மஞ்சள் படையின் தலைவன் இனி வழிகாட்டி

இந்திய கிரிக்கெட் அணியின் முன்னாள் அணித்தலைவர் மகேந்திர சிங் தோனி, தனது 19 ஆண்டுகால ஐ.பி.எல் கிரிக்கெட் வாழ்க்கைக்கு முற்றுப்புள்ளி வைத்துள்ளதுடன், 2027ஆம் ஆண்டு ஐ.பி.எல் தொடரில் சென்னை சுப்பர் கிங்ஸ் அணியின் வழிகாட்டியாக (Mentor) நியமிக்கப்பட்டுள்ளார்.

இந்த அறிவிப்பை சென்னை சுப்பர் கிங்ஸ் அணி நிர்வாகம் இன்று (17) வெளியிட்டுள்ளது.

டிசம்பர் 16ஆம் திகதி கோவாவில் நடைபெறவுள்ள வீரர்கள் ஏலத்துக்கு முன்னதாக, வீரர்களைத் தக்கவைத்தல் மற்றும் விடுவித்தல் தொடர்பான அறிவிப்புக்கான காலக்கெடு நிறைவடைவதற்கு மூன்று மணித்தியாலங்களுக்கு முன்னதாக இந்த அறிவிப்பு வெளியாகியுள்ளது.

சென்னை அணியின் சொந்த மைதானமான சேப்பாக்கத்தில், ரசிகர்கள் முன்னிலையில் தனது ஐ.பி.எல் பயணத்தை நிறைவுசெய்ய விரும்புவதாக தோனி பல சந்தர்ப்பங்களில் தெரிவித்திருந்தார். எனினும், அவரது கிரிக்கெட் பயணம் எதிர்பார்த்த வகையில் நிறைவடையவில்லை.

இது தொடர்பில் கருத்து வெளியிட்ட சென்னை சுப்பர் கிங்ஸ் அணியின் உரிமையாளர் என். ஸ்ரீனிவாசன், தோனி இல்லாமல் சென்னை சுப்பர் கிங்ஸ் அணி இல்லை எனத் தெரிவித்துள்ளார்.

2008ஆம் ஆண்டு நடைபெற்ற முதலாவது ஐ.பி.எல் வீரர்கள் ஏலத்தில் 1.5 மில்லியன் அமெரிக்க டொலர்களுக்கு தோனியை சென்னை அணி வாங்கியது. அதன் பின்னர் அணியின் முக்கிய அடையாளமாகத் திகழ்ந்த அவர், 2010, 2011, 2018, 2021 மற்றும் 2023ஆம் ஆண்டுகளில் சென்னை அணிக்கு ஐந்து ஐ.பி.எல் சம்பியன் பட்டங்களை வென்று கொடுத்தார்.

மேலும், 2010 மற்றும் 2014ஆம் ஆண்டுகளில் சாம்பியன்ஸ் லீக் பட்டங்களையும் சென்னை அணி வென்றதில் தோனி முக்கிய பங்காற்றினார்.

ஐ.பி.எல் தொடரின் முதல் 19 பருவகாலங்களில் 17 பருவகாலங்கள் சென்னை அணிக்காக விளையாடிய தோனி, 2016 மற்றும் 2017ஆம் ஆண்டுகளில் சென்னை அணி தடைவிதிக்கப்பட்டிருந்ததால் ரைசிங் புனே சுப்பர்ஜெயன்ட் அணிக்காக விளையாடினார்.

தனது ஐ.பி.எல் கிரிக்கெட் வாழ்க்கையில் மொத்தமாக 5,439 ஓட்டங்களைக் குவித்துள்ள அவர், 38.30 என்ற துடுப்பாட்ட சராசரியையும் 137.45 என்ற துடுப்பாட்ட வேகத்தையும் பதிவு செய்துள்ளார்.

