2025.12.18ஆம் திகதி கூட்டப்பட்டுள்ள பாராளுமன்றம் 2025.12.19ஆம் திகதியும் கூடவிருப்பதாக பாராளுமன்ற செயலாளர் நாயகம் குஷானி ரோஹணதீர தெரிவித்தார்.

சபாநாயகர் (வைத்தியர்) ஜகத் விக்கிரமரத்ன தலைமையில் இன்று (17) நடைபெற்ற பாராளுமன்ற அலுவல்கள் பற்றிய குழுக் கூட்டத்தில் இது பற்றிய தீர்மானம் எடுக்கப்பட்டது.

டிசம்பர் 18ஆம் திகதி வியாழக்கிழமை மு.ப 9.30 மணிக்கு பாராளுமன்றம் கூடவிருப்பதுடன், திடீர் அனர்த்தத்தால் பாதிக்கப்பட்ட மக்களின் வாழ்க்கையை மீண்டும் கட்டியெழுப்புவதற்கான ரூ. 500 பில்லியனுக்கான குறைநிரப்பு மதிப்பீடு அன்றையதினம் பாராளுமன்றத்தில் சமர்ப்பிக்கப்பட்டு, அரசாங்க நிதி பற்றிய குழுவுக்கு ஆற்றுப்படுத்தப்படும்.

இதனைத் தொடர்ந்து மோசமான காலநிலையின் தாக்கத்தால் அனர்த்தம் ஏற்பட்ட பின்னர் நாட்டின் தற்போதைய நிலைமைகள் குறித்து ஆளும் தரப்பினரால் கொண்டுவரப்படும் சபை ஒத்திவைப்பு விவாதம் பி.ப 5.30 மணி வரை இடம்பெறவுள்ளது.

டிசம்பர் 19ஆம் திகதி வெள்ளிக்கிழமை மு.ப 9.30 மணி முதல் பி.ப 5.30 மணிவரை பாராளுமன்ற அமர்வு இடம்பெறவிருப்பதுடன், அன்றையதினம் ரூ. 500 பில்லியனுக்கான குறைநிரப்பு மதிப்பீடு விவாதத்திற்கு எடுத்துக்கொள்ளப்பட்டு, அங்கீகரிக்கப்படவுள்ளது.

பிரதமர் நரேந்திர மோடி சென்ற காரை ஜோர்தான் நாட்​டின் பட்​டத்து இளவரசர் அல்​-ஹுசைன் பின் அப்​துல்​லா ஓட்​டியது பரவலாக பாராட்​டுகளைப் பெற்று வரு​கிறது.

ஜோர்தான் நாட்​டுக்கு 2 நாள் அரசு​முறை பயணமாக பிரதமர் மோடி நேற்று முன்​தினம் சென்​றடைந்​தார். அவருக்கு அங்கு உற்​சாக வரவேற்​பளிக்​கப்​பட்​டது.

அங்​குள்ள ஒரு ஓட்​டலில் இந்​திய வம்​சாவளி​யினரை பிரதமர் மோடி சந்​தித்​துப் பேசி​னார். இரு நாடு​கள் இடையே ராஜீய உறவு​கள் ஏற்​பட்டு 75 ஆண்​டு​கள் நிறைவடைவதை முன்​னிட்டு பிரதமர் மோடி இந்த சுற்றுப்பயணத்தை மேற்​கொண்​டார்.

முதல் நாளான நேற்று முன்​தினம்,ஜோர்தான் மன்​னர் அப்​துல்லா பின் அல் ஹுசைனை சந்​தித்​து, இரு நாட்டு உறவு​கள் குறித்து ஆலோ​சனை நடத்​தி​னார் பிரதமர் மோடி.

இந்​நிலையில், 2-ம் நாளான நேற்​று, ஜோர்தான் நாட்​டுப்​பட்டத்து இளவரசர் அல்​-ஹுசைன் பின் அப்​துல்​லா -வுடன் வரலாற்​றுச் சிறப்​புமிக்க பெட்ரோ நகரைப் பிரதமர் மோடி பார்​வை​யிட்​டார்.

இந்த இளவரசர், முஸ்​லிம்​களின் இறை தூத​ராகப் போற்​றப்​படும் முகம்​மது நபி​யின் 42-வது தலை​முறை நேரடி வம்​சாவளியைச் சேர்ந்​தவர் ஆவார்.

