நுவரெலியா மாவட்டத்தில் நேற்று மாத்திரம் 48 கொரோனா வைரஸ் தொற்றாளர்கள் அடையாளம் காணப்பட்டுள்ளனர்.
பொகவந்தலாவ சுகாதார மருத்து அதிகாரி பிரிவில் 23 பேருக்கும், லிந்துலை சுகாதாரப்பிரிவில் 14 பேருக்கும், நுவரெலியா மருத்துவ அதிகாரி பிரிவில் 11 பேருக்குமே இவ்வாறு வைரஸ் தொற்றியுள்ளது.
தொற்றாளர்கள் அனைவரும் சிகிச்சை நிலையங்களுக்கு கொண்டுசெல்லப்பட்டுள்ளனர். அவர்களுடன் தொடர்பில் இருந்தவர்கள் சுய தனிமைக்கு உட்படுத்தப்பட்டுள்ளனர்.
அதேவேளை, கடந்த ஒக்டோபர் 4 ஆம் திகதி முதல் நேற்றுவரை நுவரெலியா மாவட்டத்தில் 857 பேருக்கு வைரஸ் தொற்றியுள்ளது.
ஐ.நா. மனித உரிமைகள் ஆணையாளரின் இலங்கை தொடர்பான அறிக்கையை உத்தியோகப்பூர்வமாக நிராகரித்து வெளிவிவகார அமைச்சர் தினேஷ் குணவரதன நேற்று ஆற்றிய உரை வருமாறு,
1. இன்று நான் உங்கள் மத்தியில் உரையாற்றும்போது, முன்னோடியில்லாத வகையில் பிரச்சாரங்கள் மேற்கொள்ளப்பட்ட இலங்கை குறித்த அறிக்கையை மனித உரிமைகள் உயர் ஸ்தானிகர் அலுவலகம் வெளியிட்டுள்ளது.
2. இலங்கையை இன அடிப்படையில் பிரித்து ஒரு தனி அரசை உருவாக்க வேண்டும் என்ற நோக்கில், மூன்று தசாப்தங்களாக நீடித்த பயங்கரவாத பிரச்சாரத்திற்குப் பின்னர், உலகின் இரக்கமற்ற பயங்கரவாத அமைப்பிலிருந்து ஒற்றையாட்சி அரசு, இறையாண்மை மற்றும் பிராந்திய ஒருமைப்பாட்டைப் பாதுகாப்பதற்காக, இலங்கையின் வீர ஆயுதப் படைகள் தமிழீழ விடுதலைப் புலிகளை இராணுவ ரீதியாக நடுநிலையாக்கின.
3. இலங்கையில் பணியாற்றிய ஜனாதிபதி மற்றும் இலங்கையின் எல்லைகளுக்கு அப்பால் தனது பயங்கரவாதத்தை விரிவுபடுத்தி இந்தியாவின் முன்னாள் பிரதமர் ஆகிய இரண்டு உலகத் தலைவர்களைக் கொலை செய்த உலகின் ஒரே பயங்கரவாத அமைப்பு தமிழீழ விடுதலைப் புலிகள் ஆகும்.
4. பயங்கரவாதத்தின் முடிவானது, அனைத்து உரிமைகளிலும் மிகவும் மதிக்கத்தக்க உரிமையான, சிங்கள, தமிழ் மற்றும் முஸ்லிம்கள் ஆகிய அனைத்து இலங்கையர்களின் உயிர் வாழ்வதற்கான உரிமைக்கு உத்தரவாதம் அளித்தது.
