தான் சிகிச்சை ஏன் எடுத்துக்கொண்டேன் என ஸ்ருதி ஹாசன் பேசி உள்ளார்.

நடிகை ஸ்ருதி ஹாசன் இந்த கொரோனா ஊரடங்கு காலத்தில் மும்பையில் உள்ள தனது வீட்டில் தான் தனிமையில் இருந்து வருகிறார். தனக்கு பிடித்த பல்வேறு விஷயங்களை செய்து அதை வீடியோ அல்லது புகைப்படம் எடுத்து சமூக வலைத்தளங்களில் ரசிகர்களுக்காக பதிவிட்டு வருகிறார். அவர் சினிமாவுக்கு வந்து பதினொரு வருடங்கள் ஆவதை சமீபத்தில் ரசிகர்கள் கொண்டாடினார்கள். இதற்காக அவருக்கு பிரபலங்கள் மற்றும் ரசிகர்கள் சமூக வலைத்தளங்கள் வாழ்த்துக்கள் தெரிவித்தனர். இதனையடுத்து ஆதரவளித்து வரும் அனைவருக்கும் நன்றி கூறி ஒரு வீடியோவையும் வெளியிட்டு இருந்தார் ஸ்ருதி.

இன்னிலையில் தற்போதைய லேட்டஸ்ட் பதிவு ஒன்றில் இது போன்ற அசாதாரண சூழ்நிலையில் நாம் மற்றவர்களுடன் பேச வேண்டியது மற்றும் தொடர்பில் இருக்க வேண்டியதன் அவசியம் பற்றி அவர் பேசியிருக்கிறார்.

நாம் கவலைகளை மறந்து அடுத்த விஷயத்தை நோக்கி செல்ல வேண்டும். நாம் பேசுவதும், மற்றவர்களுடன் தொடர்பில் இருப்பதும் மிகவும் முக்கியமான ஒன்று. அதனால் நாம் பேசுவோம், மற்றவர்கள் பேசுவதையும் கவனிப்போம் எனக் குறிப்பிட்டிருந்தார்.

ஸ்ருதிஹாசன் எப்போதும் எந்த விஷயத்தை பற்றியும் மிகவும் வெளிப்படையாக பேசுபவர் என்பது அனைவருக்கும் தெரிந்த ஒன்று தான். இந்நிலையில் சமீபத்திய பேட்டி ஒன்றில் அவர் தான் பிளாஸ்டிக் சர்ஜரி செய்து கொண்டதை பற்றி பேசி இருக்கிறார். எதற்காக அதை செய்தார் மற்றும் அப்படி தோற்றமளித்தால் தான் வாய்ப்புகள் கிடைக்கும் என்கிற கட்டாயம் இருக்கிறதா என அவரிடம் கேட்டதற்கு,” இருக்கிறது என்று தான் நினைக்கிறேன், ஆனால் இல்லை. மற்றவர்கள் கூறுவதை நான் கவனித்த காலம் ஒன்று இருக்கிறது. என்னுடைய மூக்கு சிகிச்சை நானே தான் விருப்பப்பட்டு செய்து கொண்டேன். என்னுடைய மூக்கு உடைந்து விட்டதால் நான் அதை செய்தேன். அது இருந்த விதம் எனக்கு பிடிக்கவில்லை அதனால் நானே விருப்பப்பட்டு அதை செய்தேன். யாரும் என்னிடம் அப்படி செய்ய சொல்லி கூறவில்லை. என் முகத்தை பற்றி பலரும் பல்வேறு விமர்சனங்களை கூறுவதை நான் கேட்டிருக்கிறேன். அதற்காகவே நான் பல விஷயங்களை செய்திருக்கிறேன் எனக் கூறியிருக்கிறார்.மேலும் நான் பிளாஸ்டிக் சர்ஜரி செய்து கொள்வதை ஊக்குவிக்கவில்லை என்றும் அவர் தெரிவித்துள்ளார். எந்த நடிகை ஆவது தான் பிளாஸ்டிக் சர்ஜரி செய்து கொள்ளவில்லை என கூறினால் அது அப்பட்டமான பொய்யாகத்தான் இருக்கும், காரணம் ஒருவருடைய முகம் அவ்வளவு அதிகம் எப்போதுமே மாறிவிடாது. ஒரு பெண் இதை செய்கிறார் என்றால் அது அவரது சொந்த விருப்பம், செய்யாமல் இருப்பதும் அவரது விருப்பம் தான் எனக் கூறி இருக்கிறார் ஸ்ருதி.

