ஐக்கிய மக்கள் சக்தியின் பாராளுமன்ற உறுப்பினர் ரஞ்சன் ராமநாயக்கவுக்கு 04 வருடகால கடூழிய சிறைதண்டனை விதிக்கப்பட்டுள்ளது.

நீதிமன்ற அவமதிப்பு குற்றத்திற்காகவே 04 வருட கால கடூழிய சிறைத்தண்டனை விதித்து உயர் நீதிமன்றம் இன்று உத்தரவு பிறப்பித்தது.

தேரர் ஒருவர் உட்பட இருவரே ரஞ்சனுக்கு எதிராக வழக்கு தாக்கல் செய்திருந்தனர் என்பது குறிப்பிடத்தக்கது.

டிக்கோயா மாவட்ட வைத்தியசாலையின் வைத்தியர்கள் மூவர் உட்பட ஒன்பது பேர் சுயதனிமைப்படுத்தப்பட்டுள்ளனர்.

டிக்கோயா மாவட்ட வைத்தியசாலைக்கு உடற்பரிசோதனைக்கு வந்த ஒருவருக்கு தொற்று உறுதியானதையடுத்தே இவர்கள் ஒன்பது பேரும் 11/01 நேற்று முதல் சுயதனிமைப்படுத்தப்பட்டுள்ளதாக வைத்தியசாலை அதிகாரிகள் தெரிவித்தனர்.

ஹற்றன் பகுதியை சேர்ந்த ஒருவர் கடந்த 08 ஆம் திகதி  உடற்பரிசோதனைக்கு கிளங்கன் வைத்தியசாலைக்கு வந்துள்ளார் . இவரையும் இன்னுமொறுவருமாக இருவரை 09 ஆம் திகதி கண்டி வைத்தியசாலைக்கு அம்புலன்ஸ் வண்டியில் அனுப்பி வைக்கப்பட்ட நிலையில் கண்டி மாவட்ட வைத்தியசாலையில் இவர்களுக்கு மேற்கொண்ட பி.சிஆர் பரிசோனையிலே ஹற்றன் நபருக்கு தொற்று உறுதியாகியுள்ளது.

இதனையடுத்து, குறித்த நபரோடு தொடர்பை பேணிய டிக்கோயா மாவட்ட வைத்தியசாலையில் கடமையாற்றும் மூன்று வைத்தியர்கள், மூன்று தாதியர்கள் மற்றும் ஊழியர்கள் மூவருமாக ஒன்பது பேர் வைத்தியசாலையிலேயே சுயதனிமைப்படுத்தப்பட்டுள்ளதாக வைத்தியசாலை அதிகாரிகள் தெரிவித்தனர். மேலும் ,தொற்றுக்குள்ளான ஹற்றன் நபரின் உறவினர்களும் சுயதனிமைப்படுத்தப்பட்டுள்ளனர்.

கொரோனா வைரஸ் தாக்கத்தால் கடந்த ஒக்டோபர் 4 ஆம் திகதி முதல் நேற்றுவரை நுவரெலியா மாவட்டத்தில் 465 பேருக்கு கொரோனா வைரஸ் தொற்றியுள்ளது. நேற்று மாத்திரம் 09 தொற்றாளர்கள் அடையாளம் காணப்பட்டுள்ளனர்.

அத்துடன், 2ஆவது அலைமூலம் கண்டி மாவட்டத்தில் 2 ஆயிரத்து 236  பேருக்கும், கண்டி மாவட்டத்தில் 2 ஆயிரத்து 236 பேருக்கும் வைரஸ் தொற்றியுள்ளது.

கொரோனா வைரஸ் தொற்றால் நாட்டில் மேலும் எட்டு உயிரிழந்துள்ளனர்.

6 ஆண்களும், இரு பெண்களுமே இவ்வாறு உயிரிழந்துள்ளனர். இவர்களில் ஒருவர் சிறைக்கைதியாவார்.

