நுவரெலியா மாவட்டத்தில் நேற்று (23) மாத்திரம் 11 கொரோனா வைரஸ் தொற்றாளர்கள் அடையாளம் காணப்பட்டுள்ளனர் என்று கொரோனா தடுப்புக்கான தேசிய செயற்பாட்டு மையத்தின் தலைவரும், இராணுவத் தளபதியுமான லெப்டினன்ட் ஜெனரல் சவேந்திர சில்வா தெரிவித்தார்.

மஸ்கெலியா மற்றும் நுவரெலியா ஆகிய பகுதிகளில் கொழும்பில் இருந்து சென்றவர்களுக்கும், அவர்களுடன் பழகியவர்களுக்குமே இவ்வாறு வைரஸ் தொற்றியுள்ளது. அவர்களுடன் தொடர்பில் இருந்தவர்கள் தனிமைப்படுத்தப்பட்டுள்ளனர் எனவும் அவர் கூறினார்.

நாட்டில் நேற்று 335 கொரோனா தொற்றாளர்கள் அடையாளம் காணப்பட்டனர். வெளிநாட்டில் இருந்து வந்த இருவருக்கும் வைரஸ் தொற்று உறுதிப்படுத்தப்பட்டது.

கொழும்பு – 189

கம்பஹா – 47

நுவரெலியா – 11

புத்தளம் – 11

கண்டி – 08

பொலிஸ் – 33

லங்கா ப்ரீமியர் லீக் ரி 20 கிரிக்கெட் தொடரின் போட்டி மத்தியஸ்தர், போட்டி நடுவர்கள் குழாத்தை இலங்கை கிரிக்கெட் சபையினால்  அறிவிக்கப்பட்டிருக்கின்றது.

நாட்டில் மேலும் 131 பேருக்கு கொரோனா வைரஸ் தொற்று உறுதிப்படுத்தப்பட்டுள்ளது. பேலியகொடை கொரோனா தொற்றாளர்களுடன் தொடர்பில் இருந்தவர்களுக்கே இவ்வாறு வைரஸ் தொற்றியுள்ளது.

இன்று இதுவரை 335 தொற்றாளர்கள் அடையாளம் காணப்பட்டுள்ளனர்.

அதேவேளை, மொத்த தொற்றாளர்களின் எண்ணிக்கை 20 ஆயிரத்து 508 ஆக அதிகரித்துள்ளது.

கொரோனாவால் இதுவரையில் 87 பேர் உயிரிழந்துள்ளனர். 14 ஆயிரத்து 497 பேர் குணமடைந்துள்ளனர்.

புற்றுநோயால் பாதிக்கப்பட்டு சிகிச்சை பெற்றுவந்த நடிகர் தவசி சிகிச்சை பலனின்றி இன்று இரவு காலமானார்.

புற்றுநோயால் பாதிக்கப்பட்ட நடிகர் தவசி மருத்துவமனையில் அனுமதிக்கப்பட்டு மெலிந்த நிலையில் இருக்கும் புகைப்படம் அண்மையில் வெளியாகி பெரும் அதிர்ச்சியையும் சோகத்தையும் உண்டாக்கியது.

உணவுக்குழாய் புற்றுநோயால் பாதிக்கப்பட்டு மதுரை சரவணா மருத்துவமனையில் சிகிச்சைப் பெற்று வந்த தவசிக்கு இலவச சிகிச்சை அளித்து பேருதவி புரிந்தார் திருப்பரங்குன்றம் திமுக எம்.எல்.ஏ டாக்டர் சரவணன்.

அதன்பிறகு, நடிகர்கள் விஜய்சேதுபதி, சிவகார்த்திகேயன், சூரி உள்ளிடோர் உதவினார்கள். அவர்களையடுத்து, நடிகர் சிம்புவும் ஒரு லட்சம் நிதியுதவி அளித்தார்கள்.

இந்நிலையிலேயே சிகிச்சைபலனின்றி நடிகர் தவசி காலமானார்.  உயிரிழந்தார். அவருக்கு வயது 60.

நான் கடவுள், ஜில்லா, வீரம், சுந்தரபாண்டியன் உள்ளிட்ட திரைப்படங்களில் நடித்தவர் தவசி. கடந்த 2013 ஆம் ஆண்டு சிவக்கார்த்திகேயன் நடிப்பில் வெளியான வருத்தப்படாத வாலிபர் சங்கம் படத்தில் சூரியின் அப்பாவாக தவசியின் கருப்பன் குசும்புக்காரன் காமெடி ரசிகர்கள் மத்தியில் பிரபலம் என்பது குறிப்பிடத்தக்கது.

ஒரு வருடத்துக்கு மேலாக பதில் பொலிஸ் மா அதிபராக பணியாற்றிய சீ.டி.விக்ரமரத்ன இலங்கையில் புதிய பொலிஸ்மா அதிபராக நியமிக்கப்படவுள்ளார்.

இவரின் பெயரை நாடாளுமன்ற பேரவையின் அங்கீகாரத்துக்காக ஜனாதிபதி கோட்டாபய ராஜபக்ச அனுப்பிவைத்திருந்த நிலையில் அதற்கு இன்று அனுமதி கிடைத்துள்ளது.

நாடாளுமன்ற பேரவை இன்று கூடியது. இதன்போதே ஜனாதிபதியின் பரிந்துரைக்கு அனுமதி வழங்கப்பட்டது.