மேலும் இதற்கு முன்பு ஒரு முறை பிளாஸ்டிக் சர்ஜரி செய்து கொண்டது பற்றி இன்ஸ்டாகிராமில் பேசியிருந்தார் ஸ்ருதி. அவர் “இது என்னுடைய வாழ்க்கை, என்னுடைய முகம், ஆம் நான் பிளாஸ்டிக் சர்ஜரி செய்து கொண்டேன். அதனால் நான் வெட்கப்படவில்லை. நான் அதை ஊக்குவிக்கவும் இல்லை, அதற்கு எதிராக பேசுகிறேனா? அதுவும் இல்லை. நான் எப்படி வாழவேண்டும் என்பதை நான் தான் தீர்மானித்தேன்” என கூறியிருந்தார்.

ஜனாதிபதித் தேர்தலின்போது மிளகு உற்பத்தியாளர்களுக்கு உறுதிமொழி வழங்கிய ஜனாதிபதி கோட்டாபய ராஜபக்ச தற்போது மௌனம் காப்பது ஏன் – என்று ஐக்கிய மக்கள் சக்தியின் நுவரெலியா மாவட்ட வேட்பாளர் சட்டத்தரணி ஹிரண்யா ஹேரத் கேள்வி எழுப்பினார்.

நுவரெலியா மடுள்ள பிரதேசத்தில் நடைபெற்ற தேர்தல் பிரச்சாரக்கூட்டத்தில் கலந்துகொண்டு உரையாற்றுகையிலேயே அவர் இவ்வாறு வினா எழுப்பினார்.

இது தொடர்பில் அவர் மேலும் கூறியதாவது,

நுவரெலியா மாவட்டம் உட்பட நாட்டில் மிளகு உற்பத்தியில் ஈடுபடும் உற்பத்தியாளர்ளை கைவிடமாட்டார் என்றும், மிளகுக்கு சிறந்த விலை வழங்கப்படும் எனவும் கோட்டாபய ராஜபக்ச உறுதியளித்திருந்தார். ஆனால், ஜனாதிபதி தேர்தலின் பின்னர் அந்த உறுதிமொழியை நிறைவேற்றவில்லை. இதனால் மிளகு உற்பத்தியாளர்கள் பெரிதும் பாதிக்கப்பட்டுள்ளனர்.

நவீன் திஸாநாயக்க அமைச்சராக இருந்தபோதுகூட இவர்கள் தொடர்பில் கவனம் செலுத்தவில்லை. தற்போதும் அதே நிலைமை நீடிக்கின்றது. அதேபோல் மரக்கறி உற்பத்தியாளர்களும் பாதிக்கப்பட்டுள்ளனர். அவர்களுக்கான நிவாரணத் திட்டங்கள் இல்லை.  இந்நிலைமையை எமது ஆட்சியில் மாற்றியமைப்போம். விவாசாயிகளை பாதுகாப்போம்.” – என்றார்.

” உயிரை தியாகம்செய்தே ஒற்றையாட்சி முறைமையை பாதுகாத்தோம். எனினும், 13 ஆவது திருத்தச்சட்டம் பலவந்தமாக திணிக்கப்பட்டது. 13 இல் உள்ள அதிகாரங்கள் வடக்கிலுள்ள இனவாத அரசியல்வாதிகளின் கைகளுக்கு முழுமையாக சென்றுவிட்டால் தனிஈழம் அமைவதை தடுக்கமுடியாது. எனவே, 13 இற்கு முடிவு கட்டவேண்டும்.” – என்று ஶ்ரீலங்கா பொதுஜன பெரமுனவின் வேட்பாளர் ரியர் அட்மிரல் சரத் வீரசேகர தெரிவித்தார்.

களுத்துறை மாவட்ட மக்கள் பொறுப்புடன் வாக்குரிமையைப் பயன்படுத்த வேண்டும் என்று களுத்துறை மாவட்ட ஐக்கிய தேசியக்கட்சியின் வேட்பாளர் சண்.பிரபா தெரிவித்துள்ளார்.

மாவட்ட தோட்டப் பகுதிகளில் இடம்பெறும் பிரசார கூட்டங்களில் கலந்துகொண்டு உரையாற்றும் போது இவ்வாறு கூறிய அவர் மேலும் தெரிவித்ததாவது,

களுத்துறை மாவட்டத்தில் வரலாற்றில் முதற்தடவையாக தமிழ்ப்பேசும் பிரதிநிதியொருவர் வெற்றிபெறும் வாய்ப்பு அதிகமாகவே காணப்படுகின்றது.  2015ஆம் ஆண்டுத் பொதுத்தேர்தலுடன்  ஒப்பிட்டுப் பார்க்கும்   இம்முறை ஐ.தே.கட்சி இரண்டுக்கும் மேற்பட்ட ஆசனங்களை  பெற்றுக்கொள்வதற்கான வாய்ப்பு இருக்கின்றது.