5. ஆயினும்கூட, இலங்கைக்கு எதிராக ஆதாரமற்ற தீர்மானத்தைக் கொண்டுவருவதில் இலங்கைக்கு எதிராக மேலாதிக்க சக்திகள் ஒன்றிணைந்ததுடன், அது இன்றும் கூட இலங்கையின் தரப்பில் இருக்கும் நட்பு நாடுகளின் ஆதரவால் தோற்கடிக்கப்பட்டது. இந்த சபைக்கு முற்றிலுமான அரசியல் நோக்கங்கள் குறித்து மேலும் தீர்மானங்கள் முன்வைக்கப்பட்டன. ஒவ்வொரு நிகழ்விலும், நடைமுறை முறைகேடுகளையும், இதுபோன்ற செயன்முறைகள் ஐக்கிய நாடுகள் சபையின் அனைத்து உறுப்பு நாடுகளையும் பாதிக்கும் ஆபத்தான முன்னுதாரணத்தை எவ்வாறு அமைக்கும் என்பதையும் இலங்கை முன்வைத்தது.
6. 2015ஆம் ஆண்டில் இலங்கையில் பதவியேற்ற அரசாங்கம், மனித உரிமைகள் அரங்கில் முன்னோடியில்லாத வகையில், எமது சொந்த நாட்டிற்கு எதிரான தீர்மானம் 30/1 இன் இணை அனுசரணையாளர்களாக இணைந்தது. அது இலங்கையின் அரசியலமைப்பிற்கு இணங்காத மற்றும் வழங்க முடியாத பல கடமைகளை நிறைவேற்றியது. இது 2019இல் இடம்பெற்ற ஈஸ்டர் ஞாயிறு தின பயங்கரவாதத் தாக்குதல்களைப் புதுப்பிக்கும் நிலைக்கு தேசிய பாதுகாப்பை இட்டுச் சென்றதுடன், இதனால் நூற்றுக்கணக்கானோர் கொல்லப்பட்டனர்.
7. இலங்கை மக்கள் இந்தத் தீர்மானத்தை நிராகரித்தமையானது, 2019 நவம்பரில் அதிமேதகு கோட்டாபய ராஜபக்ஷ அவர்களுக்கு வழங்கிய ஆணையின் மூலம் தெளிவாக வெளிப்பட்டது. இந்த ஆணையின் அடிப்படையில் இந்த சபையின் 43வது அமர்வில் இந்தத் தீர்மானத்தின் இணை அனுசரணையில் இருந்து இலங்கை விலகுவதாக அறிவித்தேன். இந்த சபை உட்பட ஐ.நா. அமைப்புடன் தொடர்ந்தும் ஈடுபடுவதற்கான இலங்கை அரசாங்கத்தின் உறுதிப்பாட்டையும் நான் வெளிப்படுத்தினேன்.
8. மனித உரிமைகள் உயர் ஸ்தானிகர் அலுவலகத்திற்கு இலங்கை மேற்கொண்டுள்ள இந்த தன்னார்வக் கடமைகளை இலங்கையின் அரசியலமைப்புக்கு உட்பட்ட வகையில் செயற்படுத்துவதிலான தற்போதுள்ள வழிமுறைகளின் தொடர்ச்சி, ஒரு உயர் நீதிமன்ற நீதிபதியின் தலைமையில் விஷேட விசாரணை ஆணைக்குழுவொன்றை நியமித்தல், நிலையான அபிவிருத்தி இலக்குகளை அடைதல், காணிகளைத் திருப்புவதிலான முன்னேற்றம்இ வாழ்வாதாரத்தைக் குறைத்தல் மற்றும் அதற்கான புதிய வழிகளை உருவாக்குதல் போன்ற முன்னேற்றங்கள் குறித்து 2020 டிசம்பரிலும், எமது கருத்துக்களுக்கான விரிவான புதுப்பிப்புக்களை 2021 ஜனவரியிலும் வழங்கியுள்ளோம்.
