காங்கோ ஜனநாயகக் குடியரசில் எபோலா வைரஸால் பாதிக்கப்பட்டவர்களின் எண்ணிக்கை 7,000-ஐக் கடந்துள்ளதாகவும், இத்தொற்று மேலும் ஒரு புதிய மாகாணத்திற்குப் பரவியுள்ளதாகவும் அரசு வெளியிட்ட தரவுகள் தெரிவிக்கின்றன
Bundibugyo வகை எபோலா வைரஸால் ஏற்பட்டுள்ள இந்தத் தொற்றுப்பரவல், 2018-2020 காலப்பகுதியில் ஏற்பட்ட நோய்த்தொற்றின் அளவை விஞ்சி, காங்கோவின் வரலாற்றிலேயே மிகப்பெரிய மற்றும் அதிக உயிரிழப்புகளை ஏற்படுத்திய எபோலா பாதிப்பாக மாறியுள்ளது.
கினியா, லைபீரியா மற்றும் சியரா லியோன் ஆகிய நாடுகளில் 28,600-க்கும் மேற்பட்டோருக்குப் பரவி, 11,000-க்கும் அதிகமானோரைக் பலிகொண்ட 2014-2016 மேற்கு ஆப்பிரிக்க எபோலா பாதிப்பிற்கு அடுத்தபடியாக, தற்போது இது உலகளவில் இரண்டாவது பெரிய பாதிப்பாக உருவெடுத்துள்ளது.
வெள்ளிக்கிழமை இரவில் வெளியான அரசின் புள்ளிவிவரங்களின்படி, நாட்டின் 7 மாகாணங்களில் உறுதிசெய்யப்பட்ட எபோலா பாதிப்புகளின் எண்ணிக்கை 7,022 ஆக உயர்ந்துள்ளதுடன், உயிரிழந்தோரின் எண்ணிக்கை 3,398 ஆக அதிகரித்துள்ளது.
தொற்றின் மையப்பகுதியிலிருந்து மிகவும் தொலைவில், நாட்டின் வடமேற்குப் பகுதியில் அமைந்துள்ள தெற்கு உபங்கி (South Ubangi) மாகாணத்தில் எபோலா பாதிப்பு கண்டறியப்பட்டுள்ளதாக அதிகாரிகள் முன்னதாகத் தெரிவித்திருந்தனர்.
கடந்த செவ்வாய்க்கிழமை உயிரிழந்த 23 வயதுடைய இளைஞர் ஒருவருக்குப் பரிசோதனை செய்ததில், அவருக்குப் பண்டிபுக்யோ வகை எபோலா தொற்று இருப்பது உறுதிசெய்யப்பட்டது.
