” கனவு மனிதனுக்கு வாய்த்த நல்ல வரம். தனது குறிக்கோள்களை நோக்கி அவனை உந்துகிற ஆற்றல் மிகுந்த விசை கனவு. உறக்கத்தில் வருவதன்று கனவு. நம்மை உறங்க விடாமல் செய்வதுதான் கனவு என்று இந்தியாவின் முன்னாள் ஜனாதிபதியும், விஞ்ஞானியுமான அமரர் அப்துல் கலாம் ஐயா அறிவுரை வழங்கியுள்ளார்.

இந்நிலையில் அவரின் அந்த கூற்று உண்மைதான் என்பதை நிரூபித்துள்ளார்  புஸல்லாவை, சரஸ்வதி மத்திய கல்லூரியில் கல்வி பயின்ற உயர்தர மாணவி ஜி.வேதராகினி.மாணவி ஜி.வேதராகினி தனது கல்லூரியில் கல்வி பயிலும்போது தான் ஒரு சட்டதரணியாக வரவேண்டும் என கனவு கண்டார். தன்னை ஒரு சட்டத்தரணியாக கருதியே செயற்பட்டார்.

இலங்கை உள்ளூர் கிரிக்கெட்டில் அதிக அனுபவம் பெற்ற வீரரான மலிந்த புஷ்பகுமார, கடந்த தசாப்தத்தில் முதல்தர கிரிக்கெட் போட்டிகளில் உலகில் அதிக விக்கெட் வீழ்த்தியவர் வரிசையில் இரண்டாவது இடத்தைப் பிடித்துள்ளார்.ஆஸ்திரேலியாவைத் தளமாகக் கொண்ட டெஸ்ட் கிரிக்கெட் தரவு ஒன்று இதனைத் தெரிவித்துள்ளது.

இதன்படி 2010 இல் இருந்து 2019/2020 பருவத்தில் கொழும்பு கிரிக்கெட் கழகத்திற்காக ஆடும் 33 வயதான புஷ்பகுமார 667 விக்கெட்டுகளை வீழ்த்தியுள்ளார். நியுசிலாந்து சுழற்பந்து வீச்சாளர் ஜீதன் படேல் முதலிடத்தை பிடித்திருப்பதோடு இந்தக் காலப்பிரிவில் அவர் மொத்தம் 695 விக்கெட்டுகளை வீழ்த்தியுள்ளார்.

எனினும் படேல் இலங்கை வீரர் புஷ்பகுமாரவை விடவும் மேலதிகமாக 95 போட்டிகளில் ஆடியுள்ளமை குறிப்பிடத்தக்கது.

பிரீமியர் லீக் சம்பியன் அணியான கொழும்பு கிரிக்கெட் கழகத்தின் பிரதான பந்துவீச்சாளரான புஷ்பகுமார இலங்கை அணிக்காக 4 டெஸ்ட் போட்டிகளில் ஆடி 14 விக்கெட்டுகளையும் வீழ்த்தியுள்ளார். அவர் ஒரே ஒரு ஒருநாள் போட்டியில் ஆடியுள்ளார்.

எனினும் முதல்தர போட்டிகளில் அதிக அனுபத்தை பெற்றவராக அவர் தனது கிரிக்கெட் வாழ்வில் 139 முதல்தரப் போட்டிகளில் 793 விக்கெட்டுகளை வீழ்த்தியுள்ளார். அத்துடன்,  2019 இல் சரசென்ஸ் அணிக்கு எதிரான போட்டியில் அவர் 37 ஓட்டங்களை விட்டுக்கொடுத்து 10 விக்கெட்டுகளை வீழ்த்தியது இலங்கை முதல்தர இன்னிங்ஸ் ஒன்றில் சிறந்த பந்துவீச்சாக சாதனை படைத்தமை குறிப்பிடத்தக்கது.

கொழும்பு லும்பினி கல்லூரியில் தனது கிரிக்கெட் வாழ்வை ஆரம்பித்த புஷ்பகுமார இலங்கை 19 வயதுக்கு உட்பட்ட அணி மற்றும் இலங்கை ஏ அணிகளுக்காக ஆடியபோதும் ரங்க ஹேரத்தின் ஓய்வுக்குப் பின்னரே தேசிய அணியில் விளையாட வாய்ப்பை பெற்றார்

ஐக்கிய நாடுகள் சபையின் உயர்மட்ட பிரதிநிதியொருவரை செயலாளர் நாயகம் அன்டோனியோ குட்டெரெஸ், விரைவில் இலங்கைக்கு அனுப்பவுள்ளார் என இராஜதந்திர வட்டாரங்களில் இருந்து அறியமுடிகின்றது.

இதன்படி ஐ.நாவின் அரசியல் பிரிவு தலைவர் ரோஸ்மேரி டிகார்லோவே (Rosemary A. DiCarlo) கொழும்பு வரவுள்ளார் எனவும், இங்கு உயர்மட்ட சந்திப்புகளில் ஈடுபடுவார் எனவும் தெரியவருகின்றது.

