இலங்கைத் தொழிலாளர் காங்கிரஸ் வேட்பாளர்களுக்கு வெளியில் இருந்து எவரும் பாடம் கற்றுக்கொடுக்கதேவையில்லை.  எமது தலைவர் ஆறுமுகன் தொண்டமானால் அனைத்து பயிற்சிகளும் எமக்கு வழங்கப்பட்டுள்ளன – என்று இ.தொ.காவின் நிதி செயலாளரும், நுவரெலியா மாவட்ட வேட்பாளருமான மருதபாண்டி ராமேஷ்வரன் தெரிவித்தார்.

ஹட்டனில்   நகர வர்த்தகர்களுடான நடைபெற்ற பிரச்சார கூட்டத்தில் கலந்து கொண்டு உரையாற்றும் போதே அவர் இவ்வாறு தெரிவித்தார்.

அவர் மேலும் தெரிவித்ததாவது,

” நுவரெலியா மாவட்டத்தின் தலைமை வேட்பாளராக தலைவர் ஆறுமுகன் தொண்டமானே நியமிக்கப்பட்டிருந்தார். அவரின் மறைவின் பின்னர், அப்பதவி வேறு யாரிடமோ சென்றுவிடும் என சிலர் கூறினர். அவ்வாறு செல்லவில்லை. தலைமை வேட்பாளர் பதவி ஜீவன் தொண்டமானுக்கே வழங்கப்பட்டது. அவருக்கு அனுபவம் இல்லையென்றால் அப்பதவியை மொட்டு கட்சிக்காரர்கள் வழங்கியிருப்பார்களா?

கடந்த நான்கு வருடங்களாக செல்லும் இடங்களுக்கெல்லாம் ஜீவனை, தலைவர் அழைத்துசென்றார். பயிற்சிகளை வழங்கினார். எனவே, இ.தொ.கா. என்ற பலம்வாய்ந்த அமைப்புக்கு எவரும் பாடம்கற்றுக்கொடுக்கவேண்டியதில்லை. சமுகத்தை வழிநடத்தும் சக்தியும், அனுபவமும் எமக்கு இருக்கின்றது.

காங்கிரஸ் உறுப்பினர்கள் தேர்தல் காலத்தில் மட்டும் வருபவர்கள் அல்லர். மக்களோடு மக்களாக வாழ்பவர்கள். எனவே, பொதுத்தேர்தலில் எமது ஐந்து வேட்பாளர்களையும் வெற்றிபெற வைக்குமாறு கேட்டுக்கொள்கின்றேன். இன்று மலையக சமுகம் ஓரணியில் திரண்டுள்ளது. நிச்சயம் இ.தொ.காவை பலப்படுத்துவோம் என உறுதியளித்துள்ளனர். ” – என்றார்.

க.கிசாந்தன்

மலையகத்தில் மறுமலர்ச்சியை ஏற்படுத்தி சமுகமாற்றத்தை நோக்கிப் பயணிப்பதற்கு கட்சி, தொழிற்சங்க பேதங்களுக்கு அப்பால் அனைத்து மலையக அரசியல்வாதிகளும், தொழிற்சங்கத் தலைவர்களும் ஓரணியில் திரளவேண்டும் என்று ஐக்கிய மக்கள் சக்தியின் நுவரெலியா மாவட்ட வேட்பாளர் வேலாயுதம் தினேஷ்குமார் கோரிக்கை விடுத்துள்ளார்.

எவ்வித நிபந்தனைகளும் இன்றி ‘மக்களின் நலன்’ என்ற ஒரு விடயத்தை மாத்திரம் கருத்திற்கொண்டு இணைந்து பயணிக்கும் முடிவை கூடியவிரைவில் எடுக்கவேண்டும் எனவும் அவர் வேண்டுகோள் முன்வைத்துள்ளார்.

பொதுத்தேர்தலை முன்னிட்டு பிரச்சாரத்தில் ஈடுபட்டுவரும் வேலாயுதம் தினேஷ்குமார், இளைஞர், யுவதிகள் மற்றும் புத்திஜீவிகள் உள்ளிட்டோரையும் சந்தித்து, அடுத்தக்கட்ட திட்டங்கள் சம்பந்தமாக விபரித்துவருகின்றார்.
இவ்வாறு நடைபெற்ற சந்திப்பொன்றின்போதே அவர் மேற்படி விடயத்தை குறிப்பிட்டார்.

