அமெரிக்காவுடன் அமைதி மற்றும் இராஜதந்திர உறவை ஏற்படுத்தத் தயாராக இருப்பதாக ஈரான் தெரிவித்துள்ளது.

சர்வதேச ஊடகமொன்றுக்கு வழங்கிய நேர்காணலின்போதே ஈரான் வெளிவிவகார அமைச்சர் அப்பாஸ் அரக்ச்சி மேற்கண்டவாறு தெரிவித்துள்ளார்.

ஈரான்மீது அமெரிக்கா இராணுவ நடவடிக்கை முன்னெடுக்கும் என தகவல்கள் வெளிவரும் நிலையில், பேச்சுமூலம் தீர்வை எட்டலாம் என ஈரான் வெளிவிவகார அமைச்சர் நம்பிக்கை வெளியிட்டுள்ளார்.

இரு நாடுகளுக்கும் இடையே அண்மையில் நடந்த பேச்சுகள் ஆக்கப்பூர்வமாக இருந்ததால், ஈரான் விரைவில் ஒரு ஒப்பந்த வரைவை முன்வைக்கலாம் என தெரியவருகின்றது.

ஈரானின் அணுசக்தி உரிமைகளைப் பாதுகாக்கும் அதே வேளையில், கடுமையான கண்காணிப்புகளுக்கு உட்படுத்தப்படவும் அந்த நாடு முன்வந்துள்ளது.

அமெரிக்க ஜனாதிபதி டிரம்ப் ஒருபுறம் கெடு விதித்து எச்சரித்தாலும், பேச்சுவார்த்தை மூலம் சுமுகமான முடிவை எட்டுவதற்கான வாய்ப்புகள் தற்போதும் நிலவுகின்றன.

உச்ச நட்சத்திரங்களான ரஜினி – கமல் இணைந்து நடிக்கும் புதிய படத்தின் ப்ரோமோ வெளியாகியுள்ளது.

தமிழ் திரை உலகின் முன்னணி ஹீரோக்களான ரஜினிகாந்த் – கமல்ஹாசன் இணைந்து நடிக்கும் புதிய படத்தினை ரெட் ஜெயிண்ட் நிறுவனம் தயாரிக்கவுள்ளது.

நெல்சன் இயக்கத்தில் உருவாகும் இப்படத்தின் அறிமுக ப்ரோமோ வீடியோ இன்று வெளியாகியுள்ளது.

இப்படத்துக்கு ஒளிப்பதிவாளராக ராஜீவ் மேனன், இசையமைப்பாளராக அனிருத் பணிபுரிந்துள்ளனர். புரோமோவில் ரஜினிகாந்த், கமல்ஹாசனுடன் இயக்குநர் நெல்சன் மற்றும் இசையமைப்பாளர் அனிருத் ஆகியோரும் தோன்றுகின்றனர். முந்தைய படங்களில் ப்ரோமோக்கள் போலவே, இப்படத்தின் ப்ரோமோ வீடியோவையும் காமெடி கலந்த ஆக்‌ஷனாக நெல்சன் உருவாக்கியுள்ளார்

ரஜினி தற்போது நெல்சனின் இயக்கத்தில் ‘ஜெயிலர் 2’ படத்தின் பணிகளில் தீவிரமாக உள்ளார். அதன்பின்னர், ராஜ்கமல் பிலிம்ஸ் தயாரிப்பில் சிபி சக்கரவர்த்தி இயக்கும் படத்தில் ரஜினிகாந்த் நடிக்கிறார். அதனைத் தொடர்ந்தே ரஜினி – கமல் இணையும் படத்தின் பணிகளை நெல்சன் தொடங்கவுள்ளார்.

மாகாணசபைத் தேர்தலை விரைவில் நடத்துமாறு ஸ்ரீலங்கா பொதுஜன பெரமுன கட்சி மீண்டும் வலியுறுத்தியுள்ளது.

கொழும்பில் (20) நடைபெற்ற ஊடக சந்திப்பின்போதே அக்கட்சியின் உறுப்பினரான முன்னாள் நாடாளுமன்ற உறுப்பினர் திஸ்ஸ குட்டியாராச்சி இந்த வலியுறுத்தலை விடுத்தார்.