இதன்படி கொரோனா வைரஸ் தாக்கத்தால் இலங்கையில் உயிரிஇவழந்தவர்களின் எண்ணிக்கை 240  ஆக அதிகரித்துள்ளது.

உயிரிழந்தவர்களின் விபரம்…

நாட்டில் மேலும் 283 பேருக்கு கொரோனா வைரஸ் தொற்று உறுதிப்படுத்தப்பட்டுள்ளது.  இன்று மாத்திரம் 568 தொற்றாளர்கள் அடையாளம் காணப்பட்டுள்ளனர்.

இதன்படி மொத்த தொற்றாளர்களின் எண்ணிக்கை 48 ஆயிரத்து 949 ஆக அதிகரித்துள்ளது. இவர்களில் 42 ஆயிரத்து 91 பேர் குணமடைந்துள்ளனர். 232 பேர் உயிரிழந்துள்ளனர்.

2 ஆவது அலைமூலம் ( பேலியகொட,சிறைச்சாலை கொத்தணிகள்) இதுவரையில் 45 ஆயிரத்து 186 பேருக்கு வைரஸ் தொற்றியுள்ளது.

கொரோனா வைரஸ் தோற்றம் தொடர்பில் ஆய்வு நடத்த, உலக சுகாதார அமைப்பின் சர்வதேச நிபுணர்கள் குழு வியாழக்கிழமை சீனாவுக்கு செல்லவுள்ளது.

உலகையே அச்சுறுத்தி வரும் கொரோனாவின் பிறப்பிடம் சீனாவாக இருக்கும் நிலையில், அந்த வைரசின் தோற்றம் குறித்து அங்கு சென்று விசாரணை நடத்த உலக சுகாதார அமைப்பு முடிவு செய்துள்ளது. இது தொடர்பாக கடந்த ஆண்டு மே மாதம் நடந்த கூட்டத்தில் ஒரு மனதாக தீர்மானமும் நிறைவேற்றப்பட்டது.

இந்த விசாரணைக்காக சர்வதேச நாடுகளை சேர்ந்த நிபுணர் குழு ஒன்றை உலக சுகாதார அமைப்பு அமைத்து உள்ளது. இந்த குழுவில் இடம்பெற்றுள்ள நிபுணர்களின் பெயர் பட்டியலை சீனாவிடம் உலக சுகாதார அமைப்பு அளித்துள்ளது. எனினும், இந்தக் குழுவினரை தங்கள் நாட்டுக்குள் அனுமதிப்பதை சீனா இழுத்தடித்து வருவதாக உலக சுகாதார அமைப்பு அண்மையில் அதிருப்தி தெரிவித்து இருந்தது.

இந்த நிலையில், சர்வதேச நிபுணர் குழுவை தங்கள் நாட்டுக்குள் அனுமதிக்கத் தயாராக இருப்பதாக சீனா தெரிவித்துள்ளது. நிபுணர்குழுவை உகான் நகருக்கு வரவேற்க தயாராக இருக்கிறோம் என்று தெரிவித்துள்ள சீனா,

கொரோனா வைரஸின் தோற்றம் குறித்து ஆராய உலக சுகாதார அமைப்பின் சர்வதேச நிபுணர்குழு வியாழக்கிழமை சீனா செல்ல உள்ளனர்.

இது குறித்து சீனா தரப்பில் கூறப்படுவதாவது:-

பத்து உலக சுகாதார அமைப்பின் விஞ்ஞானிகள் இணைந்து செயல்படுவார்கள் . சீன விஞ்ஞானிகளுடன் அவர்கள் கொரோனா வைரஸ் தோற்றம் குறித்து கூட்டு ஆராய்ச்சி மேற்கொள்ளுவார்கள். சீனாவில் சர்வதேச நிபுணர் குழுவின் பணிகள் சீராக நடைபெறுவதை உறுதி செய்ய, நாங்கள் தேவையான நடைமுறைகளை மேற்கொண்டு பொருத்தமான ஏற்பாடுகளைச் செய்வோம். வைரசின் தோற்றத்தைக் கண்டுபிடிப்பது நம்பமுடியாத அளவிற்கு சிக்கலானது என்று கூறினார்.

