புகைப்பிடிப்பது போன்ற புகைப்படத்தை வெளியிட்ட அமலாபாலை ரசிகர்கள் விமர்சித்து வருகின்றனர்.

சிந்து சமவெளி சர்ச்சை படத்தில் அறிமுகமாகி பெரிய கதாநாயகர்களுடன் ஜோடி சேர்ந்து முன்னணி நடிகையாக வளர்ந்த அமலாபால் திருமணம், விவாகரத்து என்றெல்லாம் பரபரப்பாகி மீண்டும் தீவிரமாக நடித்து வருகிறார்.

கடந்த ஆண்டு வெளியான ஆடை படத்தில் நிர்வாணமாக நடித்து அதிர வைத்தார். தற்போது கதாநாயகியை மையப்படுத்தும் கதையம்சம் உள்ள படங்களில் நடிக்கிறார். சமீப காலமாக அமலாபால் சமூக வலைத்தளத்தில் சர்ச்சை புகைப்படங்களை பகிர்ந்து வருகிறார்.

ஆண் நண்பர்களுடன் மதுகோப்பையுடன் இருக்கும் படங்களை வெளியிட்டார். இன்னொரு ஆண் நண்பர் அருகில் நிற்க கடற்கரையில் படுத்திருப்பதுபோன்ற புகைப்படம் வந்தது.

தற்போது புகைப்பிடித்து வாயில் இருந்து வரும் புகையை வட்டமாக வெளியிடுவது போன்ற புகைப்படத்தை வெளியிட்டு சர்ச்சையை ஏற்படுத்தி உள்ளார். அதில் “எல்லா நற்பண்புகளும் சலவை செய்த துணிபோல் இல்லை. எல்லா புனிதர்களுக்கும் ஒளிவட்டம் இல்லை. எல்லா பாவிகள் கையிலும் ரத்தம் இல்லை.” என்றெல்லாம் தத்துவ பதிவையும் வெளியிட்டுள்ளார்.

புகைப்புடிக்கும் அமலாபாலுக்கு எதிராக ரசிகர்கள் பலரும் வலைத்தளத்தில் கண்டன பதிவுகளை வெளியிட்டு வருகிறார்கள்.

உலகம் முழுவதும் கொரோனா பரவியவர்களின் எண்ணிக்கை 2 கோடியே 10 20 லட்சத்து 49 ஆயிரமாக அதிகரித்துள்ளது.

சீனாவில் ஹூபேய் மாகாணம் வுகான் நகரில் கடந்த ஆண்டு டிசம்பர் மாதம் கொரோனா வைரஸ் கண்டுபிடிக்கப்பட்டது. இந்த வைரஸ் தற்போது உலகின் 213 நாடுகள்\ பிரதேசங்களுக்கு பரவி பெரும் மனித பேரழிவை ஏற்படுத்தி வருகிறது.

இந்த வைரசுக்கு தடுப்பு மருந்து கண்டுபிடிக்க விஞ்ஞானிகள் தீவிர முயற்சி மேற்கொண்டு வருகின்றனர். தடுப்பூசி கண்டுபிடிக்கும் பணிகள் இறுதி கட்டத்தை எட்டியுள்ளபோது கொரோனாவின் தாக்கம் நாளுக்கு நாள் அதிகரித்துக்கொண்டே செல்கிறது.

இந்நிலையில், உலகம் முழுவதும் கொரோனா வைரஸ் பரவியவர்களின் எண்ணிக்கை 2 கோடியே 20 லட்சத்து 49 ஆயிரத்து 457 ஆக அதிகரித்துள்ளது.

குறிப்பாக அமெரிக்கா, பிரேசில், இந்தியாவில் கொரோனா வேகமெடுத்துள்ளது. இந்த மூன்று நாடுகளிலும் ஒரே நாளில் சராசரியாக 50 ஆயிரத்திற்கும் அதிகமானோருக்கு புதிதாக தொற்று உறுதி செய்யப்பட்டுள்ளது.

வைரஸ் பாதிப்பில் இருந்து 1 கோடியே 49  லட்சத்து 91 ஆயிரத்துக்கும் அதிகமானோர் குணமடைந்துள்ளனர். ஆனாலும், கொரோனாவால் இதுவரை 7 லட்சத்து 77 ஆயிரத்துக்கும் அதிகமானோர் உயிரிழந்துள்ளனர்.

புதிய அரசாங்கத்தின் முதலாவது அமைச்சரவை கூட்டம் நாளை புதன்கிழமை காலை 10 மணிக்கு ஜனாதிபதி கோட்டாபய ராஜபக்ச தலைமையில் நடைபெறவுள்ளது.

சுகாதார நடைமுறைகளுக்கு ஏற்ப அமைச்சரவை கூட்டம் இடம்பெறவுள்ளதாக தெரிவிக்கப்படுகின்றது.