அவ்வாறான சூழ்நிலையில் இரண்டாவதாக வெற்றி பெறுவதற்கான வாய்ப்பு தமிழ்ப் பேசும்  பிரதிநிதியயொருவருக்கே  அதிகமாக இருக்கின்றது. இந்த யாதார்த்த நிலைமையை புரிந்துக்கொண்டு களுத்துறை மாவட்ட மக்கள் வாக்களிக்க வேண்டும்.

அத்தோடு தங்களுடைய சுயநலத்துக்காகவும் தங்களுக்கு கிடைக்கின்ற அற்ப சொற்ப  சலுகைகளுக்காகவும் இன்று வாக்குகளை பிறருக்கு பெற்றுக்கொடுக்க துடிக்கும் தேர்தல் கால முகவர்களிடம் இருந்து களுத்துறை மாவட்ட மக்கள் தம்மை பாதுகாத்துக்கொள்ள வேண்டும்.

இந்தத் தேர்தல் வெறுமனே கைக்கட்டி பார்த்துக்கொண்டிருக்கும் விடயம் அல்ல. இம்மாவட்ட மக்கள் தங்களுக்கான தமிழ்ப்பிரதிநிதித்துவத்தை பெற்றுக்கொள்ள முஸ்தீபு காட்ட வேண்டும். ஆகவே களுத்துறை வாழ் மக்கள் மற்றும் புத்தி ஜீவிகள் சமூக ஆர்வலர்கள், இளைஞர்கள் , அரசியல் செயற்பாட்டாளர்கள் ஒன்றிணைந்து களுத்துறை மாவட்ட மக்களை ஒட்டு மொத்தமாக ஐக்கிய தேசியக் கட்சிக்கு வாக்களிக்கும் செயற்பாடுகளை முன்னெடுக்குமாறு கேட்டுக்கொள்கின்றேன் என்றும் அவர் தெரிவித்துக்கொண்டார்.

மலேசியாவின் முன்னாள் பிரதமர் நஜீப் ரசாக்கிற்கு 12 ஆண்டுகள் சிறை தண்டனை விதித்து கோலாலம்பூர் உயர் நீதிமன்றம் தீர்ப்பளித்துள்ளது.

மலேசியாவில் நஜீப் ரசாக் பிரதமராக இருந்த போது, 2015 ஆம் ஆண்டு அந்நாட்டின் அரசு முதலீட்டு நிதியான 1 எம்.டி.பி. நிறுவனத்தில் 4,500 கோடி ரூபாய் கையாடல் செய்தார் என்று குற்றச்சாட்டு எழுந்தது.

இந்த முறைப்பாடு மலேசியா முழுவதும் பெரும் பரபரப்பை ஏற்படுத்தியது. பெரும் போராட்டங்களும் நடைபெற்றன.

இதையடுத்து அவருக்கு சொந்தமான சொத்துக்கள் மீது மலேசிய ஊழல் தடுப்பு பிரிவினர் நடத்திய சோதனைகளின் போது 273 மில்லியன் டாலர் பெறுமதியான நகைகள் மற்றும் பணம் கைப்பற்றப்பட்டிருந்தன. இதுகுறித்து விசாரணை நடத்திய போலீசார் அவருடைய 408 வங்கி கணக்குகளையும் முடக்கி வைத்திருந்தனர்.

நஜிப் மீது அரசுத்தரப்பு நம்பிக்கை மோசடி, பணமோசடி, அதிகார அத்துமீறல் உள்ளிட்ட ஏழு குற்றச்சாட்டுகளை சுமத்தி இருந்தது. கடந்த இரண்டு ஆண்டுகளாக இது தொடர்பான நீதிமன்ற விசாரணை நடைபெற்று வந்த நிலையில் இன்று தீர்ப்பளிக்கப்பட்டது.