9. கடந்த ஆண்டு கோவிட்-19 தொற்றுநோயின் பாதிப்புக்களை இலங்கை எதிர்த்துப் போராடியபோதிலும், இந்த நடவடிக்கைகள் முன்னெடுக்கப்பட்டுள்ளன. இந்த சவால்களுக்கு மத்தியிலும், நாங்கள் ஆகஸ்ட் 2020 இல் ஒரு சுதந்திரமான மற்றும் நியாயமான பொதுத் தேர்தலை நடாத்தி, ஆசியாவின் மிகப் பழமையான நாடாளுமன்ற ஜனநாயக நாடுகளில் ஒன்றான எமது நாட்டில், மூன்றில் இரண்டு பங்கு பெரும்பான்மையுடன் புதிய அரசாங்கம் தேர்ந்தெடுக்கப்பட்டது.
10. மனித உரிமைகள் பேரவை மற்றும் அதன் பொறிமுறைகளுடன் ஒத்துழைப்பு மனப்பான்மை இருந்தபோதிலும், இலங்கைக்கு எதிராக செயற்படும் கூறுகள் இந்த அமர்வின் போது இலங்கைக்கு எதிராக மற்றொரு நாடு சார்ந்த தீர்மானத்தை முன்வைக்க உத்தேசித்துள்ளன என்பதுடன், இது மனித உரிமைகள் உயர் ஸ்தானிகர் அலுவலகத்தை அடிப்படையாகக் கொண்டது. இலங்கையின் இந்த நிராகரிக்கப்பட்ட அறிக்கை முக்கியமாக உள்நாட்டு விடயங்களின் பல சிக்கல்கள் மற்றும் இறையாண்மை கொண்ட சுய மரியாதை மிக்க நாட்டின் விடயங்களை உள்ளடக்கிய வகையில், நியாயமற்ற முறையில் அதன் நோக்கத்தை விரிவுபடுத்தி மேலும் ஆணையை வழங்கியுள்ளது.
11. இந்த சபையின் அவசரமான கவனத்தை ஈர்க்கும் ஒரு சூழ்நிலையை இலங்கை பிரதிநிதித்துவப்படுத்துகின்றதா என்பது குறித்து தமது சொந்தத் தீர்ப்பை வழங்குவதற்காக இந்த சபையின் உறுப்பினர்கள் மற்றும் பார்வையாளர் அரசுகளுக்கு நான் விட்டு விடுகிறேன், அல்லது இந்தப் பிரச்சாரம் அடிப்படையில் ஒரு அரசியல் நடவடிக்கையாக இருக்குமாயின், இந்த சபை நிறுவப்பட்ட மதிப்புக்கள் மற்றும் கொள்கைகளுக்கு முரணானது. குறிப்பாக சில நாடுகளால் வெளிநாடுகளில் மேற்கொள்ளப்படும் இராணுவ நடவடிக்கைகளில், வழக்குத் தொடுப்பதில் இருந்தும் தமது வீரர்களைப் பாதுகாப்பதற்காக சட்டம் இயற்றப்படும் நேரத்தில், தமது நோக்கங்களின் போலி மற்றும் பாசாங்குத்தனமான தன்மையை மட்டுமே சுட்டிக்காட்டுகின்றது. இது பயங்கரவாதத்திற்கு எதிரான போராட்டத்தில் ஈடுபட்டுள்ள நாடுகளிடையே கணிசமான மன உறுதியை இழக்கச் செய்கின்றது.
12. செவிப்புலன், ஒருதலைப்பட்ச நடவடிக்கை அல்லது ஒரு கோண சந்தேகத்திற்குரிய ஆதாரங்களால் செல்லாமல், சபை செதில்களைக் கூட வைத்திருக்க வேண்டும். அதன் வழிகாட்டும் கொள்கைகளை பின்பற்றுதல் வேண்டும். இந்த சபையுடனான எமது தொடர்ச்சியான ஒத்துழைப்பு மற்றும் ஈடுபாடு இருந்தபோதிலும், இதுபோன்ற வெளிப்புறமாக இயக்கப்படும் விடயங்களை வலியுறுத்துவது பல சவால்களை ஏற்படுத்தும்.
