தனது தாயால் குழிதோண்டி புதைக்கப்பட்ட ஆண் சிசுவொன்று, 15 நாட்களுக்கு பின்னர் சடலமாக மீட்கப்பட்ட பெருந்துயர் சம்பவமொன்று ஹட்டன் – டிக்கோயாவில் இடம்பெற்றுள்ளது.
பொலிஸாருக்கு கிடைக்கப்பெற்ற இரகசிய தகவலொன்றினையடுத்து இன்று (22) ஹட்டன் – டிக்கோயா தோட்டத்துக்குச்சென்ற பொலிஸார், சம்பவத்துடன் தொடர்புடைய தாயிடம் விசாரணை நடத்தினர்.
அதன்பின்னர் சிசு புதைக்கப்பட்ட இடத்தை அவர் காட்டியுள்ளார். ஹட்டன் நீதிமன்றத்தின் பதில் நீதவானின் கண்காணிப்பின்கீழ் சிசுவின் சடலம் தோண்டி எடுக்கப்பட்டது. சட்டவைத்திய அதிகாரியும் சம்பவ இடத்துக்கு வரவழைக்கப்பட்டிருந்தார்.
சிசுவின் சடலம், பிரேத பரிசோதனைக்காக டிக்கோயா, கிளங்கன் வைத்தியசாலைக்கு கொண்டுசெல்லப்பட்டுள்ளது.
இக்கொடூரச்செயலில் ஈடுபட்ட பெண் ஏற்கனவே திருமணமானவர், அவரின் கணவர் உயிரிழந்துவிட்டார் எனவும், அவருக்கு இரண்டு பிள்ளைகள் இருப்பதாகவும் பொலிஸார் தெரிவித்தனர். அவர் நீதிமன்றத்தில் முன்னிலைப்படுத்தப்படவுள்ளார்.
பொகவந்தலாவ நிருபர் – சதீஸ்