இது தொடர்பில் அவர் மேலும் கூறியவை வருமாறு,
“ மலையகத்தில் மாற்றம் வேண்டும் என்ற கோஷம் ஆரம்பம் காலம்தொட்டு எழுப்பட்டுவந்தாலும் அந்த இலக்கை நோக்கி இன்னும் பயணிக்கமுடியாதுள்ளது. இதற்கு பல காரணங்கள் உள்ளன. குறிப்பாக எமது சமுகத்தை பிரதிநிதித்துவப்படுத்தும் அரசியல்வாதிகளின் ஒற்றுமையின்மையும் இதில் பிரதான காரணியாகும்.

ஒரு தரப்பு எதையாவது செய்தால் மறுதரப்பு காலை வாருவரும், விமர்சனங்களை முன்வைப்பதுமாகவே எமது அரசியல் கலாச்சாரம் தொடர்ந்துக்கொண்டிருக்கின்றது. இந்நிலைமை மாறவேண்டும். அதனை மாற்றியமைப்பதற்காகவே அரசியலில் இறங்கவேண்டும் என்ற எண்ணம் என்னுள் வந்தது. எல்லாம் இணைந்து மக்கள் வாழ்வில் மாற்றத்தை ஏற்படுத்தவேண்டும் என்பதே எனது தந்தையின் எதிர்ப்பார்ப்பாகவும் இருந்தது.

‘ஒற்றுமை’ என்ற ஆயுதம் பலம்பொருந்தியது. ஓரணியில் இருந்தால் எதனையும் சாதிக்கமுடியும். ஒரு கையில் ஓசை எழுப்புவதைவிடவும் இரு கரங்களும் இணைந்தால் பலமாக சத்தம் வரும்.  குறிப்பாக சப்ரகமுவ மாகாணசபைத் தேர்தலின்போது மலையக தலைவர்கள் அன்று இணைந்து செயற்பட்டனர். இதனால் இரண்டு பிரதிநிதிகளை சபைக்கு அனுப்பக்கூடியதாக இருந்தது.

இவ்வாறு இணைந்து செயற்பட்ட சந்தர்ப்பங்களிளெல்லாம் எமக்கு வெற்றியே கிடைத்துள்ளது.

மலையகத்தில் மாற்றம், சமுக விடுதலை, மக்களின் வாழ்வாதார மேம்பாடு, உரிமைகள் உட்பட மேலும் பல விடயங்களில் கட்சிகளின் நிலைப்பாடுகள் ஒருமித்ததாகவே காணப்படுகின்றன. எனவே, அவற்றை அடைவதற்கு இணைந்து செயற்பட்டால் , மக்களின் உரிமைகளை வென்றெடுப்பதற்கான பேரம் பேசும் ஆற்றலும் உயரும். இது தொடர்பான கருத்தாடலை மலையக புத்திஜீவிகளும், சமுக செயற்பாட்டாளர்களும் ஆரம்பிக்கவேண்டும். ” என்றார்.

இலங்கை என்பது பல்லின மக்களும் வாழும் நாடாகும். இந்நாட்டில் அனைவரும் ஒற்றுமையுடனேயே வாழ்கின்றனர். இந்நிலையில் ஒரு சில பௌத்த மதகுருமார்கள் இனவாதத்தை தூண்ட முயற்சிக்கின்றனர். இது விடயத்தில் அரசாங்கம் தக்க நடவடிக்கை எடுக்கவேண்டும் என்று ஐக்கிய மக்கள் சக்தியின் பதுளை மாவட்ட  வேட்பாளர் வடிவேல் சுரேஸ் வலியுறுத்தியுள்ளார்.

” ஒரு சில மதகுருமார்கள் இனவாத்தை தூண்டும் வகையில் தமிழர்களின் வரலாற்றை மாற்றியமைக்க முயற்சிக்கின்றனர்.இது முற்றிலும் தவறானது.ஏனைய அயல் நாடுகள் நம்மை பார்த்து வியக்கும் வண்ணம் நம் ஒற்றுமையை காட்ட வேண்டும்.

இப்படி இனவாதத்தையும் மதவாதத்தையும் காட்ட கூடாது.இவ்வாறு காட்ட எத்தணிப்பவர்களை பொறுப்பான அரசாங்கம் என்ற வகையில் கைதுசெய்யப்பட வேண்டும்.” – என்றும் வடிவேல் சரேஷ் குறிப்பிட்டார்.