இம்முறை தேர்தலின் ஊடாக அமைச்சரவைக்காக 25 அமைச்சரவை அந்தஸ்துள்ள அமைச்சர்கள் தெரிவு செய்யப்பட்டதுடன் அவர்கள் கடந்த 12 ஆம் திகதி சத்தியபிரமாணம் செய்து கொண்டிருந்தனர்.

இதன்போது தெரிவு செய்யப்பட்ட 39 இராஜாங்க அமைச்சர்களும் சத்தியபிரமாணம் செய்து கொண்டிருந்தனர்.

நாளைய அமைச்சரவைக் கூட்டத்தில் 20ஆவது திருத்தச்சட்டமூலம் சமர்ப்பிக்கப்படவுள்ளமை குறிப்பிடத்தக்கது.

தமிழ் முற்போக்கு கூட்டணியின் பாராளுமன்ற உறுப்பினர்களை வரவேற்கும் நிகழ்வு எதிர்வரும் 23 ஆம் திகதி ஹட்டனில் நடைபெறவுள்ளது.

கூட்டணியின் தலைவர் மனோ கணேசன், பிரதித் தலைவர்களான பழனி திகாம்பரம், இராதாகிருஷ்ணன், எம்.பிக்களான வேலுகுமார், அரவிந்தகுமார் மற்றும் உதயகுமார் ஆகியோருக்கே இவ்வாறு வரவேற்பளிக்கப்படவுள்ளது.

நடைபெற்று முடிந்த பொதுத்தேர்தலில் ஐக்கிய மக்கள் சக்தியுடன் கூட்டணி அமைத்து தொலைபேசி சின்னத்தின்கீழ் போட்டியிட்ட தமிழ் முற்போக்கு கூட்டணி நுவரெலியா, கண்டி, பதுளை மற்றும் கொழும்பு மாவட்டங்களில் வெற்றிபெற்றது.

இரத்தினபுரி, கேகாலை மற்றும் கம்பஹா மாவட்டங்களில் போட்டியிட்ட கூட்டணியின் வேட்பாளர்கள் 20 ஆயிரத்துக்கும் மேற்பட்ட விருப்பு வாக்குகளைப்பெற்றனர் என்பது குறிப்பிடத்தக்கது.

தமிழ்த் தேசியக் கூட்டமைப்பின் பாராளுமன்றக்குழுக் கூட்டம் நாளை மறுதினம் 20 ஆம் திகதி பாராளுமன்றக் கட்டடத் தொகுதியில் நடைபெறவுள்ளது.

அடுத்தக்கட்ட அரசியல் நகர்வுகள், தமிழ்த் தேசியக் கூட்டமைப்பில் மேற்கொள்ளவுள்ள மாற்றங்கள் உட்பட சமகால அரசியல் நிலைவரங்கள் தொடர்பில் இதன்போது ஆராயப்படவுள்ளது

அத்துடன், தமிழ் முற்போக்கு கூட்டணியின் பாராளுமன்றகுழுவும் அன்றைய தினம் பாராளுமன்றக் கட்டடத் தொகுதியில் கூடும் என எதிர்ப்பார்க்கப்படுகின்றது.

இந்தியாவின் அனுமதி இல்லாமல் இலங்கை அரசாங்கத்தால் அரசியலமைப்பின் 13 ஆவது திருத்தச்சட்டத்தை மாற்றமுடியாது என்று தமிழ் முற்போக்கு கூட்டணி நேற்று (16) அறிவித்தது.

ஹட்டனில் நடைபெற்ற ஊடகவியலாளர் சந்திப்பில் கலந்துகொண்டு அரசியலமைப்பின் 13 மற்றும் 19 ஆவது திருத்தச்சட்டங்கள் தொடர்பில் கருத்து வெளியிடுகையிலேயே கூட்டணியின் பிரதித் தலைவரும், முன்னாள் இராஜாங்க அமைச்சருமான வேலுசாமி இராதாகிருஷ்ணன் இந்த விடயத்தை குறிப்பிட்டார்.

இது தொடர்பில் அவர் மேலும் கூறியவை வருமாறு,

” அரசியலமைப்பின் 13 மற்றும் 19 ஆவது திருத்தச்சட்டங்கள் இந்த நாட்டுக்கு அவசியம். அவற்றை முழுமையாக நீக்குவதற்கு நாம் கடும் எதிர்ப்பை வெளியிடுகின்றோம்.

13ஆவது திருத்தச்சட்டம் இந்த நாட்டுக்கு அவசியம் என்பதை இலங்கை மற்றும் இந்தியா ஆகிய இரு நாடுகளில் 1987 இல் ஏற்றுக்கொண்டன. ஜே.ஆர். ஜயவர்தன, ராஜீவ் காந்தி இணைந்தே அதனை நடைமுறைப்படுத்துவதற்கு நடவடிக்கை எடுத்தனர்.

