இன்று பிறந்தநாள் கொண்டாடும் தனுஷுக்கு ரசிகர்களும், திரையுலக பிரபலங்களும் வாழ்த்து தெரிவித்து வருகிறார்கள்.

நடிகர், இயக்குநர், தயாரிப்பாளர், பாடகர், பாடல் ஆசிரியர் என்று பன்முகத் திறமை கொண்ட தனுஷ் இன்று தன் பிறந்தநாளை கொண்டாடுகிறார். அவருக்கு பலரும் ட்விட்டரில் வாழ்த்து தெரிவித்துக் கொண்டிருக்கிறார்கள். இதனால் #HappyBirthdayDhanush என்கிற ஹேஷ்டேக் ட்விட்டரில் தேசிய அளவில் டிரெண்டாகிக் கொண்டிருக்கிறது.

அப்பா கஸ்தூரி ராஜாவின் இயக்கத்தில் துள்ளுவதோ இளமை படம் மூலம் ஹீரோவானார் தனுஷ். அடுத்ததாக அண்ணன் செல்வராகவன் இயக்கத்தில் தனுஷ் நடித்த காதல் கொண்டேன் படம் பெரிய அளவில் வெற்றி பெற்றது. நடிக்க வந்த புதிதில் படப்பிடிப்பு தளத்தில் கூடியிருந்தவர்கள் இந்த ஆளு எல்லாம் ஹீரோவா என்று தனுஷின் காதுபடவே கிண்டல் செய்திருக்கிறார்கள். அதை கேட்டு மனம் வருந்தினாலும் நானும் ஒரு நாள் சாதிப்பேன் என்று தனக்கு தானே தைரியம் சொல்லி நடித்திருக்கிறார் தனுஷ்.

தனுஷ் நடிப்பதற்கு மட்டும் அல்ல டான்ஸ் ஆடுவதற்கும் பெயர் போனவர். திருடா திருடி படத்தில் வந்த மன்மத ராசா பாடலுக்கு தனுஷ் போட்ட ஆட்டம் இன்றும் பிரபலம். மாரி 2 படத்தில் வந்த ரவுடி பேபி பாடல் பட்டிதொட்டி எல்லாம் பிரபலம். காதல் கதைகளில் கவனம் செலுத்தி வந்த தனுஷ் ஒரு கட்டத்தில் தன் பாதையை மாற்றினார். வித்தியாசமான கதைகளை தேர்வு செய்து நடிக்கத் துவங்கினார்.

வெற்றிமாறன் இயக்கத்தில் தனுஷ் நடித்த ஆடுகளம் அவர் கெரியரில் மறக்க முடியாத படமாக அமைந்தது. தமிழ் திரையுலகில் தன் வித்தியாசமான நடிப்பால் ஒரு இடத்தை பிடித்த தனுஷ் பாலிவுட் சென்றார். ஆனந்த் எல் ராய் இயக்கிய ராஞ்சனா படம் மூலம் பாலிவுட்டில் ஹீரோவாக அறிமுகமானார் தனுஷ். சும்மா, சும்மா பாடியை காட்டி மிரட்டும் பாலிவுட் நடிகர்கள் மத்தியில் நடிப்பை காட்டி ரசிகர்களை ஈர்த்தார். யார் இந்த நடிகர் என்று இந்தி ரசிகர்கள் அசந்து போனார்கள். அதன் பிறகு பால்கி இயக்கத்தில் ஷமிதாப் படத்தில் நடித்தார். லாக்டவுனுக்கு முன்பு ஆனந்த் எல் ராய் இயக்கத்தில் அத்ரங்கி ரே படத்தில் அக்ஷய் குமார், சாரா அலி கானுடன் சேர்ந்து நடித்து வந்தார். அந்த படத்தின் ஷூட்டிங்கை வரும் அக்டோபர் மாதம் மதுரையில் துவங்க திட்டமிட்டுள்ளனர்.