13. இந்த சபை அறிந்திருப்பதைப் போன்று, கடந்த நூறு ஆண்டுகளில் இது முழு உலகிற்கும் ஒரு முக்கியமான நேரமாவதுடன், கோவிட்-19 தொற்றுநோயைக் கடப்பதற்கும், நொறுங்கிய பொருளாதாரங்களைப் புதுப்பிப்பதற்கும் நாம் எடுக்கும் முயற்சிகளில் நாம் ஒன்றுபட வேண்டும். இந்த சபை உறுப்பினர்களிடம் அதன் தொடர்ச்சியான ஈடுபாடு மற்றும் ஒத்துழைப்பை கவனத்தில் கொண்டு, இலங்கைக்கு எதிரான எந்தவொரு தீர்மானத்தையும் நிராகரிப்பதன் மூலம் எமக்கு ஆதரவளிக்குமாறு கேட்டுக்கொள்கின்றேன். இந்த சபையின் வளங்களும் நேரமும் இலங்கையில் எந்த அளவிற்கு பயன்படுத்தப்பட்டுள்ளன என்பது தேவையற்றது என நாங்கள் நம்புவதுடன், அது உலகளாவிய தெற்கின் இறையாண்மை நாடுகளுக்கு குறை ஊக்கமளிக்கும் செய்தியைக் கொண்டு செல்கின்றது.
14. இந்த சபைக்குள்ளான பிளவுகளிலிருந்து எழும் கோபம் மற்றும் வேதனையை விட, முன்னோடியில்லாத தொற்றுநோயை எதிர்கொள்வதன் மூலம், காலத்தின் தேவை ஒற்றுமையாகும். மேலே குறிப்பிடப்பட்டுள்ள சூழ்நிலைகளைப் பார்க்கும்போது, இந்தத் தீர்மானத்தை சபை நிராகரித்து, மூட வேண்டும் என கேட்டுக்கொள்கின்றோம்.
ஜெனிவாத் தொடரில் எவ்வாறான முடிவுகள் எடுக்கப்பட்டாலும் தமது நாட்டின் அரசமைப்புக்கு கட்டுப்பட்டே இலங்கை செயற்படும் எனவும், ஐ.நா. மனித உரிமைகள் பேரவையில் இலங்கைக்கு எதிராக இந்தியா செயற்படாது எனவும் அமைச்சர் பேராசிரியர் ஜீ.எல். பீரிஸ் தெரிவித்தார்.
ஶ்ரீலங்கா பொதுஜன பெரமுனவின் ஊடகவியலாளர் மாநாட்டின்போது ஜெனிவாத் தொடர் மற்றும் இந்தியாவின் நிலைப்பாடு ஆகியன தொடர்பில் எழுப்பட்ட கேள்விக்கு பதிலளிக்கையிலேயே அவர் இவ்வாறு கூறினார்.
இது தொடர்பில் அமைச்சர் பீரிஸ் மேலும் கூறியவை வருமாறு,
“இலங்கைக்கும், இந்தியாவுக்குமிடையில் நீண்டகால உறவு இருக்கின்றது. பொருளாதாரம் மற்றும் கலாச்சார ரீதியில் அந்நாடு எமக்கு முக்கியத்துவம்மிக்க நாடாகும். எனவே, இலங்கைக்கு தீங்கு விளைவிக்ககூடிய நடவடிக்கையில் இந்தியா ஒருபோதும் ஈடுபடாது என நாம் உறுதியாக நம்புகின்றோம். அந்தவகையில் ஐ.நா. மனித உரிமைகள் பேரவைக் கூட்டத்தொடரிலும் இலங்கைக்கு எதிராக இந்தியா செயற்படாது.