“ஸ்ரீலங்கா பொதுஜன பெரமுன கட்சிக்கு மக்கள் மத்தியில் செல்வாக்கு அதிகரித்துவருகின்றது. எனவே, மாகாணசபைத் தேர்தலை நடத்துமாறு அரசாங்கத்துக்கு சவால் விடுக்கின்றோம்.

மாகாணசபைத் தேர்தல் நடத்தப்பட்டால் அதில் ஸ்ரீலங்கா பொதுஜன பெரமுன கட்சி நிச்சயம் வெற்றிபெறும்.” – எனவும் திஸ்ஸ குட்டியாராச்சி குறிப்பிட்டார்.

கோயில் ​திரு​விழாக்​களுக்​கான அழைப்​பிதழ்​களில் உபய​தா​ரர்​களின் பெயரில் சாதி பெயர் இடம்​பெறக் கூடாது என சென்னை உயர் நீதி​மன்​றம் உத்​தர​வு பிறப்பித்துள்​ளது.

திருப்​போரூர், கந்​தசு​வாமி கோயில் மாசி பிரம்​மோற்சவ விழாவுக்​கான அழைப்​பிதழில் சாதிப் பெயர்​களை பயன்​படுத்த தடை விதிக்​கக் கோரி திருப்​போரூரை சேர்ந்த சமரன் என்​பவர் சென்னை உயர் நீதி​மன்​றத்​தில் வழக்கு தாக்​கல் செய்​திருந்​தார்.

இந்த வழக்கை விசா​ரித்த நீதிபதி டி.பரத சக்​கர​வர்த்​தி, விழா அழைப்​பிதழில் உபய​தா​ரர்​களின் பெயர்​கள் சாதிப் பெயருடன் இடம் பெற்​றுள்​ளதைக் குறிப்​பிட்​டு, அறநிலை​யத்துறை நடத்​தும் விழா​வில், சாதி பெரு​மையை ஊக்​கு​விப்​பதை அனு​ம​திக்க முடி​யாது.

அடுத்த விழாக்​களின்​போது அச்​சிடப்​படும் அழைப்​பிதழ்​களில் உபய​தா​ரர்​களின் பெயர்​கள் மட்​டுமே இடம் பெற வேண்​டும். சாதி பெயர்​கள் இடம்பெறக் கூடாது என உத்​தர​விட்​டு,வழக்கை முடித்து வைத்​துள்​ளார்.

மேலும், அந்த உத்​தர​வில், பிறப்​பொக்​கும் எல்லா உயிர்க்​கும் என சொல்​லும் நிலை​யில், பிறப்​பால் மட்​டுமே சாதி வரு​கிறது. பிறப்பு மட்​டுமே மக்​களை பிளவுபடுத்​துகிறது. நாட்​டில் சாதியை ஒழிக்க ஒவ்​வொரு அதி​காரி​களும் முயற்​சிக்க வேண்​டுமே தவிர, அதை பெரிதுபடுத்​தக் கூடாது எனவும் நீதிப​தி அறி​வுறுத்​தி​யுள்​ளார்​.

நன்றி -Hindu tamil

ஈ​ரான் மீது மிகப் பெரிய அளவில் தாக்​குதல் நடத்த அமெரிக்கா​வும், இஸ்​ரேலும் தயா​ராகி வரு​வ​தாக தகவல்​கள் வெளி​யாகி​யுள்​ளன.

ஈரானில் அடக்​கு​முறை​களுக்கு எதி​ராக போராட்டம் நடத்திய மக்கள் மீது அரசு துப்பாக்கிச் சூடு நடத்தியது. இதில் ஆயிரக்கணக்கானோர் உயி​ரிழந்​தனர். பொது​மக்​களை கொல்வதை நிறுத்​தா​விட்​டால், ஈரான் மீது தாக்​குதல் நடத்தப்படும் என அமெரிக்க ஜனாதிபதி ட்ரம்ப் ஏற்​கனவே எச்சரிக்கை விடுத்​திருந்​தார்.

