இலங்கை தேர்தல் வரலாற்றில் அதிகூடிய விருப்பு வாக்குகளைப்பெற்ற வேட்பாளர் என்ற சாதனையை மஹிந்த ராஜபக்ச படைத்துள்ளார்.

குருணாகலை மாவட்டத்தில் போட்டியிட்ட அவர் 5 லட்சத்து 27 ஆயிரத்து 364 வாக்குகளைப் பெற்றுள்ளார்.

2015 இல் நடைபெற்ற பொதுத்தேர்தலில் கொழும்பு மாவட்டத்தில் போட்டியிட்ட ரணில் விக்கிரமசிங்க  5 லட்சத்து 566 விருப்பு வாக்குகளைப் பெற்றார். பொதுத்தேர்தலில் வேட்பாளர் ஒருவர் பெற்ற அதிகூடிய விருப்பு வாக்குகளாக இது பதிவானது.

அதற்கு முன்னர் 1994 இல் நடைபெற்ற பொதுத்தேர்தலில் சந்திரிக்கா அம்மையார் கம்பஹா மாவட்டத்தில் 4 லட்சத்து 64 ஆயிரத்து 588 வாக்குகளைப் பெற்றிருந்தார்.

இந்நிலையிலேயே இந்த சாதனையை மஹிந்த இம்முறை முறியடித்துள்ளார்.

பொலன்னறுவை மாவட்டத்தில் நான்கு ஆசனங்களைக் கைப்பற்றி ஶ்ரீலங்கா பொதுஜன பெரமுன தலைமையிலான கூட்டணி வெற்றிநடை போட்டுள்ளது.மாவட்ட விருப்பு வாக்கு பட்டியலில் ஶ்ரீலங்கா சுதந்திரக்கட்சியின் தலைவரும் முன்னாள் ஜனாதிபதியுமான மைத்திரிபால சிறிசேன ஒரு லட்சத்து 11 ஆயிரத்து 137 வாக்குகளைப் பெற்று முதலிடம் பிடித்துள்ளார்.

மைத்திரிபால சிறிசேனவுடன் அரசியல் போரில் ஈடுபட்ட ரொஷான் ரணசிங்க 90 ஆயிரத்து 615 வாக்குகளைப்பெற்று இரண்டாம் இடத்தை பிடித்துள்ளார்.

பொதுத்தேர்தலில் எட்டு ஆசனங்களைக் கைப்பற்றி இரத்தினபுரி மாவட்டத்தையும் ஶ்ரீலங்கா பொதுஜன பெரமுன தலைமையிலான கூட்டணி கைப்பற்றியுள்ளது. ஐக்கிய மக்கள் சக்திக்கு மூன்று ஆசனங்கள் கிடைத்துள்ளன.

அத்துடன், இரத்தினபுரி மாவட்டத்தில் தமிழ்ப் பாராளுமன்ற பிரதிநிதித்துவம் என்பது இன்னும் எட்டாக் கனியாகவே இருக்கின்றது. இம்முறையும் அந்த இலக்கை அடைய முடியாமல்போனது.

தமிழ் முற்போக்கு கூட்டணியின் சார்பில் ஐக்கிய மக்கள் சக்தியில் சந்திரகுமாரும், ஐக்கிய தேசியக்கட்சியின் சார்பில் ஆனந்தகுமாரும் போட்டியிட்டனர் என்பது குறிப்பிடத்தக்கது.

ஶ்ரீலங்கா பொதுஜன பெரமுன – 08

பவித்ரா வன்னியாராச்சி- 200,977
பிரேமலால் ஜயசேகர- 104,237
ஜனக வக்கும்புர- 101,225
காமினி வெலேபொட- 85,840
அகில எல்லாவெல- 71,179
வாசுதேவ நாணயக்கார- 66,991
முடித்த பிரஷாந்தி- 65,933
டபிள்யு.டி.செனவிரத்ன- 61,612

ஐக்கிய மக்கள் சக்தி – 03

ஹேஷா விதானகே- 60,426
வருண லியனகே- 47,494
தலதா அதுகொரல- 45,105

பொதுத்தேர்தலில் கண்டி மாவட்டத்தை ஶ்ரீலங்கா பொதுஜன பெரமுன தலைமையைிலான கூட்டணி கைப்பற்றியுள்ளது. அக்கூட்டணி 8 ஆசனங்களையும், ஐக்கிய மக்கள் சக்தி 4 ஆசனங்களையும் வென்றுள்ளன.

ஶ்ரீலங்கா பொதுஜன பெரமுன – 08

திலும் அமுனுகம – 171,758

மஹிந்தானந்த அளுத்கமகே – 161,471

லொஹன் ரத்வத்த – 140,917

அநுராத ஜயரத்ன – 140,798

கெஹலிய ரம்புக்வெல்ல – 110,832

வசந்த யாபா பண்டார – 108,940

குணதிலக ராஜபக்ச – 49,317

உதயன சாமிந்த கிரிந்திகொட – 39,904

ஐக்கிய மக்கள் சக்தி -04

ரவூப் ஹக்கீம் – 83,398

அப்துல் ஹலீம் – 71,063

எம். வேலுகுமார் – 57,445

லக்‌ஷ்மன் கிரியல்ல – 52,311