கிழக்கு முனையம் விவகாரத்தையும், ஜெனிவாவில் இந்தியா எடுக்கும் என எதிர்ப்பார்க்கப்படும் நிலைப்பாட்டையும் தொடர்புபடுத்துவது பொருத்தமான செயலாக அமையாது. கிழக்கு முனையம் தொடர்பில் பிரச்சினை ஏற்பட்டிருந்தாலும் தற்போது மேற்கு முனையம் தொடர்பில் கலந்துரையாடப்படுகின்றது.
அதேவேளை, இலங்கையால் இதுவரை மேற்கொள்ளப்பட்டுள்ள நடவடிக்கைகள் மற்றும் எதிர்காலத்தில் முன்னெடுக்கப்படவுள்ள திட்டங்கள் ஐ.நா. மனித உரிமைகள் பேரவையில் முன்வைக்கப்படும். அனைத்து நடவடிக்கைகளும் எமது நாட்டு அரசமைப்பின் பிரகாரமே முன்னெடுக்கப்படும். கடந்த ஆட்சியின்போது சிற்சில உறுதிமொழிகள் வழங்கப்பட்டிருந்தாலும் அவை எமது நாட்டு அரசமைப்புக்கு முரணானவை, எனவே, உள்ளக நெறிமுறையைமீறி செயற்படமுடியாது.
அத்துடன், ஐ.நா. மனித உரிமைகள் பேரவையும் தமக்கான அதிகார எல்லையை அறிந்து செயற்படவேண்டும். நாடுகளின் உள்விவகாரங்களில் கையடிப்பது ஏற்புடைய நடவடிக்கை அல்ல.” – என்றார்.
இலங்கை எப்போதும் பாகிஸ்தானை நெருங்கிய மற்றும் உண்மையான நண்பராக கருதுகிறது. எமது மக்களும் பாகிஸ்தானை மிகவும் மதிக்கிறார்கள் – என்று பிரதமர் மஹிந்த ராஜபக்ச தெரிவித்தார்.
பாகிஸ்தான் பிரதமர் இம்ரான் கானின் உத்தியோகப்பூர்வ விஜயத்தின் போது பிரதமர் மஹிந்த ராஜபக்ச ஆற்றிய உரை வருமாறு,
பாகிஸ்தான் பிரதமர் இம்ரான் கான் மற்றும் அவரது உயர்மட்ட பிரதிநிதிகள் குழுவினரை இன்று (2021.02.23) வரவேற்க கிடைத்தமை குறித்து மகிழ்ச்சியடைகிறேன்.
நீங்கள் இலங்கை மக்களுக்கு புதிதானவர் அல்ல. பாகிஸ்தானின் தேசிய கிரிக்கெட் அணியின் தலைவர் என்ற வகையில் கிரிக்கெட் மைதானத்தில் உங்களது தலைமைத்துவத்தை பாராட்டிய மில்லியன் கணக்கான மக்கள் இந்நாட்டில் உள்ளனர்.
உங்களது நாடு நீண்ட காலமாக இருதரப்பு பங்காளராக விளங்குவதுடன், இலங்கை எப்போதும் பாகிஸ்தானை நெருங்கிய மற்றும் உண்மையான நண்பராக கருதுகிறது. எமது மக்களும் பாகிஸ்தானை மிகவும் மதிக்கிறார்கள்.
பாகிஸ்தானது மிகவும் அத்தியவசியமான தருணத்தில் இலங்கைக்கு ஆதரவு நல்கிய நெருங்கிய நட்பு நாடாகும். நான் ஜனாதிபதியாக இருந்த காலப்பகுதியில் மிகவும் ஆபத்தான பயங்கரவாத அமைப்புடன் போராடுவதற்கு எமக்கு நேர்ந்தது. 2009 மே மாதம் அந்த பயங்கரவாத அமைப்பை முழுமையாக தோல்வியடைய செய்வதற்கு பாகிஸ்தான் நல்கிய ஆதரவிற்கு நன்றி கூற கடமைப்பட்டுள்ளோம்.