அப்​போது, ஜோர்தான் அருங்​காட்​சி​யகத்​துக்கு பிரதமர் மோடி பயணித்த காரை அந்​நாட்​டின் இளவரசர் அல்​-ஹுசைன் பின் அப்​துல்​லா ஓட்​டி​னார். இதுதொடர்​பான புகைப்​படங்​களை பிரதமர் மோடி தனது எக்ஸ் பக்​கத்​தில் வெளி​யிட்​டுள்ளார்.

இரு​நாள் பயணத்தை முடித்​துக்​கொண்டு எத்​தி​யோப்​பியா நாட்​டுக்கு புறப்​பட்ட பிரதமர் மோடியை விமான நிலை​யத்​துக்​குச் சென்று அந்​நாட்டு இளவரசர் வழியனுப்பி வைத்​தார். ஜோர்தான் நாட்டு இளவரசரின் இந்த பண்​புமிக்க செயல் அனை​வரது பா​ராட்​டு​களை​யும்​ பெற்​றுள்​ளது.

பேரிடரால் பாதிக்கப்பட்டுள்ள இலங்கை மீண்டெழுவதற்காக தம்மால் முடிந்த அனைத்து ஒத்துழைப்புகளையும் ஐ.நா. வழங்க வேண்டும் என கோரிக்கை விடுக்கப்பட்டுள்ளது.

எதிர்க்கட்சித் தலைவர் சஜித் பிரேமதாசவிற்கும் இலங்கைக்கான ஐக்கிய நாடுகள் சபையின் வதிவிட ஒருங்கிணைப்பாளர் மார்க்-ஆண்ட்ரே ஃபிராஞ்சிற்கும் (Mark Andre Franche) இடையிலான விசேட சந்திப்பொன்று இன்று (17) கொழும்பிலுள்ள எதிர்க்கட்சித் தலைவர் அலுவலகத்தில் இடம்பெற்றது.

இந்தச் சந்திப்பில், சமகால இலங்கையின் பல்வேறு சமூக மற்றும் பொருளாதார  விவகாரங்கள் உள்ளிட்ட பல விடயங்கள் தொடர்பில் இரு தரப்பினரும் தமது கருத்துக்களைப் பரிமாறிக் கொண்டனர்.

அனர்த்தம் ஏற்பட்டதைத் தொடர்ந்து ஏற்பட்டுள்ள தற்போதைய பேரிடர் சூழ்நிலையால் நாட்டில் எழுந்துள்ள பன்முக பிரச்சினைகளை எதிர்க்கட்சித் தலைவர் இதன்போது இலங்கைக்கான ஐக்கிய நாடுகள் சபையின் வதிவிட ஒருங்கிணைப்பாளர் மார்க் ஆண்ட்ரே பிராஞ்சிடம் எடுத்துரைத்தார்.

இந்தப் பிரச்சினைகளைத் தீர்ப்பதற்கு ஐக்கிய நாடுகள் சபையால் பெற்றுத் தர முடியுமான கூடிய ஒத்துழைப்புகளையும் உதவிகளையும் பெற்றுத் தருமாறும் எதிர்க்கட்சித் தலைவர் சஜித் பிரேமதாச மேலும் குறிப்பிட்டார்.

டித்வா புயல் தாக்கத்தையடுத்து இலங்கையில் ஏற்பட்ட வெள்ளம் மற்றும் மண்சரிவால் 13 ஆயிரத்து 781 வீடுகள் முழுமையாக சேதமடைந்துள்ளன.

அத்துடன், ஒரு லட்சத்துக்கு மேற்பட்ட வீடுகள் (101,055) வீடுகள் பகுதியளவு சேதமடைந்துள்ளன.

அனர்த்த முகாமைத்துவ மத்திய நிலையம் இன்று காலை வெளியிட்டுள்ள அறிக்கையில் மேற்படி தகவல் வெளியிடப்பட்டுள்ளது.

பேரிடரால் 643 பேர் உயிரிழந்துள்ளனர். 183 பேர் காணாமல்போயுள்ளனர் என பட்டியலிடப்பட்டுள்ளது.

22 ஆயிரத்து 96 குடும்பங்கள் தொடர்ந்து 723 இடைத்தங்கள் முகாம்களில் தங்கவைக்கப்பட்டுள்ளன.

அதேவேளை, கண்டி மாவட்டத்தில் 2 ஆயிரத்து 13 வீடுகள் முழுமையாக சேதமடைந்துள்ளன.

14 ஆயிரத்து 798 வீடுகள் பகுதியளவு சேதமடைந்துள்ளன என்று அறிக்கையில் தெரிவிக்கப்பட்டுள்ளது.

கண்டி மாவட்டத்தில் 237 பேர் உயிரிழந்துள்ளனர். 73 பேர் காணாமல்போயுள்ளனர்.

