இலங்கையில் கடந்த 29 ஆம் திகதி முதல் இன்றுவரை 509,275 பேருக்கு கொவிட் – 19 தடுப்பூசி ஏற்றப்பட்டுள்ளது என்று சுகாதார அமைச்சு தெரிவித்துள்ளது.

இந்தியாவால் இலங்கைக்கு 5 லட்சம் கொரோனா தடுப்பூசிகள் நன்கொடையாக வழங்கப்பட்டன. முதற்கட்டமாக கொரோனா ஒழிப்பு சமரில் முன்கள பணியாளர்களாக செயற்படும் சுகாதார மற்றும் பாதுகாப்பு பிரிவினருக்கு கொவிட் – 19 தடுப்பூசி கடந்த 29 ஆம் திகதி முதல் ஏற்றப்பட்டது.

29 ஆம் திகதி 5 ஆயிரத்து 286 பேருக்கும் , 30 ஆம் திகதி 32 ஆயிரத்து 539 பேருக்கும், 31 ஆம் திகதி 21 ஆயிரத்து 329 பேருக்கும், பெப்ரவரி முதலாம் திகதி 36 ஆயிரத்து 396 பேருக்கும், 2 ஆம் திகதி 23 ஆயிரத்து 217 பேருக்கும், 3 ஆம் திகதி 21 ஆயிரத்து 147 பேருக்கும் கொரோனா தடுப்பூசி ஏற்றப்பட்டது.

அத்துடன், 4 ஆம் திகதி 6 ஆயிரத்து 413 பேருக்கும், 5 ஆம் திகதி 9 ஆயிரத்து 983 பேருக்கும், 6 ஆம் திகதி 3,838 பேருக்கும்,7 ஆம் திகதி 1,625 பேருக்கும், 8 ஆம் திகதி 5,989 பேருக்கும், 9 ஆம் திகதி 6,431 பேருக்கும், 10 ஆம் திகதி 2,532 பேருக்கும்,11 ஆம் திகதி 1,362 பேருக்கும் தடுப்பூசி போடப்பட்டுள்ளது.

12 ஆம் திகதி ஆயிரத்து 110 பேருக்கும்,  13 ஆம் திகதி 7,457 பேருக்கும், 14 ஆம் திகதி 2,695 பெருக்கும், 15 ஆம் திகதி 3,589 பேருக்கும், 16 ஆம் திகதி 3,225 பேருக்கும், 17 ஆம் திகதி 14,242 பேருக்கும், 18 ஆம் திகதி 23,067 பேருக்கும், 19 ஆம் திகதி 30,307 பேருக்கும், 20 ஆம் திகதி 39,078 பேருக்கும் தடுப்பூசி ஏற்றப்பட்டுள்ளது.

21 ஆம் திகதி  35,912 பேருக்கும், 22 ஆம் திகதி 15,583 பேருக்கும், 23 ஆம் திகதி 12,555 பேருக்கும், 24 ஆம் திகதி 11,696 பேருக்கும், 25 ஆம் திகதி 14,866 பேருக்கும், 26 ஆம் திகதி 13,164 பேருக்கும், 27 ஆம் திகதி 35,343 பேருக்கும், 28 ஆம் திகதி 24,374  தடுப்பூசி போடப்பட்டள்ளது.

இன்று முதலாம் திகதி 42,925 பேருக்கு தடுப்பூசி ஏற்றப்பட்டுள்ளது.

கல்வி பொதுதராதர சாதாரண  தர பரீட்சையை ஓகஸ்ட் மாதத்திலும், உயர்தர பரீட்சையை டிசம்பர் மாதத்திலும் நடத்தும் புதிய யோசனைக்கு அனுமதியை பெற எதிர்வரும் வாரம் அமைச்சரவையில் பிரேரணை சமர்ப்பிக்கப்படும் என கல்வி அமைச்சின் செயலாளர் பேராசிரியர் கபில பெரேரா தெரிவித்துள்ளார்.