இதற்​கிடை​யில், அமெரிக்கா – ஈரான் இடையே ஜெனி​வா​வில் நடைபெற்ற அணு ஆயுத ஒழிப்பு பேச்​சு​வார்த்தை பலன் அளிக்கவில்லை என்​றால், ஈரான் மீது மிகப் பெரிய தாக்​குதல் நடத்த அமெரிக்கா​வும், இஸ்​ரேலும் தயா​ராகி வரு​வ​தாக தகவல்கள் தெரிவிக்​கின்​றன.

ஈரான் அருகே யுஎஸ்​எஸ் ஆபிர​காம் லிங்​கன் விமானம் தாங்கி போர்க்​கப்​பல் தனது துணைப் போர்க் கப்​பல்​களு​டன் தயார் நிலை​யில் உள்​ளது. இந்​நிலை​யில் யுஎஸ்​எஸ் ஜெரால்ட் ஆர்ஃபோர்ட் போர்க் கப்​பலும் மத்​திய கிழக்கு நோக்கி அனுப்பப்பட்​டுள்​ளது.

மேலும், அமெரிக்கா போர்த் தளவாடங்​களை மத்​திய கிழக்கு பகுதி​யில் குவித்​துள்​ளது. இது மிகப் பெரிய தாக்​குதலுக்கு அமெரிக்கா​வும், இஸ்​ரேலும் தயா​ராகி வரு​வது போல் தெரி​கிறது. இந்த தாக்​குதல் சில வாரங்​கள்​ தொடரலாம்​ எனவும்​ கூறப்படுகிறது

T20 World Cup உலகக்கிண்ண தொடரில் மிக முக்கிய சுற்றான சூப்பர் 8 super 8 சுற்றுஇன்று (21) ஆரம்பமாகின்றது.

இதற்கமைய சூப்பர் 8 சுற்றில் முதலாவது போட்டியில் பாகிஸ்தான் மற்றும் நியூசிலாந்து அணிகள் மோதுகின்றன.

கொழும்பு ஆர்.பிரேமதாச மைதானத்தில் இரவு 7 மணிக்கு போட்டி ஆரம்பமாகும்.

22 ஆம் திகதி இலங்கை மற்றும் இங்கிலாந்து அணிகள் பலப்பரீட்சை நடத்தவுள்ளன.

கண்டி பல்லேகல மைதானத்தில் முற்பகல் 3 மணிக்கு இப்போட்டி ஆரம்பமாகும். அன்றைய தினமே இரவு 7 மணிக்கு இந்தியாவில் நடைபெறும் போட்டியில் தென்னாபிரிக்கா மற்றும் இந்தியா அணிகள் மோதுகின்றன.

23 ஆம் திகதி ஒரு போட்டி மட்டுமே நடைபெறுகின்றது. சிம்பாப்வே மற்றும் மேற்கிந்திய தீவுகள் அணிகள் இந்தியாவில் மோதவுள்ளன.

24 ஆம் திகதி இங்கிலாந்து மற்றும் பாகிஸ்தான் அணிகள் கண்டி பல்லேகல மைதானத்தில் பலப்பரீட்சை நடத்தவுள்ளன.

25 ஆம் திகதி நியூசிலாந்து மற்றும் இலங்கை அணிகள் மோதவுள்ளன.

26 ஆம் திகதி மேற்கிந்திய தீவுகள் அணி தென்னாபிரிக்கா அணியை எதிர்கொள்கின்றது.

அதே நாளில் (26) இந்தியா மற்றும் சிம்பாப்வே அணிகளுக்கிடையிலான போட்டியும் இடம்பெறுகின்றது.

27 ஆம் திகதி இங்கிலாந்து மற்றும் நியூசிலாந்து அணிகள் களம் காண்கின்றன.

28 ஆம் திகதி இலங்கை , பாகிஸ்தான் அணிகளுக்கிடையிலான போட்டி நடைபெறவுள்ளது.

மார்ச் முதலாம் திகதி சிம்பாப்வே, தென்னாபிரிக்கா ஆகிய அணிகள் களம் காண்கின்றன.

அதேநாளில் இந்தியா, மேற்கிந்திய தீவுகள் அணிகளுக்கிடையிலான போட்டி நடைபெறும்.

மார்ச் 4 ஆம் திகதி அரை இறுதிச்சுற்று ஆரம்பமாகும்.
மார்ச் 8 ஆம் திகதி இறுதிப்போட்டி இடம்பெறும்.