பாலிவுட் சென்ற தனுஷ் தி எக்ஸ்ட்ராடினரி ஜர்னி ஆஃப் தி ஃபகிர் படம் மூலம் ஹாலிவுட்டும் சென்றார். நடிகராக கோலிவுட்டுக்கு வந்த தனுஷ் இயக்குநர் அவதாரம் எடுத்தார். அவர் ராஜ்கிரணை வைத்து இயக்கிய ப. பாண்டி பலருக்கும் பிடித்த படமாக அமைந்துவிட்டது. அது தனுஷ் இயக்கிய முதல் படம் என்று சொல்ல முடியாத அளவுக்கு சிறப்பாக இருந்தது.

படங்களில் நடிப்பதுடன் தயாரிக்கவும் செய்கிறார் தனுஷ். படங்களில் பாடுவது, பாடல்கள் எழுதுவது என்று தன் திறமைகளை வெளிப்படுத்தி வருகிறார். தனுஷ் நடிப்பை பார்த்து அசந்து போகாதவர்களே இல்லை எனலாம். விருதுகள் எல்லாம் தனுஷிடம் செல்லவே ஆசைப்படுகின்றன.

ஜாலியான கதாபாத்திரம் முதல் சீரியஸான கதாபாத்திரம் வரை எதுவாக இருந்தாலும் அந்த கதாபாத்திரமாகவே மாறுவதற்கு பெயர் போனவர் தனுஷ். அவரை வைத்து படம் எடுக்க பல இயக்குநர்கள் காத்திருக்கிறார்கள். அவருக்கு தன் மாமனார் ரஜினிகாந்துடன் சேர்ந்து ஒரு படத்திலாவது நடித்துவிட வேண்டும் என்பதே நீண்ட நாள் ஆசையாக இருக்கிறது. அந்த ஆசை இந்த ஆண்டாவது நிறைவேறட்டும்.

#HappyBirthdayDhanush

விஷ்ணு நடித்த ராட்சசன் பட கதையை இதற்கு முன்பு 17 ஹீரோக்கள் நிராகரித்து இருக்கிறார்கள் என அவர் கூறி உள்ளார்.

கோலிவுட் சினிமாவில் துவக்கத்திலிருந்து மிக வித்தியாசமான கதைகளை தேர்ந்தெடுத்து நடித்து, தற்போது முன்னணி ஹீரோவாக வளர்ந்து இருப்பவர் விஷ்ணு விஷால். அவர் நடிப்பில் வரும் படங்களுக்கு ஒரு மினிமம் கேரண்டி வசூல் நிச்சயம் இருக்கிறது என்கிற பேச்சு சினிமா துறையில் எப்போதும் உண்டு.

தற்போது கொரோனா காலகட்டத்தில் பிரபலங்கள் அனைவரும் தங்கள் வீடுகளிலேயே முடங்கியிருக்கின்றனர். சினிமா ஷுட்டிங் எதுவும் நடைபெறவில்லை என்பதால் இவர்கள் வேறு வழி இல்லாமல் வீட்டில் தான் இருக்கின்றனர். அதனால் பலரும் சமூக வலைதளங்களில் ஆக்டிவாக இருக்கிறார்கள். நடிகர் விஷ்ணு விஷால் அப்படி சமூக வலைதளங்களில் பல்வேறு கருத்துக்களை வெளிப்படுத்தி வருகிறார். அப்படி சமீபத்தில் அவர் கிரிக்கெட் வீரர் அஸ்வின் உடன் ஒரு பேட்டியில் பங்கேற்றுள்ளார்.

அப்போது தன் வாழ்க்கையில் நடந்த பல விஷயங்கள் பற்றி அவர் பேசியுள்ளார். விஷ்ணு ஆரம்பத்தில் கிரிக்கெட் வீரராக தான் தனது கெரியரை துவங்கினார். ஆனால் தனக்கு காயம் ஏற்பட்டதால் கிரிக்கெட்டில் இருந்து விலகி சினிமா பக்கம் வந்து விட்டார். நான் கிரிக்கெட்டை விட வில்லை, கிரிக்கெட் தான் என்னை விட்டு விட்டது என அவர் தெரிவித்துள்ளார்.