இதனால் மாணவர்கள் கற்றல் நடவடிக்கைகளுக்காக மேலதிகமாக செலவிடும் 9 மாத காலத்தை குறைத்துக் கொள்ள முடியும் எனவும் அவர் சுட்டிக்காட்டியுள்ளார்.

பிரதமர் மஹிந்த ராஜபக்ச தலைமையில் அலரிமாளிகையில் இன்று நடைபெற்ற கலந்துரையாடலின்போதே கல்வி அமைச்சின் செயலாளர் இவ்வாறு குறிப்பிட்டுள்ளார்.

புதிய அரசியலமைப்பு தொடர்பிலான வரைபில் சுகாதார சேவையை அத்தியாவசிய சேவையாக உள்ளடக்குமாறு  பிரதமர் மஹிந்த ராஜபக்ச  இன்று (2021.03.01) ஆலோசனை வழங்கினார்.

கொரோனா வைரஸ் தொற்றிய நிலையில் சிகிச்சைபெற்று வந்தவர்களில் மேலும் ஐவர் உயிரிழந்துள்ளனர்.

மூன்று ஆண்களும், இரு பெண்களுமே இவ்வாறு உயிரிழந்துள்ளனர். இதன்படி இலங்கையில் கொரோனாவால் உயிரிழந்தவர்களின் எண்ணிக்கை 476 ஆக அதிகரித்துள்ளது.

உயிரிழந்தவர்களின் விபரம் வருமாறு,

நாட்டில் மேலும் 192 பேருக்கு கொரோனா வைரஸ் தொற்றியுள்ளது. இதன்படி மொத்த தொற்றாளர்களின் எண்ணிக்கை 83 ஆயிரத்து 435 ஆக அதிகரித்துள்ளது.

அத்துடன், கொரோனாவிலிருந்து 79 ஆயிரத்து 422 பேர் குணமடைந்துள்ளனர். 3 ஆயிரத்து 542 பேருக்கு தொடர்ந்தும் சிகிச்சையளிக்கப்பட்டுவருகின்றது. கொரோனாவால் 471 பேர் உயிரிழந்துள்ளனர்.

தமிழ் முற்போக்கு கூட்டணியின் புதிய அரசியல் குழு உறுப்பினர்களாக, எஸ். சசிகுமார் (கம்பஹா மாவட்டம்), எம். பரணீதரன் (கேகாலை மாவட்டம்), எஸ். சரஸ்வதி (மகளிர்) ஆகியோர் நியமிக்கப்பட்டுள்ளனர்.

கூட்டணியின் பதினான்கு அரசியல் குழு உறுப்பினர்களில், ஐந்து எம்பிக்கள் மற்றும் பொதுசெயலாளர் சந்திரா சாப்டர் ஆகியோரை தவிர, ஏற்கனவே சோமா சிறிதரன், அன்டனி லோரன்ஸ், எஸ். விஜேசந்திரன், கே.ரி. குருசாமி, எம். சந்திரகுமார் ஆகியோர் இடம்பெறுகின்றனர்.

அரசியல் குழுவிலும், மத்திய குழுவிலும் பெண்களின் பிரதிநிதித்துவத்தை அதிகரிக்க இன்னமும் மாற்றங்கள், உள்ளீர்ப்புகள் செய்யும் பிரேரணைகளை அடுத்த அரசியல் குழுவில் முன்வைக்க உள்ளதாக தலைவர் மனோ கணேசன் தெரிவித்துள்ளார்.

அதைத்தவிர அரசியல், சமூக, பொருளாதார, கலாச்சார விவகாரங்கள் தொடர்பில் விசேட உபகுழுக்கள் நியமிக்கப்பட உள்ளதாகவும் அவர் கூறினார்.

