போலி மாணிக்கக்கல்லை விற்பனை செய்த நபரொருவர் மஸ்கெலியா பொலிஸாரால் கைது செய்யப்பட்டுள்ளார்.

பலாங்கொடை பெட்டிகல நவநிவசபுர பகுதியைச் சேர்ந்த கந்தசாமி கோபால கிருஸ்ணன் என்பவரே இவ்வாறு கைது செய்யப்பட்டுள்ளார்.

கடந்த 16 ஆம் திகதி மஸ்கெலியா ராணி தோட்டத்தை சேர்ந்த ஒருவருக்கே ஒரு லட்சத்து 98 ஆயிரம் ரூபாவை வாங்கிக்கொண்டு குறித்த போலி மாணிக்கக்கல் வழங்கப்பட்டுள்ளது என பொலிஸில் முறைப்பாடு செய்யப்பட்டுள்ளது. இதனையடுத்து மோசடியில் ஈடுபட்டவர் 17 ஆம் திகதி மாலை கைது செய்யப்பட்டுள்ளார்.

இதன்போதும் அவர் போலி மாணிக்கக்கல்லொன்றை விற்பனை செய்யும் நடவடிக்கையில் ஈடுபட்டுக்கொண்டிருந்தார்.

மஸ்கெலியா நிருபர் பெருமாள்

நாவலப்பிட்டி பொலிஸ் பிரிவுக்குட்பட்ட நாவலப்பிட்டி நகர பகுதியில் விற்பனைக்காக வைத்திருந்த ஒரு தொகை கேரளா கஞ்சாவுடன்  நான்கு பேர் நேற்று (18) மாலை நாவலப்பிட்டி குற்றத்தடுப்பு பொலிஸாரால் கைது செய்யப்பட்டுள்ளதாக பொலிஸார் தெரிவித்தனர்.

பொலிஸாருக்கு கிடைத்த இரகசிய தகவலினையடுத்தே சோதனை மேற்கொண்ட பொலிஸார்  இவர்களை கைது செய்துள்ளனர். அத்தோடு, இவர்களிடமிருந்து 34,500 ரூபாய் பணத்தொகையும் மீட்கப்பட்டுள்ளது.

கைது செய்யப்பட்டவர்கள் நாவலப்பிட்டி பகுதியை சேர்ந்தவர்கள் என்றும், இவர்கள் நீண்ட காலமாக கஞ்சா விற்பனையில் ஈடுபட்டு வந்துள்ளதாகவும் பொலிஸார் மேற்கொண்ட ஆரம்பகட்ட விசாரணையின் மூலம் தெரியவந்துள்ளது.

இச்சந்தேக நபர்களை மேலதிக விசாரணையின் பின்னர் நாவலப்பிட்டி நீதவான் முன்னிலையில் ஆஜப்படுத்தப்படவுள்ளதாகவும், இது தொடர்பான மேலதிக விசாரணைகளை நாவலப்பிட்டி பொலிஸார் மேற்கொண்டு வருவதாகவும் பொலிஸார் மேலும் தெரிவித்தனர்.

க.கிசாந்தன்

வரலாற்றில் இருந்து பாடம் படிப்போம் என்று தமிழ் முற்போக்கு கூட்டணியின் தலைவரும் முன்னாள் அமைச்சருமான மனோ கணேசன் தெரிவித்துள்ளார். இது தொடர்பில் அவரது முகநூல் பதிவு வருமாறு,

“முதலாவது நிரந்தரமானது. இரண்டாவது வந்து போவது. சிலருக்கு இந்த அரசியல் விஞ்ஞானம் விளங்குவதில்லை.

வந்து போகும் அரசாங்க வரம் கிடைத்தவுடன் நாட்டுக்கு தாம் மாத்திரமே “நிரந்தர சொந்தக்காரர்” என நினைத்து விடுகிறார்கள்.

மஞ்சள் அல்லது மஞ்சள் தூளினை பதுக்கி அதிக விலைக்கு மேல் விற்பனை செய்தால் நுகர்வோர் பாதுகாப்புச் சட்டத்தின் கீழ் தண்டனை வழங்கப்படும் என சிறு போக ஏற்றுமதி அபிவிருத்தி இராஜாங்க அமைச்சர் ஜானக வக்கும்புர நேற்று தெரிவித்தார்.

எம்பிலிப்பிட்டிய பிரதேசத்தில் தனக்கு வாக்களித்து ஒத்துழைப்பு வழங்கிய மக்களுக்கு நன்றி தெரிவிக்கும் போதே அவர் இவ்வாறு தெரிவித்தார்.

அவர் தொடந்து தகவல் தருகையில்,

தற்போதைய சூழ்நிலையில் மஞ்சளுக்கு நாட்டில் பெரும் தட்டுப்பாடு ஏற்பட்டுள்ளது. இதற்கு பல காரணங்கள் இருக்கலாம். அதனால் மக்கள் மஞ்சளை அதிக விலை கொடுத்து வாங்குகின்றனர்.

கடந்தகால நல்லாட்சி அரசாங்கம் முழுமையாக இறக்குமதி செய்தது. இதனால் உள்நாட்டு மஞ்சள் உற்பத்தியாளர்கள் உற்பத்தியை கைவிட்டனர். இதனால் நாட்டில் மஞ்சளுக்கு தட்டுப்பாடு ஏற்பட்டு விட்டது.

மஞ்சள் தேவையினைக் கருத்திற் கொண்டு எதிர்காலத்தில் அவ்வாறான நிலைமைகள் ஏற்படாதவாறு விவசாயிகளை ஊக்கப்படுத்தும் வகையில் நாட்டில் மஞ்சள் உற்பத்தியை அதிகரிக்கச் செய்வோம்.