இன்று இடம்பெற்ற இருதரப்பு பேச்சுவார்த்தையின் போது, கௌரவ பிரதமர் இம்ரான் கான் அவர்களும் நானும், இரு நாடுகளுக்கிடையிலான பொருளாதாரம், வர்த்தகம், முதலீடு, அறிவியல், தொழில்நுட்பம், பாதுகாப்பு மற்றும் கல்வி ஆகிய துறைகளில் இணைந்து பணியாற்றுவதற்கு ஒப்புக்கொண்டோம்.
பாகிஸ்தான்-இலங்கை சுதந்திர வர்த்தக ஒப்பந்தத்தின் கட்டமைப்பிற்குள் வழங்கப்பட்ட வாய்ப்புகளைத் தொடர நாங்கள் ஒப்புக்கொண்டோம்.
எமது கலந்துரையாடலின் போது கொவிட் தொற்றுநோய் உள்ளிட்ட பிராந்திய மற்றும் சர்வதேச பிரச்சினைகள் குறித்தும் கவனம் செலுத்தப்பட்டது. இரு நாடுகளுக்கும் இடையில் சுற்றுலா மற்றும் விமானச் சேவை துறைகளின் செயற்பாட்டை அதிகரிக்கவும் நாம் ஒப்புக்கொண்டோம்.
பாகிஸ்தானின் பண்டைய பௌத்த பாரம்பரியத்தை இலங்கையர்கள் பார்வையிடுவதை சாத்தியமாக்கிய பாகிஸ்தான் அரசுக்கு நாங்கள் நன்றி தெரிவித்துக் கொள்கிறோம்.
பாகிஸ்தான்-இலங்கை நாடாளுமன்ற நட்புக் குழு மூலம் நாடாளுமன்ற தொடர்புகளை மீண்டும் தொடங்குவது, நாம் முன்னெடுத்த மற்றுமொரு முக்கியமான தீர்மானமாகும்.
தெற்காசியாவின் நிலையான அபிவிருத்தி, பொருளாதார வளர்ச்சி மற்றும் செழிப்பை அடைவதற்கு அரசியல் ஸ்திரத்தன்மையும் பிராந்திய அமைதியும் முக்கியமாகும் என இலங்கை நம்புகின்றது.
எமது அபிவிருத்தி நிகழ்ச்சி நிரலில் ஒரு முக்கிய அங்கமான வறுமை மற்றும் சமூக-பொருளாதார சமத்துவமின்மையைப் போக்குவதற்கு கௌரவ பிரதமர் இம்ரான் கான் முன்னெடுக்கும் முயற்சிகளை நான் பாராட்டுகிறேன்.
பயங்கரவாதம், மத அடிப்படைவாதம் மற்றும் தீவிரவாதத்தை எதிர்த்துப் போராடுவதற்கு நாம் தொடர்ச்சியான ஒன்றிணைந்து செயற்படுவோம்.
சட்டவிரோத போதைப்பொருள் வர்த்தகம், ஆயுதக் கடத்தல் மற்றும் பிற சட்டவிரோத நடவடிக்கைகளைத் தடுக்க உரிய முகவர் நிறுவனங்கள் மூலம் தகவல்களை பரிமாறிக்கொள்வதற்கு தற்போதைய பொறிமுறைகளுடன் முன்னோக்கி செல்வதற்கு எமது கலந்துரையாடல்களில் ஒப்புக்கொண்டுள்ளோம்.
விளையாட்டுத் துறைக்கான ஒத்துழைப்பு மற்றும் நாட்டின் விளையாட்டு பயிற்சி வசதிகளை மேம்படுத்துவதற்கு ஆதரவளித்தமைக்கு பாகிஸ்தானுக்கு நன்றி கூறுகின்றோம்.
பாகிஸ்தானின் ஒரு உயர்மட்ட பல்துறை வணிகக் குழுவுடன் கௌரவ பிரதமர் இம்ரான் கான் அவர்கள் நாளைய தினம் ஒரு வணிக மற்றும் முதலீட்டு மாநாட்டிற்கு தலைமைதாங்கவுள்ளார்.