மலையக பெருந்தோட்டத் தொழிலாளர்களுக்கு நாட் சம்பளமாக ஆயிரம் ரூபாவை வழங்குவதற்கு இணக்கம் காணப்பட்டுள்ளது என இலங்கைத் தொழிலாளர் காங்கிரஸின் ஊடகப்பிரிவு தெரிவித்துள்ளது.

இதன்படி அடிப்படை நாட் சம்பளமாக 900 ரூபாவும், பட்ஜட் கொடுப்பனவாக 100 ரூபாவும் வழங்கப்படவுள்ளது.

பெருந்தோட்டத் தொழிலாளர்களின் சம்பள உயர்வு தொடர்பில், தொழில் அமைச்சில் இன்று இடம்பெற்ற பேச்சுவார்த்தையின் போதே, இவ்வாறு இணக்கம் எட்டப்பட்டுள்ளது.

அரசாங்க தரப்பில் 3 பேரும் தொழிற்சங்கம் சார்பாக 8 பேரும் தோட்ட கம்பனிகள் சார்பாக 8 பேரும் பேச்சு வார்த்தையில் கலந்துக்கொண்டனர்.

பதுளை மாவட்டத்தில் தியத்தலாவை வைத்தியசாலையில் 01-03-2021  (இன்று) மரணமானவருடன், கொவிட்19 தொற்றினால் மரணமானவர்களின் எண்ணிக்கை 8 ஆக அதிகரித்துள்ளது.

பதுளை மாவட்டத்தில் தியத்தலாவை வைத்தியசாலையில மாரடைப்பு நோய் காரணமாக 68 வயதுடைய நபர் அனுமதிக்கப்பட்டு, சிகிச்சை பெற்றுவந்துள்ளார். சிகிச்சை பயனளிக்காமையினால் அவர் இன்று மரணமானார்.

அந்நிலையில் ஏற்கனவே அவருக்கு பி.சி.ஆர். பரிசோதனைகள் மேற்கொள்ளப்பட்டன. இப்பரிசோதனை அறிக்கையில், அவருக்கு கொரோனா தொற்று உறுதியாகியிருந்தது. அவரது சடலம் 01-03-2021இல் கொரோனா சுகாதார வழிமுறைகளுக்கமைய தகனம் செய்யப்பட்டது.

2020 நவம்பர், டிசம்பர், 2021இல் நிறைவான ஜனவரி, பெப்ரவரி ஆகிய மாதங்களில் பதுளை மாவட்டத்தின் 15பிரதேச செயலகப்பிரிவுகளிலும் கோவிட்19 தொற்றினால் எட்டுமரணங்கள் இடம்பெற்றுள்ளன. கடந்த இரு மாதங்களில் 1,205 பேர் கோவிட் 19 தொற்றாளர்களாக இனம்காணப்பட்டுள்ளனர். 3383 பேர் சுயதனிமைப்படுத்தப்பட்டுள்ளனர்.

எம். செல்வராஜா, மலர்வேந்தன்

மஸ்கெலியா பொலிஸ் பிரிவுக்குட்பட்ட சாமிமலை ஸ்ரஸ்பி தோட்டத்தின்,  குமரி பிரிவில் 16 வயதுடைய மாணவி ஒருவர், தூக்கிட்டு தற்கொலை செய்துகொண்டுள்ளார்.

இது தொடர்பில் மஸ்கெலியா பொலிஸாருக்கு கிடைக்கப்பெற்ற தகவலை அடுத்து பொலிஸ் நிலைய பொறுப்பதிகாரி யசரத்ன பண்டார, சம்பவ இடத்திற்கு சென்று ஸ்தல விசாரணைகளை மேற்கொண்டார்.

சடலம் பிரேத பரிசோதனைக்காக கிளங்கன் ஆதார வைத்தியசாலைக்கு எடுத்துசெல்லப்பட்டுள்ளது. மேலதிக பொலிஸ் விசாரணைகளும் இடம்பெற்று வருகின்றன.

மஸ்கெலியா நிருபர் – பெருமாள்