கந்தக்காடு புனர்வாழ்வு முகாமிலிருந்து தியத்தலாவைக்கு வந்திருந்த இராணுவத்தினர் இருவர், தமக்கான உடைகளை தியத்தலாவை தையல் நிலையமொன்றில்  கடந்த 11 ஆம் திகதி தைத்துச் சென்றிருந்தனர்.  இவ்விருவருக்கும் கொரோனா வைரஸ் பரவியுள்ளமை கண்டறியப்பட்டுள்ளது.

இதனையடுத்து தியத்தலாவையிலுள்ள குறித்த தையல் நிலையத்தின் உரிமையாளர் மற்றும் உதவியாளர்கள் ஏழு பேரும் இன்று (15) பிற்பகல் 2.30 மணியளவில் பதுளை அரசினர் மருத்துவமனைக்கு அனுப்பிவைக்கப்பட்டனர். அவர்கள் இன்று மாலை பி.சி.ஆர் பரிசோதனைக்கு உட்படுத்தப்படுவார்கள்.

இப் பரிசீலனை நிறைவுற்றதும்,  அவர்கள் சுய தனிமைப்படுத்தலுக்குற்படுத்துவது அல்லது அங்கொடை கோவிட் 19 தொற்று அரசினர் மருதுவமனைக்கு அனுப்புவது குறித்தும் தீர்மானிக்கப்படும் என்று பதுளை அரசினர் வைத்தியசாலை வைத்தியர்கள் தெரிவித்தனர்.

அத்துடன் இராணுவ அதிகாரிகள் மூவருக்கு கோவிட் 19 தொற்று இருப்பதை கண்டுபிடிக்கப்பட்டு அம் மூவருடன் தொடர்புடைய 116 பேர் பதுளை பகுதியில் சுயதனிமைக்கு உட்படுத்தப்பட்டுள்ளனர்.

கோவிட் 19 தொற்றுக்குள்ளான மூவரும் பசறை, பதுளை, மஹியங்கனை, ஆகிய பகுதிகளைச் சேர்ந்த இராணுவ வீரர்களாவர். இவர்கள் விடுமுறை பெற்று தமது வீடுகளுக்கு வந்தவர்களாவர் என்பது குறிப்பிடத்தக்கது. பசறை பகுதியை சேர்ந்தவர் ஏற்கனவே அடையாளம் காணப்பட்டவர்.

எம்.செல்வராஜா பதுளை

” பந்தையும், துடுப்பு மட்டையையும் வழங்கி வாக்கு கேட்பவர்களை நம்பவேண்டாம். இனவாதிகளுடன் இணைந்தே அவர் போட்டியிடுகின்றார். அத்தகையவர்களுக்கு வாக்களித்தால் மலையகத்தில் மாற்றம் ஏற்படாது. எனவே, ஐக்கிய மக்கள் சக்தியை ஆதரிக்குமாறு கேட்டுக்கொள்கின்றேன்.” – என்று ஐக்கிய மக்கள் சக்தியின் தலைவர் சஜித் பிரேமதாச தெரிவித்தார்.

ஐக்கிய மக்கள் சக்தியில் போட்டியிடும் தமிழ் முற்போக்கு கூட்டணியினதும், தொழிலாளர் தேசிய சங்கத்தின் இளைஞர் அணியினதும், பிரச்சார கூட்டம் முன்னாள் அமைச்சரும்,  நுவரெலியா மாவட்ட வேட்பாளருமான பழனி திகாம்பரம் தலைமையில் 15.07.2020 அன்று அட்டன் டி.கே.டபிள்யூ மண்டபத்தில் மதியம் நடைபெற்றது.

இந்நிகழ்வில் பிரதம அதிதியாக முன்னாள் எதிர்கட்சி தலைவரும், ஐக்கிய மக்கள் சக்தியின் தலைவருமான சஜித் பிரேமதாச கலந்து கொண்டார். இவரோடு தமிழ் முற்போக்கு கூட்டணியின் நுவரெலியா மாவட்ட வேட்பாளர்களான வே.இராதாகிருஷ்ணன், எம்.உதயகுமார், எம்.ரவீந்திரன் என பலரும் கலந்து கொண்டனர்.