மேலும் சினிமா என்ற கடலில் குதித்த பிறகு இங்கு உயிர் பிழைத்த இருப்பது தான் முக்கியம் என எண்ணி நான் அனைத்து விஷயங்களும் செய்தேன் என விஷ்ணு விஷால் கூறியுள்ளார். மேலும் ஒவ்வொரு படம் முடித்ததும் அதை திரையில் பார்க்கும் போதும் தனக்கு ஒரு அனுபவம் கிடைக்கும் என கூறும் அவர், ஒரு கட்டத்தில் தனக்கு கான்ஃபிடன்ஸ் கிடைத்தது. நான் முடிவு செய்தால் அதில் 80 சதவீதமாவது சரியாக இருக்கிறது என எனக்கு தோன்றியது. அந்த சமயத்தில் தான் நான் ராட்சசன் படத்தில் நடிக்க முடிவு எடுத்ததாகவும் கூறியுள்ளார்.

விஷ்ணு நடித்த பல கதைகள் பல ஹீரோக்கள் நிராகரித்த கதைகளாக தான் இருந்தது என்றும் விஷ்ணு தெரிவித்துள்ளார். ராட்சசன் படத்தின் கதையை 17 ஹீரோக்கள் மற்றும் 22 தயாரிப்பாளர்கள் நிராகரித்து அதற்குப் பிறகு தான் தன்னிடம் வந்தது என்று கூறியுள்ளார். ஒரு கட்டத்தில் ராட்சசன் படம் தன் கையை விட்டு போனது என்றும் மீண்டும் அது தன்னைத் தேடி வந்தது என்றும் விஷ்ணு கூறியுள்ளார். பிறகு அவர் இந்த படத்தில் நடித்தது மிகப்பெரிய ஹிட்டானது குறிப்பிடத்தக்கது. அதே போலத்தான் விஷ்ணு முன்னர் நடித்த முண்டாசுப்பட்டி என்ற படத்தின் கதையும் பல ஹீரோக்களை தாண்டித்தான் இவருக்கு வந்தது என கூறி உள்ளார்.

விஷ்ணு சினிமாவில் நடிக்கத் தொடங்கி ஒரு சில படங்கள் ப்ளாப் ஆனதால் அதற்கு பிறகு தனக்கு வரும் படங்களை உடனே ஒப்புக் கொள்ளாமல் பார்த்து பார்த்து தேர்ந்தெடுக்க துவங்கினாராம் அவர். தன்னிடம் வந்த பதினோரு படங்களை அவர் வேண்டாம் என ரிஜெக்ட் செய்திருக்கிறாராம். இந்த படங்கள் கமர்ஷியல் காமெடி என நன்றாக இருந்தாலும் வித்தியாசமாக இல்லை என்ற ஒரே காரணத்திற்காக அவற்றை வேண்டாம் என கூறி இருக்கிறாராம். மாதக் கணக்கில் வீட்டில் சும்மா கூட இருந்திருக்கிறேன் என அவர் தெரிவித்துள்ளார்.

மேலும் தற்போது பிரபலமாக இருக்கும் ஒடிடி தளங்கள் பற்றி பேசிய அவர், தமிழ் சினிமாவில் அவை மிகவும் பிரபலம் இல்லாமல் இருப்பதற்கு காரணம் தற்போது தமிழ் சினிமாவில் உச்ச நட்சத்திரமாக இருப்பவர்கள் இதில் கவனம் செலுத்தாமல் இருப்பது தான் என தெரிவித்துள்ளார். மக்களும் தியேட்டர்களுக்கு சென்று பெரிய கொண்டாட்டத்துடன் படத்தை பார்ப்பதற்கு தான் விரும்புகிறார்கள் என்றும் அவர் தெரிவித்துள்ளார். அதனால் தான் OTT தளங்களில் அதிகம் யாரும் கவனம் செலுத்துவதில்லை என விஷ்ணு விஷால் கூறியுள்ளார்.

– நன்றி சமயம்.கொம்

தெலுங்கு பிக் பாஸ் நிகழ்ச்சியின் 4வது சீசனில் பூனம் பஜ்வா கலந்து கொள்வதாக தகவல்

பரத்தின் சேவல் படம் மூலம் கோலிவுட்டில் அறிமுகமானவர் பூனம் பஜ்வா. ஜீவாவின் தெனாவட்டு, கச்சேரி ஆரம்பம், துரோகி, தம்பிக்கோட்டை, ஜி.வி. பிரகாஷின் குப்பத்து ராஜா, அரண்மனை 2, முத்தின கத்திரிக்கா உள்ளிட்ட தமிழ் படங்களில் நடித்துள்ளார்.