பேரிடரால் பாதிக்கப்பட்ட இலங்கைக்கு ஜப்பானிய அரசாங்கம் 2.5 மில்லியன் டொலர் அவசர கொடையை வழங்க முடிவு செய்துள்ளதாக ஜப்பானிய வெளியுறவு அமைச்சர் தோஷிமிட்சு மொடேகி தெரிவித்துள்ளார்.

அனைத்துலக உதவி நிறுவனங்கள் மூலம் , உணவு மற்றும் ஏனைய அன்றாடத் தேவைகளுக்கான மனிதாபிமான உதவிகளை வழங்க வழங்க இந்த அவசர நிதிக் கொடை பயன்படுத்தப்படும்.

பாதிக்கப்பட்ட பகுதிகளை விரைவாக மீட்டெடுப்பதற்கும் மீளக்கட்டியெழுப்பவும் எமது நீண்டகால நண்பரான சிறிலங்காவுக்கு தொடர்ந்து தடையற்ற ஆதரவை வழங்க ஜப்பான் விரும்புவதாக ஜப்பானிய வெளியுறவு அமைச்சர் மொடேகி டோக்கியோவில் நடந்த செய்தியாளர் சந்திப்பில் தெரிவித்தார்.

சுமார் இரண்டு வாரங்களில் 1,250 சிகிச்சைகளை மேற்கொண்ட பின்னர், 30 பேர் கொண்ட ஜப்பானிய பேரிடர் நிவாரண மருத்துவக் குழு, நேற்று சிறிலங்காவில் இருந்து திரும்பியுள்ளதாகவும் அவர் கூறியுள்ளார்.

“சுனாமி பேரிடரின்போது சுனாமி நிவாரண மண்டலத்தை புலிகளுக்கு வழங்குவதற்கு வெளிநாட்டு முயற்சி இடம்பெற்றது. எனவே, தற்போதைய பேரிடரிலும் வேறு ஆட்டங்கள் இடம்பெறக்கூடும். எனவே, விழிப்பாகவே இருக்க வேண்டும்.”

இவ்வாறு தேசிய சுதந்திர முன்னணியின் தலைவரும், முன்னாள் அமைச்சருமான விமல் வீரவன்ச தெரிவித்தார்.

“ அநுரகுமார திஸாநாயக்கவால்தான் இலங்கையை மீட்டெடுக்க முடியும் என அமெரிக்க இராஜதந்திரிகள் நற்சான்றிதழ் வழங்கிவருகின்றனர்.

புயங்கரவாத அமைப்பான புலிகளை தோற்கடித்து, 6 சதவீத பொருளாதார வளர்ச்சியை ஏற்படுத்திய மஹிந்த ராஜபக்சவுக்குகூட இப்படியான பாராட்டு வழங்கப்படவில்லை. ஆனால் அநுரகுமார திஸாநாயக்கவுக்கு வழங்கப்படுகின்றது. இதன் இரகசியம் – பின்புலம் என்னவென்பதை நாம் புரிந்துகொள்ள வேண்டும்.

இலங்கை மீண்டெழுவதற்கு பில்லியன் கணக்கில் நிதி தேவைப்படும்போது ஓரிரு மில்லியன்களை உதவியாக பெற்று மீள முடியுமா?

சர்வதேச உதவிகள் இலவசமாகக் கிடைக்கப்பெறுவதில்லை. அதன் பின்னணியில் வேறு நிகழ்ச்சி நிரல் இருக்கக்கூடும்.

சுனாமி காலத்தில் புலிகளுக்கு நிவாரண சபையை வழங்க முற்பட . பேரிடருக்கு மத்தியில் வேறு ஆட்டம் ஆடப்படலாம். தற்போதும் அவ்வாறு நடக்கக்கூடும். எனவே, விழிப்பாகவே இருக்க வேண்டும்.எனவும் விமல் வீரவன்ச குறிப்பிட்டுள்ளார்.

நுவரெலியா பொருளாதார மத்திய நிலையத்தால் இன்று (17) வெளியிடப்பட்டுள்ள மரக்கறி வகைகளின் (ஒரு கிலோ) விலை பட்டியல்…

தமிழ் முற்போக்கு கூட்டணியின் தலைவர் மனோ கணேசனின் முகநூல் பதிவு வருமாறு,

” வயது என்பது இலக்கம்; வாழ்க்கை என்பது இயக்கம். பிறந்தநாள்-தான் வந்து போறது. வயது ஆவதாதான் தெரியல. உடல்-மன, ஒழுக்க நெறிகள், நகைச்சுவை உணர்வு, “அறிவு-ஆன்மா-உடல்” மூன்றையும் சாமாந்திரமா வைக்க முயன்று கொண்டே இருப்பதால், மூன்றுக்கும் ஒரே வயது-இளமை. “கர்மா”வை மட்டும் நம்பறேன்.