இதன்போது சஜித் பிரேமதாச மக்கள் மத்தியில் உரையாற்றும் போது மேற்கண்டவாறு தெரிவித்தார் அவர் மேலும் தெரிவித்ததாவது,

” மலையக மக்களுக்கு எனது தந்தையே குடியுரிமை வழங்கினார். அதன்பின்னர் வாக்குரிமையும் வழங்கப்பட்டது. ஆனால், இவற்றால் மட்டும் அம்மக்களுக்கு நிம்மதியாக வாழமுடியாது. தனக்கென காணி, வீடு அவசியம். கல்வி மற்றும் சுகாதாரத்துறைகள் மேம்படவேண்டும். இவை நடைபெற்றால் மாத்திரமே மலையக மக்கள் சுதந்திரமாக வாழ்கின்றனர் என நம்பக்கூடியதாக இருக்கும்.

அத்துடன், பெருந்தோட்டத் தொழிலாளர்களை சிறுதோட்ட உரிமையாளர்களாக்கி, வருமானம் உழைக்ககூடிய வழிவகைகளை ஏற்படுத்திக்கொடுக்க நடவடிக்கை எடுக்கப்படும். அப்போதுதான் மாற்றத்தை நோக்கி பயணிக்ககூடியதாக இருக்கும்.

ஐக்கிய மக்கள் சக்தியின் ஆட்சியின்கீழ் மலையகத்துக்கு அமைச்சுப் பதவி மட்டுமல்ல பெருந்தோட்ட மக்களின் நலன்புரி, அபிவிருத்தி உட்பட இதர கோரிக்கைகளை நிறைவேற்றுவதற்காக விசேட செலயணியொன்று அமைக்கப்படும். அது பிரதம அமைச்சரின் கண்காணிப்பின்கீழ் செயற்படும். திகாம்பரம் உள்ளிட்டவர்களும் அதில் இருப்பார்கள்.

பெட், போல் மற்றும் பிஸ்கட்டுகளை வழங்கிவிட்டு வாக்குபெறலாம் என சிலர் நினைக்கின்றனர். இலங்கை கிரிக்கெட் வீரரை அவமதித்த வேட்பாளர் அங்கம் வகிக்கும் இனவாத கூட்டணியிலேயே இவரும் போட்டியிடுகின்றார். அவருக்கு வாக்களிப்பதால் மலையகத்தில் மாற்றம் வரப்போவதில்லை. எனவே, ஐக்கிய மக்கள் சக்தி வேட்பாளர்களை ஆதரிக்குமாறு கேட்டுக்கொள்கின்றேன்.

இந்த அரசாங்கத்திடம் பொருளாதார திட்டங்கள் இல்லை. மக்கள்மீது சுமைகள் திணிக்கப்பட்டுள்ளன. நாம் ஆட்சிக்கு வந்ததும் 20 ஆயிரம் ரூபா வழங்கப்படும் என்பதுடன், உடனடியாக எரிபொருள் விலையும் குறைக்கப்படும்.” – என்றார்.

க.கிசாந்தன்

மொனராகலை மாவட்டத்தில் கொவிட் –  19 தொற்றுடையதாக இருவர் அடையாளம் காணப்பட்டுள்ளனர் என்று மொனராகலை சுகாதார சேவைப் பணிப்பாளர் பி.பி.கே. அதிகாரி இன்று 15-07-2020 தெரிவித்தார்.

மேலும் அவர் கருத்துத் தெரிவிக்கையில்,

“மொனராகலை மாவட்டத்தில் எத்திமலை, சியாம்பலாண்டுவை ஆகிய பகுதிகளின் கோவிட் 19 தொற்றுக்கான அறிகுறிகள் தென்பட்ட ஐவர் பி.சி.ஆர் பரிசோதனைக்குற்படுத்தப்பட்டிருந்தனர்.