பொலிஸ்மா அதிபராக பதவி வகித்த பூஜித் ஜயசுந்தர, ஈஸ்டர் தற்கொலை குண்டுதாக்குதலையடுத்து கட்டாய விடுமுறையில் அனுப்பட்டார். அதன்பின்னர் 2019 ஏப்ரல் 26 ஆம் திகதி முதல் இற்றைவரை சீ.டி. விக்ரமரத்ன பதில் பொலிஸ்மா அதிபராக செயற்பட்டுவருகின்றார்.

இந்நிலையிலேயே அவர் பொலிஸ்மா அதிபராக நியமிக்கப்படவுள்ளார்.

பசறை பொலிஸ் பிரிவுக்குட்பட்ட புஹுல்வத்த பகுதியில் கொரோனா வைரஸ் தொற்றாளர் ஒருவர் இன்று (23) அடையாளம் காணப்பட்டுள்ளார்.

கொழும்பு, கொட்டாவ பகுதியிலுள்ள ஹோட்டலொன்றில் வேலைசெய்த இவர், தனது சொந்த ஊரான பசறை கோணக்கலை புஹுல்வத்தவுக்கு அண்மையில் வந்துள்ளார்.

கொழும்பில் இருந்து வந்ததால் அவர் சுய தனிமைக்கு உட்படுத்தப்பட்டார். அதன்பின்னர் அவரிடம் பிரிஆர் பரிசோதனைக்கான மாதிரிகள் பெறப்பட்டன. பிரிஆர் பரிசோதனை முடிவு இன்று வெளியானது. இதில் அவருக்கு வைரஸ் தொற்று உறுதிப்படுத்தப்பட்டுள்ளது.

இதனையடுத்து அவர் தயதலாவ காகொல்ல பகுதியில் அமைக்கப்பட்டுள்ள கொரோனா சிகிச்சை நிலையத்துக்கு கொண்டுசெல்லப்பட்டுள்ளார். குடும்ப உறுப்பினர்களிடம் பிசிஆர் பரிசோதனை நடத்தப்படவுள்ளது.

தயாரிப்பாளர் சங்க தேர்தலில் டி.ராஜேந்தர் தோல்வியடைந்தார். தேனான்டாள் பிலிம்ஸ் முரளி வெற்றி பெற்று உள்ளார்.

தமிழ் திரைப்பட தயாரிப்பாளர் சங்க தேர்தலுக்கான வாக்குப்பதிவு, சென்னை அடையாறில் உள்ள எம்.ஜி.ஆர்-ஜானகி கல்லூரியில் நேற்று நடைபெற்றது. நீதியரசர் ஜெயச்சந்திரன் தலைமையில் நடைபெற்ற இந்த தேர்தல் நடைபெற்றது.

தமிழ் திரைப்பட தயாரிப்பாளர் சங்க தலைவர் பதவிக்கு டி.ராஜேந்தர், தேனாண்டாள் பிலிம்ஸ் முரளி, பி.எல்.தேனப்பன் ஆகிய 3 பேர் போட்டியிட்டனர். இவர்களில் பி.எல்.தேனப்பன், எந்த அணியையும் சேராமல் தனியாகவே களம் இறங்கியுள்ளார்.

தமிழ் திரைப்படத் தயாரிப்பாளர் சங்க தேர்தல் வாக்கு எண்ணும் பணி சென்னை எம்.ஜி.ஆர் ஜானகி கல்லூரியில் இன்று நடந்தது. தலைவர் பதவிக்கு டி.ராஜேந்தர், தேனாண்டாள் முரளி, தேனப்பன் ஆகியோர் போட்டியிட்டனர்.

தயாரிப்பாளர் சங்க தேர்தலில் தலைவர் பதவிக்கு போட்டியிட்ட டி.ராஜேந்தர் தோல்வியடைந்தார். தயாரிப்பாளர் சங்க தலைவராக தேனான்டாள் பிலிம்ஸ் முரளி வெற்றி பெற்று உள்ளார்.

முரளி 557 வாக்குகள் பெற்று வெற்றி பெற்றார். டி.ராஜேந்தர் 337 வாக்குகள் மட்டுமே பெற்று தோல்வி அடைந்தார்.

இலங்கையில் எதிர்வரும் 26 ஆம் திகதி ஆரம்பமாகவுள்ள லங்கா பிரிமியர் லீக் கிரிக்கெட் தொடரில் பங்கேற்பதற்காக இன்று (23) கொழும்பு வரவிருந்த சயிட் ஹப்ரிடி, விமானத்தை தவறவிட்டுள்ளார்.

இது தொடர்பில் தனது டுவிட்டரில் பதிவொன்றை பதிவிட்டுள்ள ஹப்ரிடி, வெகுவிரைவில் இலங்கை வந்து எல்.பி.எல். போட்டிகளில் பங்கேற்பேன் என நம்பிக்கை வெளியிட்டுள்ளார்.

பாகிஸ்தான் அணியின் சகலதுறை ஆட்டக்காரராக விளங்கிய ஹப்ரிடி, எல்.பி.எல். தொடரில் Galle Gladiators அணியில் இடம்பிடித்துள்ளார். மாலிங்க பங்கேற்காததால் ஹப்ரிடியே தலைவராக செயற்படுவார்.