இலங்கையில் மேலும் 43 பேருக்கு கொரோனா வைரஸ் தொற்று உறுதி செய்யப்பட்டுள்ளது.

சுகாதார அமைச்சு வெளியிட்டுள்ள ஊடக அறிக்கையிலேயே இந்த விடயம் தெரிவிக்கப்பட்டுள்ளது.

குறித்த 43 பேரில் 13 பேர் கந்தகாடு புனர்வாழ்வு நிலையத்திலிருந்தவர்கள் எனவும் ஏனைய 30 பேர் அவர்களுடன் நெருங்கிய தொடர்பிலிருந்தவர்கள் எனவும் சுகாதார அமைச்சு சுட்டிக்காட்டியுள்ளது.

இதற்கமைய நாட்டில் கொரோனா வைரஸ் தொற்றுக்கு உள்ளானவர்களின் மொத்த எண்ணிக்கை 2,511 ஆக அதிகரித்துள்ளது.

இலங்கையில் இதுவரை 11 பேர் உயிரிழந்துள்ளமை குறிப்பிடத்தக்கது.

” தோட்டத் தொழிலாளர்கள் தொடர்பில் துளியும் தெரியாதவர்கள்கூட, பல்வேறு உறுதிமொழிகளை வழங்கி தேர்தலில் போட்டியிடுகின்றனர். அவர்களுக்கு வாக்களிப்பது எமது எதிர்காலத்தை வீணடிக்கும் செயலாகும்.” – என்று ஶ்ரீலங்கா பொதுஜன பெரமுனவின் நுவரெலியா மாவட்ட வேட்பாளர் எஸ். சதாசிவம் தெரிவித்தார்.

இது தொடர்பில் அவர் மேலும் கூறியதாவது,

” தோட்டத் தொழிலாளர்களின் வரலாறு மற்றும் அவர்கள் எதிர்நோக்கும் பிரச்சினைகள் தொடர்பில் அறியாதவர்களும், அனுபவமற்றவர்களும், தொழிலாளர்களுக்காக குரல்கொடுப்பதுபோல் நடித்து வாக்குகேட்கின்றனர்.

மக்களே சிந்தியுங்கள், வாக்கு என்பது விற்பதற்கு அல்ல. எமது உரிமைகளை வென்றெடுப்பதற்காக அதனை பயன்படுத்தவேண்டும். தொழிலாளர்கள் பற்றி தெரியாதவர்களுக்கு அளிக்கப்படும் வாக்குகள் எமது எதிர்காலத்தை வீணடிக்கும்.” – என்றார்.

” தமிழ் முற்போக்கு கூட்டணி ஒழுங்காக அரசியல் செய்திருந்தால், நாம் அரசியலுக்கு வரவேண்டிய தேவை ஏற்பட்டிருக்காது. சொகுசு வாழ்க்கையை விரும்பிய முற்போக்கு கூட்டணி உறுப்பினர்கள், மலையக மக்கள் தொடர்பில் சிந்திக்கவில்லை.” என்று ஶ்ரீலங்கா பொதுஜன பெரமுனவின் நுவரெலியா மாவட்ட வேட்பாளர் முத்தையா பிரபு தெரிவித்தார்.

இது தொடர்பில் அவர் மேலும் கூறியதாவது,

” நான் பரசூட் வேட்பாளர் என்று தொலைபேசியில் வாக்குகேட்கும் முன்னாள் அமைச்சர் ஒருவர் கருத்து வெளியிட்டுவருகின்றார். நான் இலங்கை நாட்டுப்பிரஜை. எங்குவேண்டுமானாலும் தேர்தலில் போட்டியிடலாம்.அது எனது உரிமை.

தான் லயத்தில் இருந்து வந்தவர் எனவும் அவர் கூறுகிறார். ஆனால் கொழும்பில்தான் வாழ்கின்றார். அவரின் மகன் ஆஸ்திரேலியாவில் படிக்கின்றார். ஏனையோர்கூட மலையகத்தில் உள்ள பாடசாலைகளில் படிக்கவில்லை. சொகுசு வாழ்க்கையையே விரும்புகின்றனர்.

முன்னாள் பிரதமர் ரணிலையும், முன்னாள் அமைச்சர் நவீனையும் இன்று குறைகூறுகின்றனர்.  50 ரூபா கிடைக்கவில்லையெனில் அன்று பதவி விலகியிருக்கலாம்தானே? தமிழ் முற்போக்கு கூட்டணி என்ன செய்தது? தைரியம் இல்லை.

