பங்களாதேஷ் வருமாறு ஜனாதிபதி அநுரவுக்கு அழைப்பு

இலங்கைக்கும் பங்களாதேஷுக்கும் இடையிலான நீண்டகால நட்புறவை மேலும் வலுப்படுத்தும் நோக்கில், பங்களாதேஷிற்கு அரச விஜயத்தை மேற்கொள்ளுமாறு அந்நாட்டுப் பிரதமர் தாரிக் ரஹ்மானினால் ஜனாதிபதி அநுர குமார திசாநாயக்கவிற்கு விடுக்கப்பட்ட உத்தியோகபூர்வ அழைப்பிதழ், பங்களாதேஷ் வெளிவிவகார இராஜாங்க அமைச்சர் ஹுமையூன் கபீரினால் (Humaiun Kobir) இன்று (18) முற்பகல் ஜனாதிபதி அலுவலகத்தில் வைத்து கையளிக்கப்பட்டது.

இலங்கைக்கும் பங்களாதேஷுக்கும் இடையில் அரசியல், வர்த்தகம், கலாசாரம் மற்றும் கல்வி உள்ளிட்ட பல்வேறு துறைகளில் நிலவும் இராஜதந்திர உறவுகளை மேலும் வலுப்படுத்துவது குறித்து இதன்போது கலந்துரையாடப்பட்டது.

ஜனாதிபதி அநுர குமார திசாநாயக்கவின் தலைமையில் முன்னெடுக்கப்படும் ‘கிளீன் ஸ்ரீலங்கா’ (Clean Sri Lanka) வேலைத்திட்டம் மற்றும் வறுமை ஒழிப்புத் திட்டங்கள் உள்ளிட்ட அபிவிருத்தித் திட்டங்கள் பங்களாதேஷ் பிரதமர் உள்ளடங்கலான அரசாங்கத்தின் கவனத்தை ஈர்த்துள்ளதாகவும், அத்திட்டங்கள் பங்களாதேஷிற்கு முன்மாதிரியாக இருக்கும் எனவும் பங்களாதேஷ் வெளிவிவகார இராஜாங்க அமைச்சர் குறிப்பிட்டார்.

இரு நாடுகளுக்கும் இடையிலான பரஸ்பர நம்பிக்கையை மேலும் உறுதிப்படுத்தி, ஆடைத் தொழில், சுற்றுலா மற்றும் புதுப்பிக்கத்தக்க வலுசக்தி உள்ளிட்ட துறைகளில் ஒத்துழைப்பை மேலும் மேம்படுத்தி, இரு நாடுகளுக்கும் நன்மை பயக்கும் வகையில் செயற்பட எதிர்பார்ப்பதாகவும் அவர் மேலும் தெரிவித்தார்.

பரஸ்பர புரிந்துணர்வு, நம்பிக்கை மற்றும் ஒத்துழைப்பின் அடிப்படையில் எதிர்காலத்தில் இரு நாடுகளுக்கும் இடையிலான உறவுகள் மேலும் வலுப்பெறும் என ஜனாதிபதி அநுர குமார திசாநாயக்க இதன்போது நம்பிக்கை வெளியிட்டார்.

இலங்கையின் புதுப்பிக்கத்தக்க வலுசக்தித் துறையில் ஈடுபட்டுள்ள உள்நாட்டு நிறுவனங்களுக்கு, பங்களாதேஷின் புதுப்பிக்கத்தக்க வலுசக்தித் துறையின் அபிவிருத்தி மற்றும் மேம்பாட்டிற்குப் பங்களிப்புச் செய்வதற்கான வாய்ப்பு உள்ளதாகவும் ஜனாதிபதி மேலும் சுட்டிக்காட்டினார்.

தொழில் அமைச்சரும் நிதி மற்றும் திட்டமிடல் பிரதி அமைச்சருமான அனில் ஜயந்த பெர்னாண்டோ, ஜனாதிபதியின் செயலாளர் கலாநிதி நந்திக சனத் குமாநாயக்க, டிஜிட்டல் அமைச்சின் செயலாளர் ரோஷன் கமகே, இலங்கைக்கான பங்களாதேஷ் உயர்ஸ்தானிகர் சலாஹுதீன் மஹ்மூத் (Salahuddin Mahmud), பங்களாதேஷ் வெளிவிவகார அமைச்சின் தெற்காசியப் பிரிவின் பணிப்பாளர் நாயகம் ஷா ஆசிப் ரஹ்மான் (Shah Asif Rahman) மற்றும் அவ்வமைச்சின் தெற்காசியப் பிரிவின் உதவிச் செயலாளர் ரஃபிட் மஹ்பூப் அஹ்மத் (Rafid Mahbub Ahmad) ஆகியோரும் இந்நிகழ்வில் கலந்துகொண்டனர்.

Video thumbnail
தேயிலை தொழிற்சாலைக்குள் அதிரடியாக புகுந்த அமைச்சர் ஜீவன்!
02:50
Video thumbnail
ரூ. 1,700 இல்லையேல் தக்க பாடம் புகட்டுவோம்! தோட்ட தொழிலாளர்கள் கொந்தளிப்பு
03:37
Video thumbnail
வெடுக்குநாறி மலை சிவராத்திரி பூஜையை, இனவாதம் ரீதியில் விமர்சித்த விமல்!
04:13
Video thumbnail
தொல்பொருள் திணைக்கள அதிகாரிகளின் அடாவடி! வவுனியாவில் அட்டகாசம்! வெளுத்து வாங்கிய சாணக்கியன்
07:58
Video thumbnail
மதச் சுதந்திரம் வடக்கிற்கும் தெற்கிற்கும் சமமாக இருக்க வேண்டும்! வெடுக்குநாறி மலைச் சம்பவம்.!
07:54
Video thumbnail
இப்படி ஒரு பண்டிகை இலங்கையில இருக்கா🤭😳😲#news #srilanka #vairalvideo #vairal #malaiyagakuruvi #lka
02:55
Video thumbnail
மலையக மக்கள் இன்னும் ஏமார்ந்து கொண்டிருக்கின்றனர். I தேசிய மக்கள் சக்தியின் தெனியா மாநாடு I NPP
11:43
Video thumbnail
இலங்கை வந்த இளவரசிக்கு ஜனாதிபதி மாளிகையில் வரவேற்பு
02:16
Video thumbnail
நான் மருத்துவராக வேண்டும்! ஊடகங்களிடம் மனம் திறந்த கில்மிசா..
03:39
Video thumbnail
முத்து சப்பரத்தில் இசைக்குயில்....! மேளதாளத்துடன் கோலாகல வரவேற்பு..!!
03:05

Related Articles

Latest Articles