தமிழ் முற்போக்கு கூட்டணியின் பாராளுமன்ற உறுப்பினர்களுக்கும், இந்திய உயர்ஸ்தானிகர் கோபால் பக்லேக்குமிடையிலான சந்திப்பொன்று இன்று (12) கொழும்பு 7இல் அமைந்துள்ள இந்தியன் இல்லத்தில் நடைபெற்றது.

முற்போக்கு கூட்டணியின் சார்பில் தலைவர் மனோ கணேசன்,  பிரதித் தலைவர்களான பழனிதிகாம்பரம், வே. இராதாகிருஸ்ணன், உப தலைவர்களான வேலுகுமார், அரவிந்தகுமார், உதயகுமார் ஆகியொர் கலந்துகொண்டனர். செயலாளர் சந்திராசாப்டரும் சந்திப்பில் பங்கேற்றிருந்தார்.

பிரதி இந்திய உயர்ஸ்தானிகர் வினோத் ஜெகப், அரசியல் துறை பொறுப்பாளர் கவுன்சிலர் திருமதி பானுபிரகாஸ் ஆகியோரும் சந்திப்பில் கலந்துகொண்டனர்.

மலையகத்துக்கான அபிவிருத்தி வேலைத்திட்டங்கள் உட்பட சமகால விவகாரங்கள் தொடர்பில் இதன்போது கலந்துரையாடப்பட்டுள்ளது.

கொரோனா வைரஸ் தொற்றுக்கு இலக்கான நிலையில் சிகிச்சைப்பெற்றுவருபவர்களில்  மேலும் 16 பேர் இன்று குணமடைந்து வீடு திரும்பினர்.

இதன்படி இலங்கையில் கொரோனாவின் பிடிக்குள் இருந்து மீண்டவர்களின் எண்ணிக்கை 2,880 ஆக அதிகரித்துள்ளது.

231 பேருக்கு தொடர்ந்தும் சிகிச்சையளிக்கப்பட்டுவருகின்றது. கொரோனாவால் 11 பேர் உயிரிழந்துள்ளனர்.

ஶ்ரீலங்கா சுதந்திரக்கட்சியின் தலைவரும், முன்னாள் ஜனாதிபதியுமான மைத்திரிபால சிறிசேனவுக்கு அமைச்சு பதவி எதுவும் வழங்கப்படவில்லை.

அத்துடன் முன்னாள் அமைச்சர்களான எஸ்.பி. திஸாநாயக்க, விஜயதாச ராஜபக்ச ஆகியோரும் அமைச்சரவையில் இடம் வழங்க்கப்படவில்லை.

மஹிந்த ஆட்சியிலும் தேசிய அரசாங்கத்திலும் அமைச்சுப் பதவிகளை வகித்த சுசில் பிரேமஜயந்த, லக்‌ஷ்மன் யாப்பா அபேவர்தன ஆகியோருக்கும் அமைச்சு பதவிகள் வழங்கப்படவில்லை. இராஜாங்க அமைச்சு பதவிகள்கூட அவர்களுக்கு கையளிக்கப்படவில்லை.

மொட்டு கட்சியில் கேகாலை மாவட்டத்தில் போட்டியிட்டு வெற்றிபெற் றரஞ்சித் சியம்பலாபிட்டியவும் ஓரங்கட்டப்பட்டுள்ளார்.

சந்திம வீரக்கொடிக்கு அமைச்சு பதவி கிடைக்காதபோதிலும் அவர் பிரதி சபாநாயகராக நியமிக்கப்படக்கூடும் என எதிர்ப்பார்க்கப்படுகின்றது.

அமைச்சர்கள், இராஜாங்க அமைச்சர்கள் கூட்டு பதவிப்பிரமாணம்.

பதுளை மாவட்ட அபிவிருத்திக்குழு தலைவராக சுதஷ்சன தெனிபிட்டிய நியமனம்.

நுவரெலியா மாவட்ட அபிவிருத்திக்குழு தலைவராக எஸ்.பி. திஸாநாயக்க நியமனம்.