இவர்களில் இருவர் நோய்த் தொற்றுக்கிழக்காகியிருப்பது கண்டுபிடிக்கப்பட்டுள்ளனர். ஏனைய மூவருக்கும் நோய்த் தொற்று இல்லையென்பதும் ஊர்ஜிதமாகியுள்ளது.

அத்துடன், கோவிட் 19 தொற்றுடையவர்களுடன் தொடர்புகளை மேற்கொண்டிருந்ததாகக் கூறப்படும் 68 பேர் அடையாளம் காணப்பட்டு, அவர்களில் எட்டுப் பேர் அரச தனிமைப்படுத்தும் நிலையத்திற்கு அனுப்பப்பட்டிருப்பதுடன் ஏனைய 60 பேர் சுய தனிமைப்படுத்தல் வேலைத்திட்டத்தின் கீழ் வைக்கப்பட்டுள்ளனர்.

அத்துடன் பொதுமக்கள் அனைவரும், கோவிட் 19 சுகாதார வழிமுறைகளைக் கண்டிப்பாக பின்பற்றுமாறும், பொதுமக்களிடம் வினயமாகக் கேட்டுக் கொள்கின்றேன்” என்றும் கூறினார்.

எம். செல்வராஜா பதுளை

கொவிட் 19 வைரஸ் பரவல் குறித்த நெருக்காடியான சந்தர்ப்பத்திலும் ஊவா மாகாணத்தில் வாக்களித்த அனைத்து தமிழ் அதிபர்கள் மற்றும் ஆசிரியர்களுக்கு பெருந்தோட்ட பிராந்தியங்களுக்கான பிரதமரின் இணைப்புச் செயலாளர் செந்தில் தொண்டமான் நன்றித் தெரிவித்துள்ளார்.

ஆளும் மற்றும் பொதுத் தேர்தலின் பின் அமையபோகும் ஜனாதிபதி கோட்டாபய ராஜபக்ச தலைமையிலான பொதுஜன பெரமுனவின் அரசாங்கத்தில் பலம்வாய்ந்த அமைச்சுப் பதவியை இ.தொ.காவுக்கு பெற்றுக்கொடுக்கும் முகமாக ஆசிரியர் சமூகம் பொதுஜன பெரமுனவின் தாமரை மொட்டு சின்னத்துக்கு வாக்களித்து பூரண ஆதரவை வழங்கியுள்ளது.

ஊவாவில் குறைப்பாடாக காணப்படட விஞ்ஞானப் பாடசாலையை உருவாக்கி வைத்தித்துறை கற்க பெருந்தோட்டப் பிள்ளைகளை பல்கலைக்கழகத்துக்கு அனுப்பிவைத்தது போன்று கேகாலை, இரத்தினபுரி, களுத்துறை, கண்டி, மாத்தளை என பெருந்தோட்ட சமூகம் பரந்தப்பட்டளவில் வாழும் அனைத்து மாவட்டங்களிலும் கணித விஞ்ஞானக் கல்லூரிகளை அமைத்து அங்கும் பல வைத்தியர்களை உருவாக்க நடவடிக்கையெடுக்கப்படும்.

நான் செய்வதை மட்டுமே சொல்வேன். அதேபோன்று சொல்வதை மற்றுமே செய்பவன். ஏனைய அரசியல் வாதிகள் போன்று பொய்யான வாக்குறுதிகளை கொடுத்து மக்களை ஏமாற்றுபவன் அல்ல. புதிய அரசாங்கம் அமைய பெற்றதும் முதல் பணியாக ஆசிரியர்களுக்கான வீடமைப்புத் திட்டத்தை செய்துமுடிக்க அனைத்து நடவடிக்கைகளும் எடுக்கப்படும் என்றும் கூறியுள்ளார்.