அனுஷ்கா ஷர்மா, விராட் கோஹ்லி தம்பதிக்கு பெண் குழந்தை பிறந்தது.தாயும் சேயும் நலமாக இருப்பதாக விராட் கோஹ்லி டுவிட்டரில் தெரிவித்துள்ளார்.

நடிகையும் விராட் கோஹ்லியின் மனைவியுமான அனுஷ்கா சர்மா, பிரசவத்திற்காக மும்பையின் ப்ரீச் கேண்டி வைத்தியசாலையில் அனுமதிக்கப்பட்டு இருந்தார். அனுஷ்கா சர்மா இன்று பிற்பகல் பெண் குழந்தையைப் பெற்றெடுத்தார். தாயும் சேயும் நலமாக இருப்பதாக விராட் கோஹ்லி டுவிட்டரில் தெரிவித்துள்ளார்.

” உங்கள் அன்பு, பிரார்த்தனை மற்றும் நல்வாழ்த்துக்கள் அனைவருக்கும் நன்றி. அனுஷ்கா மற்றும் குழந்தை இருவரும் ஆரோக்கியமாக இருக்கிறார்கள், எங்கள் வாழ்க்கையின் இந்த புதிய அத்தியாயத்தைத் தொடங்க நாங்கள் ஆசீர்வதிக்கப்பட்டுள்ளோம். இந்த நேரத்தில் எங்கள் தனியுரிமையை நீங்கள் மதிப்பீர்கள் என்று நாங்கள் நம்புகிறோம்.” என கூறி உள்ளார்.

உணவு உண்பதற்காக தனது அனுமதியின்றி, கறி எடுத்த மாமியாரை அவரின் மருமகள் கத்தியைக்காட்டிமிரட்டி கடுமையாக தாக்கிய கொடூரச் சம்பவமொன்று கம்பளையில் இடம்பெற்றுள்ளது.

இது தொடர்பான காணொளி சமூகவலைத்தளங்களில் வெளியானதையடுத்து கம்பளை, சிங்ஹாபிட்டிய பகுதியைச் சேர்ந்த மருமகள் கைது செய்யப்பட்டுள்ளார். இரு பிள்ளைகளின் தாயான ஆசிரியை ஒருவரையே கம்பளை பொலிஸார் இவ்வாறு கைது செய்துள்ளனர்.

கைதான ஆசிரியை கம்பளை மாவட்ட நீதிமன்றத்தின் மேலதிக நீதவான் லலித் வீரசேன முன்னிலையில் முன்னிலைப்படுத்தப்பட்ட பின்னர், கடுமையாக எச்சரிக்கப்பட்டு பிணையில் செல்ல அனுமதிக்கப்பட்டார்.

இடியப்பம் சாப்பிடுவதற்காக தனது அனுமதியின்றி கறி எடுத்ததற்காக குறித்து ஆசிரியை தனது மாமியாரை தாக்கும் காட்சியை அவரின் 9 மற்றும் 10 வயதுகளுடைய இரு பிள்ளைகள் தொலைபேசியில் வீடியோ செய்துள்ளனர்.

இந்நிலையில் தாக்குதலுக்குள்ளான வயோதிபப் பெண்ணிடம் குறித்த காணொளி சில தினங்களுக்கு முன்னர் சிக்கியுள்ளது. அதனை அவர் சமூகவலைத்தளங்களில் பதவிட்டுள்ளார். இது தொடர்பில் கம்பளை பொலிஸாரின் கவனத்துக்கு கொண்டுவர்பபட்டதையடுத்தே நேற்று அவர் கைது செய்யப்பட்டுள்ளார்.

கம்பளை நிருபர் லாவண்யா