தன் கவர்ச்சி புகைப்படங்களை தொடர்ந்து சமூக வலைதளங்களில் வெளியிட்டு வருகிறார் பூனம் பஜ்வா. இந்நிலையில் தெலுங்கு பிக் பாஸ் நிகழ்ச்சியின் 4வது சீசனில் பூனம் பஜ்வா போட்டியாளராக கலந்து கொள்கிறார் என்று பேச்சு கிளம்பியது.

பூனம் பஜ்வா பிக் பாஸ் நிகழ்ச்சியில் கலந்து கொள்வதை நிகழ்ச்சி ஏற்பாட்டாளர்களுக்கு நெருக்கமான ஒருவர் உறுதி செய்துள்ளார். பிக் பாஸ் வீட்டில் இருக்க பூனம் பஜ்வாவுக்கு ரூ. 45 லட்சம் சம்பளம் பேசப்பட்டுள்ளதாம். முந்தைய சீசனை போன்றே இந்த சீசனையும் நாகர்ஜுனா தான் தொகுத்து வழங்கவிருக்கிறார். அவருக்கான சம்பள விபரம் இதுவரை வெளியாகவில்லை.

அடுத்த மாதத்தில் இருந்து தெலுங்கு பிக் பாஸ் நிகழ்ச்சி டிவியில் ஒளிபரப்பாகும் என்று கூறப்படுகிறது. தெலுங்கு பிக் பாஸ் நிகழ்ச்சியை துவங்க அவர்கள் ஏற்பாடு செய்வதை பார்த்து தமிழ் ரசிகர்கள் லைட்டா கவலை அடைந்துள்ளனர்.

வீட்டில் சும்மா இருக்கும் நேரத்தில் இந்த பிக் பாஸ் நிகழ்ச்சியை ஒளிபரப்பினாலாவது பொழுது போகும். ஆனால் தமிழ் பிக் பாஸ் நிகழ்ச்சி இந்த ஆண்டு நடப்பது போன்றே தெரியவில்லையே என்று தமிழ் ரசிகர்கள் தெரிவித்துள்ளனர்

இதற்கிடையே பிக் பாஸ் நிகழ்ச்சிக்கு தடை விதிக்க வேண்டும் என்று ஒப்புக் கொள்கிறீர்களா இல்லையா என்று கேட்டு ஓவியா ட்வீட் செய்துள்ளார். பிக் பாஸ் வீட்டில் டிஆர்பிக்காக போட்டியாளர்கள் டார்ச்சர் செய்யப்படுவதாக ஓவியா கூறியுள்ளார். பிக் பாஸ் நிகழ்ச்சி மூலம் பிரபலமான ஓவியாவே இப்படி கூறியிருப்பது பலரையும் வியக்க வைத்துள்ளது.

பிக் பாஸ் நிகழ்ச்சியில் டிஆர்பிக்காக போட்டியாளர்களை மோதவிட்டு வேடிக்கை பார்க்கிறார்கள். இது எல்லாம் நிஜம் இல்லை வெறும் ஸ்க்ரிப்ட். கொடுத்த காசுக்காக நாங்கள் ஒரு கேம் ஷோவில் சண்டை போடுவதை பார்த்துவிட்டு நிஜ வாழ்க்கையில் எங்களை விளாசுவது சரியில்லை என பிக் பாஸ் நிகழ்ச்சியில் கலந்து கொண்ட சிலர் முன்பு தெரிவித்தனர்.

பிக் பாஸ் ஒரு கேம் ஷோ. அதை வைத்து என்னை நிஜத்தில் மதிப்பிட வேண்டாம் என்று வனிதா விஜயகுமார் கூட தொடர்ந்து கூறி வருகிறார். பிக் பாஸ் நிகழ்ச்சியின் முதல் சீசனில் கலந்து கொண்டபோது ஜூலி சொன்ன பொய்க்காக இன்னும் சமூக வலைதளங்களில் அவரை திட்டிக் கொண்டிருக்கிறார்கள் என்பது குறிப்பிடத்தக்கது.