எனவே, இந்த சட்டத்தை மாற்றுவதாக இருந்தால் இந்தியாவின் அனுமதி இல்லாமல் அதனை செய்யமுடியாது என்பது அனைவருக்கும் தெரிந்த விடயம். ஆகவே, 13 விடயத்தை இந்தியா கவனத்துக்கொள்ளும். நாமும் அதற்கு ஆதரவாக நிற்போம்.

19 ஆவது திருத்தச்சட்டத்தை இந்த அரசாங்கத்தால் மாற்றமுடியும். நல்லவிதத்தில் மாற்றியமைத்தால் ஆதரவு வழங்கப்படும். முழுமையாக இல்லாதொழிக்க ஆதரவு வழங்கப்படாது.” – என்றார்.

பதுளை, வெலிமடை வோர்விக் தோட்ட மார்ட்டின் பிரிவு லயன் குடியிருப்பொன்றில் இன்று (17) ஏற்பட்ட தீ விபத்தால் 14 வீடுகள் தீக்கிரையாகின.

இவ்வனர்த்தம் குறித்து அறிவிக்கப்பட்ட கையோடு, பிரதமரின் இணைப்புச் செயலாளர் செந்தில் தொண்டமான், பாதிக்கப்பட்ட மக்களுக்கு நிவாரணங்களைப் பெற்றுக்கொடுக்க உடனடி நடவடிக்கை எடுத்தார்.

அத்துடன், அவர்கள் தங்குவதற்காக தற்காலிக இருப்பிடமொன்றை அமைக்குமாறு தோட்ட நிர்வாகத்துக்கு பணிப்புரை வழங்கியுள்ளார்.

அத்துடன், மாவட்ட அரசாங்க அதிபருடன் பேச்சுவார்த்தை நடாத்தி, வெலிமடை கிராம சேவகர் ஊடாக அடிப்படை வசதிகள் ஏற்பாடு செய்துகொடுக்குமாறும் உலர் உணவுப் பொருட்களும் வழங்குமாறும் செந்தில் தொண்டமான் கேட்டுக்கொண்டுள்ளார்.

அதேவேளை, பாதிக்கப்பட்ட லயன் குடியிருப்பை மீள கட்டமைப்பு செய்வதற்கு மாகாண சபை ஊடாக நடவடிக்கை எடுக்கப்பட்டுள்ளது.

பொதுத்தேர்தலின் பின்னர் செந்தில் தொண்டமான் இன்னும் தனது பணிகளை ஆரம்பிக்கவில்லை. அப்படி இருந்தும் மக்களுக்கு அனர்த்தம் ஏற்பட்டுவிட்டது என தெரிந்தவந்தவுடன் களத்துக்கு சென்று தேவையான நடவடிக்கைகளை முன்னெடுத்தார்.

குறிப்பாக என்ன தெய்வதென தெரியாமல் திண்டாடிய அரச அதிகாரிகளுக்கு இது விடயத்தில் எவ்வாறு செயற்படவேண்டும் எனவும் செந்தில் தொண்டமான் வழிகாட்டினார்.

விளையாட்டுத்துறை அமைச்சின் பெயர் பலகையிலுள்ள தமிழ் பிழையை திருத்தி விளையாட்டுத்துறை மற்றும் இளைஞர் விவகார அமைச்சர் மொழி உரிமைக்கு முக்கியத்துவம் வழங்கியுள்ளார்.

விளையாட்டுத்துறை மற்றும் இளைஞர் விவகார அமைச்சராக நாமல் ராஜபக்ச நாளை (2020.08.18) கடமைகளை பொறுப்பேற்கவுள்ளார்.

உத்தியோகப்பூர்வமாக கடமைகளை பொறுப்பேற்பதற்கு முன்னதாக அமைச்சின் பெயர் பலகையிலுள்ள தமிழ் பிழையை திருத்தி, அமைச்சர் மொழி உரிமைக்கு முக்கியத்துவம் வழங்கியுள்ளார்.

இதுவரை எந்தவொரு அமைச்சரதும் பார்வைக்கு கிட்டாத இந்த தமிழ் பிழையானது, இளைஞர்களை வலுப்படுத்த புதிதாக பதவியேற்ற இளம் அமைச்சர் நாமல் ராஜபக்சவின் கண்களுக்கு புலப்பட்டுள்ளது.

மும்மொழி கொள்கை இலங்கையில் அமுலில் உள்ளது என்பதனை உறுதிபடுத்தும் வகையில் அமைச்சர் நாமல் ராஜபக்சவின் இந்த செயற்பாடு அமைந்துள்ளது.

இந்நிலையில், இவ்வாறான பிழைகள் குறித்து எதிர்வரும் காலத்தில் அமைச்சரினால் கூடுதல் கவனம் எடுக்கப்படும் என்பது குறிப்பிடத்தக்கது.