பிரதான மேடையில் அமைக்கப்பட்ட கதிரையில் அமர்ந்தார் ஜனாதிபதி. மாவட்ட இணைப்புக்குழு தலைவர்களுக்கான நியமனம் வழங்கப்படுகின்றது.

மகாநாயக்க தேரர்களின் ஆசியுரை நிறைவு.

ஜனாதிபதி, பிரதமர் மற்றும் புதிதாக பதவியேற்கவுள்ள அமைச்சர்கள், இராஜாங்க அமைச்சர்களுக்கு ஆசிவேண்டிய மகாநாயக்க தேரர்கள் பிரார்த்தனை.

புதிய அரசாங்கத்தின் அமைச்சரவை பதவியேற்பு நிகழ்வு ஆரம்பம்.

அமைச்சரவை பதவியேற்பு நிகழ்வு ஆரம்பம் (live updates)

மனோ கணேசன் தலைமையிலான தமிழ் முற்போக்கு கூட்டணியின் பாராளுமன்ற குழு இன்று கொழும்பில் கூடவுள்ளது.

நடைபெற்று முடிந்த பொதுத்தேர்தலில் போட்டியிட்ட தமிழ் முற்போக்குக் கூட்டணியின் சார்பில் அறுவர் பாராளுமன்றத்துக்கு தெரிவாகியுள்ளனர்.

நுவரெலியா மாவட்டத்தில் திகாம்பரம், இராதாகிருஷ்ணன், உதயகுமாரும், பதுளை மாவட்டத்தில் அரவிந்தகுமாரும், கண்டியில் வேலுகுமாரும், கொழும்பில் மனோகணேசனும் வெற்றிபெற்றனர்.

எனினும், இரத்தினபுரி, கேகாலை மற்றும் கம்பஹா மாவட்டங்களில் பிரதிநிதித்துவம் கிடைக்கவில்லை. அத்துடன், தமிழ் முற்போக்கு கூட்டணிக்கு தேசியப்பட்டியல் கிடைக்குமா என்பதும் கேள்விக்குறியாகியுள்ளது.

இவ்வாறானதொரு பின்புலத்திலேயே பாராளுமன்றக்குழு கூடுகின்றது.

ஐக்கிய தேசியக் கட்சியின் தலைமைப்பொறுப்பை ஏற்குமாறு அக்கட்சியின் சிரேஷ்ட உறுப்பினரும், முன்னாள் சபாநாயகருமான சபாநாயகர் கருஜயசூரியவுக்கு அழைப்பு விடுக்கப்பட்டுள்ளது.

அத்துடன், செயலாளர் பதவிக்கு முன்னாள் அமைச்சர் மங்கள சமரவீரவின் பெயர் பரிந்துரைக்கப்பட்டுள்ளது என சிறிகொத்த தகவல்கள் தெரிவிக்கின்றன.

எனினும், ஐக்கிய தேசியக்கட்சியில் பதவிகளை ஏற்பது தொடர்பில் இவ்விருவரும் இன்னும் தமது நிலைப்பாடுகளை தெரியப்படுத்தவில்லை என்பது குறிப்பிடத்தக்கது.

ஐக்கிய தேசியக் கட்சியின் விசேடக் கூட்டமொன்று இன்று நடைபெறவுள்ளது. இதன்போதும் இது பற்றி கலந்துரையாடப்படும் என எதிர்ப்பார்க்கப்படுகின்றது.

கண்டி மாவட்டத்தின் உடப்பலாத்த பிதேசத்திக்கு உட்பட்ட புசல்லாவை வகுகப்பிட்டிய சோகம கீழ்ப்பிரிவு காட்டு லயம் அமைந்துள்ள பகுதி மண்சரிவுக்கு உள்ளாகக் கூடிய பகுதியென அடையாளம் காணப்பட்டுள்ளது. இங்கு சுமார் இருபது தொழிலாளர் குடும்பங்கள் வாழ்கின்றன .

கடந்த ஏழு வருடங்களாக இம்மக்கள் பல தடவை அச்சத்தினால் இடம்பெயர்ந்து அகதிகளாக வாழ்ந்துள்ளனர் .