தமிழ் பிக் பாஸ் நிகழ்ச்சியின் நான்காவது சீசனில் அவர் கலந்து கொள்கிறார், இவர் கலந்து கொள்கிறார் என்று தகவல் வெளியானதே தவிர இதுவரை ப்ரொமோ வீடியோ கூட வரவில்லை. தமிழ் பிக் பாஸ் நிகழ்ச்சியை செப்டம்பர் மாதம் துவங்கப் போவதாக கூறப்பட்டது. ஆனால் அந்த தகவல் இதுவரை உறுதி செய்யப்படவில்லை. தமிழ் பிக் பாஸ் நிகழ்ச்சி இந்த ஆண்டு நடக்குமா என்று தெரியாத நிலையில் தெலுங்கு, இந்தியில் நிகழ்ச்சியை நடத்துவதற்கான ஏற்பாடுகள் விறுவிறுப்பாக நடந்து வருகிறது.

ரஜினி நடிக்கும் அண்ணாத்த படம் பற்றி கடந்த சில நாட்களாக பல வதந்திகள் பரவி வருகின்றன.

சூப்பர் ஸ்டார் ரஜினிகாந்த் சிறுத்தை சிவா இயக்கத்தில் அண்ணாத்த என்ற படத்தில் நடித்து வருகிறார். வழக்கமாக சிவா இயக்கும் படங்களில் குடும்ப ரசிகர்களை கவரும் வகையில் சென்டிமென்ட் அதிகம் இருக்கும் என்பதால் இந்த படத்தின் மீது அதிக எதிர்பார்ப்பு எழுந்துள்ளது.

இந்த படத்தில் ரஜினியின் தங்கையாக கீர்த்தி சுரேஷ் நடிக்கிறார். இதில் அண்ணன் தங்கை பாசம் பற்றிய சென்டிமென்ட் காட்சிகள் அதிகம் இருக்கும் என எதிர்பார்க்கப்படுகிறது. அதனால் தான் இந்த படத்திற்கு அண்ணாத்த என சிவா பெயரிட்டு இருக்கிறார் என்றும் கூறப்படுகிறது.

சென்ற வருடம் துவங்கிய அண்ணாத்த படத்தின் ஷுட்டிங் ஹைதராபாத்தில் நடந்து வந்தது. அந்த நேரத்தில் கொரோனா பிரச்சனை வெடித்ததால் படப்பிடிப்பு நிறுத்தப்பட்டது குறிப்பிடத்தக்கது. கிட்டத்தட்ட நான்கு மாதங்கள் ஆகும் நிலையில் தற்போது வரை ஷூட்டிங் மீண்டும் நடத்த முடியாமல் படக்குழு இருக்கிறது.

முதலில் இந்த வருடம் தீபாவளிக்கு அண்ணாத்த படம் ரிலீஸ் என அறிவிக்கப்பட்டிருந்தது. ஆனால் கொரோனா பிரச்சனை காரணமாக படப்பிடிப்பு நிறுத்தப்பட்டதால் கடந்த மே மாதம் சன் பிக்சர்ஸ் நிறுவனம் வெளியிட்ட அறிவிப்பில் அண்ணாத்த படம் 2021 பொங்கல் பண்டிகைக்காக ரிலீஸாகும் என குறிப்பிட்டிருந்தனர். ஆனால் தற்போது நான்கு மாதங்களுக்கு மேல் ஷூட்டிங் நடத்த முடியாத சூழ்நிலை இருப்பதாலும், மேலும் மீண்டும் ஷுட்டிங் எப்போது துவங்கும் என்பது தெரியாத நிலையில் இருப்பதாலும் அடுத்த வருடம் பொங்கலுக்கு அண்ணாத்த வெளியாவது சாத்தியமில்லை என்று கூறப்படுகிறது.