ஜனாதிபதி, பிரதமர், வெளிவிவகார அமைச்சர் மற்றும் மட்டுபடுத்தப்பட்ட சில சிவில் அமைப்புகளின் பிரதிநிதிகளுடனும் அவர் சந்திப்புகளை நடத்துவதற்கு எதிர்ப்பார்த்துள்ளார். அனைத்து சந்திப்புகளும் சுகாதார பாதுகாப்பு ஏற்பாடுகளுக்கு மத்தியிலேயே இடம்பெறவுள்ளது.

ஐ.நாவின் கிளை அமைப்புகளுள் ஒன்றான மனித உரிமைகள் பேரவையில் நிறைவேற்றப்பட்ட தீர்மானத்திலிருந்து இலங்கை அரசாங்கம் விலகியுள்ள நிலையில், பொறுப்புகூறல் கடப்பாட்டை நிறைவேற்றுவதற்கு முன்னெடுக்கப்படவுள்ள திட்டங்கள் தொடர்பில் அவதானம் செலுத்துவதை மையப்படுத்தியே ரோஸ்மேரி டிகார்லோவின் இலங்கை பயணம் அமையும் என இராஜதந்திர வட்டாரங்களில் இருந்து அறியமுடிகின்றது.

நாட்டில் மேலும் 153 பேருக்கு கொரோனா வைரஸ் தொற்று உறுதிப்படுத்தப்பட்டுள்ளது. பேலியகொடை கொரோனா தொற்றாளர்களுடன் தொடர்பில் இருந்தவர்களுக்கே இவ்வாறு வைரஸ் தொற்றியுள்ளது.

இன்று இதுவரையில் 382 தொற்றாளர்கள் அடையாளம் காணப்பட்டுள்ளனர்.

அதேவேளை, மொத்த தொற்றாளர்களின் எண்ணிக்கை 17 ஆயிரத்து 674 ஆக அதிகரித்துள்ளது.

கொரோனாவால் இதுவரையில் 61 பேர் உயிரிழந்துள்ளனர். 11 ஆயிரத்து 806 பேர் குணமடைந்துள்ளனர்.

அதேவேளை, இலங்கையில் கொரோனா 2 ஆவது அலைமூலம் ( மினுவாங்கொட, பேலியகொட கொத்தணிகள்) இதுவரை 14 ஆயிரத்து 170 பேருக்கு வைரஸ் தொற்றியுள்ளது.

அமெரிக்காவின் மார்டனா மருந்து நிறுவனம் உருவாக்கிய கொரோனா தடுப்பூசி 94.5 சதவீதம் திறன் கொண்டது என அறிவிக்கப்பட்டுள்ளது.

சீனாவின் வுகான் நகரில் கடந்த ஆண்டு டிசம்பர் மாதம் கண்டுபிடிக்கப்பட்ட கொரோனா வைரஸ் உலகம் முழுவதும் பரவி பெரும் பாதிப்புகளை ஏற்படுத்தி வருகிறது.

இந்த கொடிய வைரசுக்கு தடுப்பூசியை கண்டுபிடிக்கும் முயற்சியில் உலகின் பல்வேறு நாடுகள் களமிறங்கியுள்ளன.

ரஷியா, அமெரிக்கா, சீனா, இங்கிலாந்து போன்ற நாடுகள் கொரோனா தடுப்பூசி கண்டுபிடிக்கும் போட்டியில் முன்னிலையில் உள்ளன. தடுப்பூசி தயாரிக்கும் முயற்சியில் உலகம் முழுவதும் 11 நிறுவனங்கள் ஈடுபட்டுள்ளன.

இந்த நிறுவனங்களில் அமெரிக்காவின் மார்டனா இங்க் மருந்து நிறுவனமும் ஒன்று. அந்நிறுவனம் கொரோனா கொரோனா தடுப்பூசி ஒன்றை உருவாக்கி இருந்தது. இந்த தடுப்பூசியின் இறுதிகட்ட பரிசோதனைகள் நடைபெற்று வந்தன.

இந்நிலையில், மார்டனா நிறுவனத்தின் கொரோனா தடுப்பூசி 94.5 சதவீதம் திறன் கொண்டது என அந்நிறுவனம் அறிவித்துள்ளது.

30 ஆயிரம் பேரிடம் நடத்தப்பட்ட பரிசோதனையில் தடுப்பூசி 94.5 சதவீதம் கொரோனா வைரசை கடுப்படுத்துவது உறுதியாகியுள்ளதாக அறிவிக்கப்பட்டுள்ளது.

கொரோனா வைரசால் தீவிரமாக பாதிக்கப்பட்டவர்களிடமும் இந்த மார்டனா தடுப்பூசி நல்ல செயல்திறனை கொண்டுள்ளது என தெரிவிக்கப்பட்டுள்ளது.

முன்னதாக, மற்றொரு அமெரிக்க மருந்து நிறுவனமான பிப்சர் நிறுவனத்தின் கொரோனா தடுப்பூசி 90 சதவீதம் கொரோனா வைரஸ் பாதிப்பில் இருந்து மனிதர்களை பாதுகாக்கிறது என ஆய்வு முடிவில் தெரியவந்திருந்தது என்பது குறிப்பிடத்தக்கது.