கடந்த 2017 ஆம் ஆண்டு காலப் பகுதியில் இயற்கை அனர்த்த முன்னெச்சரிக்கை அறிக்கை காரணமாக இம்மக்கள் பாதுகாப்பான இடத்தில் குடியமர்த்தப்பட வேண்டும் என்று அரசாங்கம் அறிவித்தது.

இதனால் இவர்கள் புசல்லாவை சரஸ்வதி மத்திய கல்லூரியில் ஆறு மாத காலமும், அதன் பிறகு விளையாட்டு மைதானம் ஒன்றில் தற்காலிக குடிசைகள் அமைத்தும் வாழ்கின்றனர்.

இந்த இரண்டு வருடங்கள் இவர்களின் அவல வாழ்கை தொடர்கின்றது. சிறிய கொட்டில்களில் இவர்கள் வாழ்கின்றனர். மழைநீர் கூரையாலும் தரைவழியாகவும் குடிசைக்குள் செல்கின்றது.

இரவு பகலாக பாம்புகள், தேள்கள், அட்டைகள் குடிசைக்குள் நுழைந்து விடுகின்றன.

இவர்கள் இந்த குடிசைகளில் வாழும் போது இவர்களுக்கான வீடுகளை அரசு தலா பத்து இலட்சம் ரூபா செலவில் ஏழு பேர்ச் காணியில் கட்டப்பட்டன.

கட்டுமானப் பணிகள் முடிவடைய முன்பே வீடுகளுக்கு செல்லும்படி இவர்கள் கேட்கப்பட்டனர்.

புதிதாக கட்டப்பட்ட இந்த வீடுகளுக்கு மின்சாரம், நீர் வசதிகள் இல்லை. இதனால் மக்கள் இந்த வீடுகளுக்குச் செல்வதற்கு தயங்குகின்றனர். 20 வீடுகளில் நான்கு குடும்பங்கள் மட்டுமே குடிவந்துள்ளன.

நீர்வசதி இன்மையால் இங்கு குடிவர முடியாது உளளதாகவும் மின்சாரமின்மையால் தமது பிள்ளைகளின் கல்வி நடவடிக்கை முன்னெடுக்க முடியாது உள்ளதாகவும் இவர்கள் தெரிவிக்கின்றனர். இதன் காரனமாக தாம் பாதிக்கப்பட்ட வீடுகளிலேயே வாழ்பதாக அவர்கள் கூறுகின்றனர்.

புதிய வீடுகளில் குடியேறியவர்கள் தமது பிள்ளைகளை கல்வி நடவடிக்கைகளுக்காக மின்சாரம், நீர் வசதியுள்ள உறவினர் வீடுகளில் தங்க வைத்துள்ளதாகவும் கூறுகின்றனர். பிரதான பாதையோரமாக சிறப்பாக அமைக்கப்பட்ட இந்த வீடுகளுக்கு அருகிலேயே மின்கம்பங்கள் உள்ளன.

நீர் கட்டமைப்பு அமைக்கப்பட்டு நீர்த் தாங்கியும் வீட்டுக்கு வீடு பொருத்தப்பட்டுள்ளது .

தங்களுக்கு மின்சாரத்தை பெற்றுத் தர வேண்டும் எனவும் இவர்கள் கோருகின்றனர். கட்டி முடித்த வீடுகளில் மக்கள் குடியேறாது காடாகிக் கிடப்பதால் காட்டு விலங்குகள் வீட்டின் முற்றத்திற்கே இரவு பகல் வேளைகளில் வருகின்றன.

மிகஅச்சத்துடன் தாங்கள் வாழ்வதாக புதிய வீடுகளில் வந்து குடியேறிய நான்கு குடும்பங்களைச் சேர்ந்தவர்கள் கூறுகின்றனர். தாங்கள் அகதிகளாக இருந்தபோது தமக்கு உலர் உணவு, உடைகள் கொடுத்துதவிய அனைத்து அன்பர்களுக்கும் இம்மக்கள் நன்றி தெரிவித்துள்ளனர்.

ஆர். நவராஜா, தெல்தோட்டை