இதன் மூலம் உள்நாட்டு விவசாயிகளின் வருமானம் அதிகரிப்பதுடன், மஞ்சளின் விலையும் குறைந்துவிடும் என அவர் தெரிவித்தார்.

32 ஆவது இளைஞர் விளையாட்டு விழா ( நுவரெலியா பிரதேச செயலகத்துக்குட்பட்ட பகுதி) எதிர்வரும் 22 ஆம் திகதி ஆரம்பமாகவுள்ளது.

பதிவுசெய்யப்பட்ட விளையாட்டுக் கழகங்கள் மாத்திரமே இதற்கு முன்னர் அனுமதிக்கப்பட்டிருந்தன. எனினும், கொரோனா பிரச்சினை காரணமாக இம்முறை பதிவு நடைமுறை தாமதமானது. எனவே, களத்துக்கு வந்து கழகங்கள் பதிவு நடவடிக்கைகளை மேற்கொள்ள முடியும் என அறிவிக்கப்பட்டுள்ளது.

பிரதேச மட்டத்தில் சாதிக்கும் கழகங்கள் மாவட்ட மட்டத்திலான போட்டிகளில் பங்கேற்கமுடியும்.

போட்டி அட்டவணை வருமாறு,

புதிதாகப் பதிவு செய்வதற்காக 160 அரசியல் கட்சிகள் தேர்தல்கள் ஆணைக்குழுவுக்கு விண்ணப்பித்துள்ள நிலையில் அவை தொடர்பான பரிசீலனைகள் நேற்று முதல் மீள ஆரம்பிக்கப்பட்டுள்ளன.

புதிய அரசியல் கட்சிப் பதிவுக்காக 160 தரப்புகள் விண்ணப்பித்திருந்த நிலையில் தேர்தல் அறிவிப்பு வெளியானது.இதனால் புதிய கட்சிகளின் அங்கீகார நடவடிக்கை தடைப்பட்டது.தற்போது தேர்தல் முடிவுற்றமையால் புதிய கட்சிகளின் பதிவைஅங்கீகரிக்கும் பணியை முடிவுறுத்த தேர்தல்கள் ஆணைக்குழு நடவடிக்கை எடுத்துள்ளது.

இவற்றின் அடிப்படையில் இதுவரை விண்ணப்பித்த 160 கட்சிகளின் படிவங்கள் பரிசீலிக்கப்பட்டு 40 கட்சிகளின் விண்ணப்பங்கள் நிராகரிக்கப்பட்டுள்ளன. எஞ்சிய 120 விண்ணப்பங்களும் மேலும் பரிசீலிக்கப்படுகின்றன.

இவ்வாறு பரிசீலிக்கப்படும் 120 விண்ணப்பங்களினதும் பணியை நிறைவுசெய்ய ஒரு வார காலம் எடுக்கும் என எதிர்பார்க்கப்படுகின்றது.

இதன்போது மேலும் பல விண்ணப்பங்கள் நிராகரிக்கப்படலாம் எனக் கருதப்படுகின்றது. இலங்கையில் தற்போது 79 கட்சிகள்பதிவில் உள்ள நிலையில் மேலும் அதிககட்சிகள் ஒரே தடவையில் பதிவுக்கு உட்படுத்தப்படுகின்றமையும் குறிப்பிடத்தக்கது.

ஆளுங்கட்சி எம்.பிக்கள் கூட்டம் ஜனாதிபதி கோட்டாபய ராஜபக்ச, பிரதமர் மஹிந்த ராஜபக்ச ஆகியோர் தலைமையில் இன்று (19) மாலை 4 மணிக்கு நடைபெறவுள்ளது.

பாராளுமன்றக்குழு கூட்டத்துக்கு முன்னர் அமைச்சர்களுடனும் ஜனாதிபதி, பிரதமர் ஆகியோர் கலந்துரையாடவுள்ளனர்.

பாராளுமன்றக்குழு கூட்டத்தின்போது சபாநாயகர், பிரதி சபாநாயகர் மற்றும் குழுக்களின் பிரதி தவிசாளர் ஆகிய பதவிகள் தொடர்பில் முடிவெடுக்கப்படவுள்ளன.

இந்தோனேஷியாவில் தெற்கு சுமாத்ரா தீவில் ஏற்பட்ட பூகம்பத்தால் இலங்கைக்கு எவ்வித பாதிப்பும் இல்லை என்று வளிமண்டளவியல் திணைக்களத்தின் தேசிய சுனாமி முன்னெச்சரிக்கை மையம் அறிவித்துள்ளது.

இந்தோனேஷியாவின் தெற்கு சுமாத்ரா தீவில் பாரிய நில அதிர்வு ஒன்று உணரப்பட்டுள்ளதாக அமெரிக்க புவிசரிதவியல் திணைக்களம் அறிவித்துள்ளது.

இலங்கை நேரப்படி இன்று அதிகாலை 3.59 மணியளவில் ஏற்பட்ட நிலநடுக்கம் 6.9 ரிக்டர் அளவில் உணரப்பட்டுள்ளதாக குறிப்பிடப்படுகின்றது.  கடற்பரப்பில் இருந்து 163 கிலோ மீட்டர் ஆழத்தில் இந்த நில அதிர்வு பதிவாகியுள்ளது.

எனினும், இந்த நில அதிர்வால் இலங்கைக்கு எந்த ஆபத்தும் இல்லை என அறிவிக்கப்பட்டுள்ளது.

இது தொடர்பில் வளிமண்டளவியல் திணைக்களத்தின் தேசிய சுனாமி முன்னெச்சரிக்கை மையம் விடுத்துள்ள அறிக்கை வருமாறு,