நஜீப் ரசாக் மீதான 7 குற்றச்சாட்டுக்களும் நிரூபணம் செய்யப்பட்டுள்ளதாக கூறியுள்ள கோலாலம்பூர் நீதிமன்றம் , அவருக்கு 12 ஆண்டுகள் சிறை தண்டனை விதித்துள்ளது. நஜிப் குற்றவாளி என தீர்ப்பளிக்கப்பட்டதால் அவரது ஆதரவாளர்கள் சோகத்தில் மூழ்கியுள்ளனர். இத்தீர்ப்பை எதிர்த்து அவர் மேல் முறையீடு செய்யப் போவதாக கூறப்படுகிறது.

கொரோனா வைரஸ் தொற்றுநோய் நெருக்கடியால் 70 லட்சம் குழந்தைகள் தங்களது வயதுக்கு ஏற்ற உயரம் இல்லாமல் பாதிக்கப்படுவார்கள் என ஐநா தெரிவித்து உள்ளது.

கொரோனா வைரஸ் தொற்றுநோய் உணவு விநியோகத்தை பாதிப்பதின் விளைவாக கிட்டத்தட்ட 70 லட்சம் குழந்தைகள் தங்களது வயதுக்கு ஏற்ற உயரம் இல்லாமல் பாதிக்கப்படுவார்கள் என்று ஐக்கிய நாடுகள் சபை எச்சரித்துள்ளது.

118 ஏழை மற்றும் நடுத்தர வருமான நாடுகளில் கொரோனா ஏற்படுத்தும் தாக்கத்தை நிபுணர்களின் குழு விவரித்துள்ளது.

ஐந்து வயதிற்குட்பட்ட குழந்தைகளிடையே மிதமாக அல்லது கடுமையாக உயரத்துக்கு ஏற்ற எடை இல்லாமல் பாதிக்கப்படுவது 14.3 சதவிகிதம் அதிகரிக்கும் என்று அவர்கள் கண்டறிந்தனர், இதன் விளைவாக கூடுதலாக 67 பாதிப்புகள் அதிகரிக்க வழிவகுக்கும் என கூறப்படுகிறது.

ஆரம்பகால வாழ்க்கையில் ஊட்டச்சத்தின் மீது கொரோனா தொற்றுநோயின் ஆழமான தாக்கம் குழந்தைகளின் வளர்ச்சிக்கு ஒன்றிணைந்த விளைவுகளை ஏற்படுத்தக்கூடும், மேலும் கல்வியில் வாழ்நாள் முழுவதும் ஏற்படும் பாதிப்புகள், நாட்பட்ட நோய் அபாயங்ளை ஏற்படுத்தக்கூடும் என்று ஆராய்ச்சியாளர்கள் குறிப்பிட்டுள்ளனர்.

உடல் மிகவும் ஊட்டச்சத்து குறைபாடு உள்ள போது தசைகள் மற்றும் கொழுப்பு மறைந்து போகும் போது தங்களது உயரத்துக்கு ஏற்ற எடை இல்லாத பாதிப்பு ஏற்படும் என கூறியுள்ளனர்.

அதிகார வர்க்கத்தாலும், இனவாத கும்பலாலும் கடந்த காலங்களில் அடக்கி ஆளக்கப்பட்ட, ஒடுக்கி ஓரங்கப்பட்ட நாவலப்பிட்டியவில் வாழும் தமிழ் மக்களுக்கு தலைநிமிர்ந்து வாழ்வதற்கான யுகத்தை நானே ஏற்படுத்திக்கொடுத்தேன். இதனால் அவர்களுக்கான அரசியல் அங்கீகாரமும் கிடைக்கப்பெற்றுள்ளது – என்று ஜனநாயக மக்கள் முன்னணியின் பிரதித் தலைவரும், ஐக்கிய மக்கள் சக்தியின் கண்டி மாவட்ட வேட்பாளருமான வேலுகுமார் தெரிவித்தார்.

நாவலப்பிட்டிய தொகுதியில் நடைபெற்ற தேர்தல் பிரச்சாரக்கூட்டத்தில் கலந்துகொண்டு உரையாற்றுகையிலேயே அவர் மேற்கண்டவாறு கூறினார்.

இது தொடர்பில் அவர் மேலும் கூறியவை வருமாறு,

” எமது மலையக மக்களுக்கு 1948 முதல் 88 வரையில் வாக்குரிமை இருக்கவில்லை.  40 ஆண்டுகளுக்கு பின்னரே அந்த உரிமை கிடைத்தது. இவ்விடத்தில் வாக்குரிமை தொடர்பில் ஏன் கதைக்கின்றேன் என்றால் அதன் பின்னால் கடந்த காலங்களில் அரங்கேறிய அடக்குமுறை கதையொன்று இருக்கின்றது.