கடவுள்-மத நம்பிக்கை இல்லை. கடவுள்-மத எதிர்ப்பாளனும் இல்லை. அவரவர் நம்பிக்கைகளை மதிக்கறேன். இவைதான் ரகசியமில்லா காரணங்கள் என தனிப்பட்ட நண்பர்களுக்கு இந்த பதிலை கூறி கொண்டே இருக்கேன்.

நானே ஒரு நடமாடும் சர்வ கட்சி மாநாடு. ஆளும்-எதிர் என எல்லா கட்சிகார்களும் என் தனிப்பட்ட நண்பர்கள்தான். ஒன்றா, பேசுவோம்-பாடுவோம்-ஆடுவோம். ஆனால், வாழ் நாளில், ஒருபோதும், கட்சி மாறியதே இல்லை. விலை போனதும் இல்லை,

நம்ம வழி-எப்போதும் தனி வழிதான், என பொது வாழ்வு நண்பர்களுக்கு இந்த பதிலை கூறி கொண்டே இருக்கேன்
இன்று நாடு துன்பத்தில்: கொண்டாட்டங்கள் இல்லை. ஒரு பகுதி, துன்புற்ற மக்களுடன் கழிக்கிறேன்!

இந்தியாவில் அதிக வசூல் செய்த ரீ-ரிலீஸ் திரைப்படங்களின் பட்டியலில் ‘படையப்பா’ தற்போது ஐந்தாவது இடத்தைப் பிடித்துள்ளது.

ரஜினிகாந்த் நடிப்பில், கே.எஸ்.ரவிகுமார் இயக்கத்தில், 1999-ம் ஆண்டு வெளியான படம் ‘படையப்பா’. ரஜினியுடன் சிவாஜி கணேஷன், ரம்யா கிருஷ்ணன், சவுந்தர்யா உள்ளிட்டோர் நடித்திருந்தனர். ஏ.ஆர்.ரஹ்மான் இசை அமைத்திருந்தார். இன்றும் ரசிகர்களால் ஒரு கமர்ஷியல் கிளாசிக் படமாக ‘படையப்பா’ கொண்டாடப்பட்டு வருகிறது.

ரஜினிகாந்தின் 75-வது பிறந்தநாளை முன்னிட்டு ‘படையப்பா’ திரைப்படத்தின் டிஜிட்டல் முறையில் மெருகூட்டப்பட்ட 4K ரீமாஸ்டர்ட் பதிப்பு கடந்த டிசம்பர் 12-ஆம் தேதி மீண்டும் திரையரங்குகளில் வெளியானது. 25 ஆண்டுகளுக்கு பிறகு மீண்டும் வெளியான இப்படத்துக்கு, ரசிகர்கள் மத்தியில் அபரிமிதமான வரவேற்பு கிடைத்தது.

வெளியான முதல் நாளில், ‘படையப்பா’ திரைப்படம் உலகம் முழுவதும் ரூ.4 கோடி வசூலித்தது. பொதுவாக மறுவெளியீடு செய்யப்படும் தென்னிந்திய திரைப்படங்களின் வசூல் முதல் நாளுக்குப் பிறகு கணிசமாகக் குறையும். ஆனால், ‘படையப்பா’ வார இறுதி நாட்களிலும் நிலையான வேகத்தைத் தக்கவைத்து, வசூலைத் தொடர்ந்து ஈட்டியது.

முதல் வார இறுதியில், ‘படையப்பா’ திரைப்படம் உலக அளவில் சுமார் 11 கோடி ரூபாய் வரை வசூல் செய்து புதிய சாதனையைப் படைத்துள்ளது. இதன் மூலம், இந்தியாவில் அதிக வசூல் செய்த ரீ-ரிலீஸ் திரைப்படங்களின் பட்டியலில் ‘படையப்பா’ தற்போது ஐந்தாவது இடத்தைப் பிடித்துள்ளது.

ரீ-ரிலீஸ் வசூல் பட்டியலில், ‘பாகுபலி: தி எபிக்’ (ரூ. 72 கோடி+), ‘சனம் தேரி கசம்’, ‘தும்ப்பாட்’ மற்றும் ‘கில்லி’ ஆகிய படங்களுக்குப் பிறகு, ‘படையப்பா’ தற்போது ஐந்தாவது இடத்தில் இணைந்திருப்பது குறிப்பிடத்தக்கது.