சொகுசு வாழ்க்கையை விரும்பும் அவர்கள், மலையக மக்கள் பற்றி சிந்திப்பதில்லை. அவர்கள் ஒழுங்கான முறையில் அரசியல் செய்திருந்தால் நாங்கள் இங்கு வந்திருக்கவேண்டிய தேவை ஏற்பட்டிருக்காது.

பதுளை மாவட்டத்தில் மாகாண அமைச்சராக இருந்து கொண்டு செந்தில் தொண்டமானே மக்களுக்கு அதிகளவு சேவை செய்துள்ளார். மாவட்டத்திற்கு அதிகளவு சேவையை நானே செய்தேன் எனக் கூறுபவர்கள் தமது அபிவிருத்தி பட்டியலை ஆதாரத்துடன் வெளியிட்டு மக்களிடம் சென்று வாக்கு கேட்க வேண்டுமென முன்னாள் பாராளுமன்ற உறுப்பினரும், இ.தொ.கா முக்கியஸ்தருமான டி.வி. சென்னன் தெரிவிக்கின்றார்.

கிளன்-எல்பின் தோட்ட ஹிங்குருகம பிரிவில் இடம்பெற்ற மக்கள் சந்திப்பில் கலந்து கொண்டு உரையாற்றும் போதே அவர் மேற்கண்டவாறு தெரிவித்தார்.

அங்கு மேலும் கருத்து தெரிவித்த அவர்,

“செந்தில் தொண்டமான் முதன்முறையாக பாராளுமன்ற தேர்தலில் போட்டியிடுகின்றார்.அவர் பாராளுமன்றம் சென்ற பின்னர் எவ்வாறான சேவைகளை செய்வார் என்பதை மாகாண அமைச்சராக பதவி வகித்த போது நிரூபித்து காட்டியுள்ளார்.கெபினட் அமைச்சரோ, பாராளுமன்ற உறுப்பினரோ செய்யாத அபிவிருத்தி பணிகளை அவர் மாவட்ட மக்களுக்கு செய்துள்ளார்.

 பாகுபாடின்றி தோட்ட, கிராம மற்றும் நகர மக்களுக்கு இவரது சேவைகள் சென்றடைந்துள்ளன.

சுயதொழில் ஊக்குவிப்பு திட்டத்தில் வேலையில்லா யுவதிகளுக்கு தையல் இயந்திரம், இளைஞர்களுக்கு விளையாட்டு உபகரணங்கள், ஓய்வூதியம் பெற்று இருப்பர்களுக்கு அரச நிவாரண கொடுப்பனவு, பாடசாலைகளுக்கு தளபாடங்கள், பாடசாலை கட்டிடங்கள் நிர்மாணம், விளையாட்டு மைதானங்கள் மற்றும் பாடசாலைகளுக்கு கல்விசாரா ஊழியர்களை நியமித்தல் போன்ற இவரது அபிவிருத்திகளை அடுக்கி கொண்டே போகலாம்.

                      முன்னாள் நாடாளுமன்ற உறுப்பினர் ஒருவர் தானே அதிக சேவை செய்தாக கூறிக்கொண்டு இருக்கின்றார். நான் நாடாளுமன்ற உறுப்பினராக இருக்கும் போது ரோபேரி தோட்டம் தொடக்கம் நீட்வுட் தோட்டம் வரை 75 வீதமான தோட்டங்களுக்கு மின்சாரம் வழங்கினேன்.

அப்புத்தளை தம்பேத்தன வித்தியாலயம், பசறை தமிழ் தேசிய பாடசாலை, பாரதி கனிஷ்ட வித்தியாலயம் என்பவற்றிற்கு கட்டிடங்கள் அமைத்து கொடுத்துள்ளேன். மக்கள் பிரதிநிதிகளாக பதவி வகிப்பது சேவை செய்யவே இச்சேவைகளில் செந்தில் தொண்டமான் முதன்மையானவராக திகழ்கின்றார். எனவே ஆளுங்கட்சி ஊடாக இன்னும் பல சேவைகளை பெற அனைவரும் அவரை ஆதரித்து வெற்றி பெற செய்யவேண்டும் என வேண்டுகோள் விடுத்துள்ளார்.