சென்னை அணியை 12 பருவகாலங்களில் வழிநடத்திய தோனி, 2022ஆம் ஆண்டு ரவீந்திர ஜடேஜாவிடம் அணித்தலைமைப் பொறுப்பை ஒப்படைத்தார். எனினும், அணியின் மோசமான பெறுபேறுகளைத் தொடர்ந்து அதே பருவகாலத்தின் இடைநடுவில் மீண்டும் அணித்தலைமைப் பொறுப்பை ஏற்றார்.

அவரது தலைமையில் 2023ஆம் ஆண்டு சென்னை அணி மீண்டும் சம்பியன் பட்டத்தை வென்றது. 2024ஆம் ஆண்டு ருதுராஜ் கெய்க்வாட்டிடம் அணித்தலைமைப் பொறுப்பை ஒப்படைத்தார்.

2025ஆம் ஆண்டு கெய்க்வாட் காயமடைந்ததைத் தொடர்ந்து தோனி மீண்டும் அணித்தலைமைப் பொறுப்பை ஏற்றபோதிலும், சென்னை அணி அந்தப் பருவகாலத்தில் கடைசி இடத்தைப் பிடித்தது.

2026ஆம் ஆண்டு காயம் காரணமாக தோனி எந்தவொரு போட்டியிலும் விளையாடவில்லை.

இந்நிலையில், 2027ஆம் ஆண்டு ஐ.பி.எல் தொடருக்காக மாற்றியமைக்கப்பட்டுள்ள சென்னை அணியின் பயிற்சிக் குழுவில் தலைமைப் பயிற்றுவிப்பாளராக ஜாகீர் கானும், உதவிப் பயிற்றுவிப்பாளர்களாக அல்பி மோர்கல், கரேத் பட்டி மற்றும் ஸ்ரீதரன் ஸ்ரீராமும் இடம்பெற்றுள்ளனர். பந்துவீச்சுப் பயிற்றுவிப்பாளராக மொஹித் சர்மாவும், களத்தடுப்புப் பயிற்றுவிப்பாளராக ஜேம்ஸ் ஃபோஸ்டரும் நியமிக்கப்பட்டுள்ளனர்.

இனிவரும் காலங்களில் வீரராகக் களமிறங்காமல், வழிகாட்டியாக சென்னை அணியுடன் தோனி தனது பயணத்தைத் தொடரவுள்ளார்.

Video thumbnail
தேயிலை தொழிற்சாலைக்குள் அதிரடியாக புகுந்த அமைச்சர் ஜீவன்!
02:50
Video thumbnail
ரூ. 1,700 இல்லையேல் தக்க பாடம் புகட்டுவோம்! தோட்ட தொழிலாளர்கள் கொந்தளிப்பு
03:37
Video thumbnail
வெடுக்குநாறி மலை சிவராத்திரி பூஜையை, இனவாதம் ரீதியில் விமர்சித்த விமல்!
04:13
Video thumbnail
தொல்பொருள் திணைக்கள அதிகாரிகளின் அடாவடி! வவுனியாவில் அட்டகாசம்! வெளுத்து வாங்கிய சாணக்கியன்
07:58
Video thumbnail
மதச் சுதந்திரம் வடக்கிற்கும் தெற்கிற்கும் சமமாக இருக்க வேண்டும்! வெடுக்குநாறி மலைச் சம்பவம்.!
07:54
Video thumbnail
இப்படி ஒரு பண்டிகை இலங்கையில இருக்கா🤭😳😲#news #srilanka #vairalvideo #vairal #malaiyagakuruvi #lka
02:55
Video thumbnail
மலையக மக்கள் இன்னும் ஏமார்ந்து கொண்டிருக்கின்றனர். I தேசிய மக்கள் சக்தியின் தெனியா மாநாடு I NPP
11:43
Video thumbnail
இலங்கை வந்த இளவரசிக்கு ஜனாதிபதி மாளிகையில் வரவேற்பு
02:16
Video thumbnail
நான் மருத்துவராக வேண்டும்! ஊடகங்களிடம் மனம் திறந்த கில்மிசா..
03:39
Video thumbnail
முத்து சப்பரத்தில் இசைக்குயில்....! மேளதாளத்துடன் கோலாகல வரவேற்பு..!!
03:05

Related Articles

Latest Articles