இந்நிலையில் கொரோனா பிரச்சனைக்கு நடுவில் மீண்டும் ஷூட்டிங் நடத்துவது தற்போதைக்கு சாத்தியமில்லாத ஒன்று என்று ரஜினி கருதுகிறார் எனக் கூறப்படுகிறது. இந்நிலையில் தற்போது இணையத்தில் பரவி வரும் வதந்தி என்னவென்றால் அண்ணாத்த படத்திற்காக வாங்கிய சம்பளத்தை ரஜினி திருப்பிக் கொடுத்து விட்டார் என்பது தான். மேலும் படப்பிடிப்பு நடத்த பல்வேறு சிக்கல்கள் இருக்கும் நிலையில் அந்தப் படம் டிராப் ஆகிவிட்டது என்று கூட செய்திகள் பரவி வருகிறது. கொரோனா காரணமாக அதிக அளவு நஷ்டம் தயாரிப்பாளர்களுக்கு ஏற்படுவதாக கூறப்படும் நிலையில் சம்பளத்தை குறைக்கும்படி ரஜினியிடம் தயாரிப்பு நிறுவனம் கேட்டதாக கூறப்படுகிறது, அதற்கு பிறகு தான் தான் வாங்கிய சம்பளத்தை திருப்பிக் கொடுத்து விட்டார் என செய்திகள் பரவி வருகிறது.

ஆனால் இது முற்றிலும் பொய்யான தகவல் என்றும் தயாரிப்பாளர் சம்பளத்தை குறைக்க கேட்கவே இல்லை என்றும் மற்றொரு விளக்கமும் கூறப்படுகிறது. எது எப்படி இருந்தாலும் சூப்பர் ஸ்டார் ரஜினிகாந்த் மீண்டும் ஷூட்டிங்கில் கலந்து கொள்ள வேண்டும் என்றால் கொரோனா வைரஸ் பரவல் முற்றிலும் நின்ற பிறகு தான் நடக்கும் எனத் தெரிகிறது. வழக்கமாகவே ரஜினி படங்களுக்கு இப்படி வதந்திகள் வருவது புதிதல்ல என்று கூட சிலர் சொல்கின்றனர்.

கீர்த்தி சுரேஷ் சூப்பர் ஸ்டாருடன் நடிப்பது இது தான் முதல் முறை அவர் இதற்கு முன்பு இது பற்றி உருக்கமாக ஒரு பேட்டியில் பேசி இருந்தார். கீர்த்தி சுரேஷ் தான் நடிக்கும் படங்களில் 20 முதல் 30 சதவீதம் வரை சம்பளத்தை குறைத்துக்கொள்வதாக அறிவித்துள்ளார் என்பது குறிப்பிடத்தக்கது.

” நாட்டில் சமரஷ்டி முறைமை இருந்திருந்தால் கொரோனாவால் வடக்கு, கிழக்கில் பெரும் சீரழிவுகள் ஏற்பட்டிருக்கும்.” – என்று தேசிய சுதந்திர முன்னணியின் தலைவர் விமல்வீரவன்ஸ தெரிவித்தார்.

பொதுத்தேர்தலில் ஶ்ரீலங்கா பொதுஜன பெரமுனவே வெற்றிபெறும். எனவே, அந்த வெற்றியில் மலையக மக்களும் பங்காளிகளாகவேண்டும் – என்று இலங்கை கிரிக்கெட் அணியின் முன்னாள் நட்சத்திர சுழல் பந்து வீச்சாளரான முத்தையா முரளிதரன் கோரிக்கை விடுத்துள்ளார்.

மொட்டு சின்னத்தில் நுவரெலியா மாவட்டத்தில் போட்டியிடும் முத்தையா பிரபுவை ஆதரித்து நடைபெற்ற தேர்தல் பிரச்சாரக்கூட்டத்தில் கலந்துகொண்டு உரையாற்றுகையிலேயே அவர் இந்த கோரிக்கையை விடுத்தார்.

” மலையக மக்களுக்காக முன்னெடுக்கப்படவேண்டிய பல வேலைத்திட்டங்கள் உள்ளன. அவற்றை செய்வதற்காகவே முத்தையா பிரபு அரசியலுக்கு வந்துள்ளார். எனவே, அவருக்கும் ஒரு வாய்ப்பை வழங்குமாறு கேட்டுக்கொள்கின்றேன்.

தேர்தலில் மொட்டுதான் வெற்றிபெறும். எனவே, நாம் வெற்றியின் பங்காளிகளாகி அபிவிருத்தியை நோக்கி பயணிக்கவேண்டும்.” – என்றும் முரளி கூறினார்.