இலங்கையுடன் ஏற்படுத்திக் கொள்ளப்படும் இந்த நேரடி வர்த்தக உறவினூடாக இரு நாடுகளுக்கும் இடையிலான முதலீட்டு வாய்ப்புகள் மற்றும் வர்த்தகத்தில் குறிப்பிடத்தக்க வளர்ச்சிக்கு வழிவகுக்கும் என்று எதிர்பார்க்கின்றோம்.
இலங்கைக்கு உத்தியோகப்பூர்வ விஜயம் மேற்கொண்டமை தொடர்பில் பிரதமர் இம்ரான் கான் அவர்களுக்கும், பாகிஸ்தான் தூதுக்குழுவினருக்கும் நன்றி தெரிவிப்பதுடன், உங்களது வருகை இலங்கைக்கு கிடைத்த கௌரவமாக கருதுகிறோம்.
சிறைச்சாலைக்குள் ரஞ்சன் ராமநாயகவை மலசலகூடங்களை சுத்தம் செய்யுமாறு பணித்துள்ளனர். மிகவும் மோசமாக ரஞ்சன் ராமநாயகவை நடத்துகின்றனர். அவருக்கு அரசாங்கம் அநியாயம் செய்கின்றது என எதிர்க்கட்சி உறுப்பினர் ஹரின் பெர்னாண்டோ இன்று பாராளுமன்றத்தில் தெரிவித்தார்.
இது தொடர்பில் அவர் மேலும் கூறியவை வருமாறு,
” இன்று நாம் எதிர்க்கட்சியில் உள்ளோம். ஆனால் நாளை நாம் ஆட்சிக்கு வந்ததும் நாமும் இவ்வாறே செயற்பட்டால், இன்று ஆளும் கட்சியில் உள்ள எத்தனை பேர் சிறைக்கு செல்லவேண்டி வரும் என சிந்தித்துப்பாருங்கள்.
பாராளுமன்ற உறுப்பினர் ரஞ்சன் ராமநாயக நீதிமன்றத்தை அவமதித்ததை நாம் நியாயப்படுத்தவில்லை. அதேபோல் இவர்கள் அனைவரும் கள்ளர்கள் என அவர் கூறினாலும் யார் என நேரடியாக எவரையும் சுட்டிக்காட்டவில்லை. அதுமட்டுமல்ல எந்தவொரு பாராளுமன்ற உறுப்பினரும் சிறையில் அடைக்கப்படுவதை நாம் விரும்பவில்லை. கொலை செய்திருந்தால், கொள்ளையில் ஈடுபட்டிருந்தால், தவறு செய்திருந்தால் அவர்களை தண்டிக்க வேண்டும். அதில் மாற்றுக்கருத்துக்கு இடமில்லை.
எனவே ரஞ்சன் ராமநாயகவிற்கு நியாயத்தை பெற்றுக்கொடுங்கள். அவரை விடுதலை செய்யவேண்டும் என வலியுறுத்தவில்லை. அவருக்கான பாராளுமன்ற வாய்ப்பை பெற்றுக்கொடுங்கள் என்றார்.
பெருந்தோட்டத் தொழிலாளர்களின் சம்பள அதிகரிப்பு தொடர்பான நியாயமான தீர்வொன்றினை எதிர்வரும் மார்ச் முதலாம் திகதி எட்ட முடியும் என இ.தொ.கா உப தலைவரும், தேயிலை வளர்ப்பு மற்றும் உற்பத்தி வணிகத்திற்கான சம்பள நிர்ணய சபையின் அங்கத்தவருமான சட்டத்தரணி கா.மாரிமுத்து தெரிவித்துள்ளார்.
இது தொடர்பில் அவர் மேலும் கூறியுள்ளதாவது,
ஆயிரம் ரூபாய் சம்பளம் என்பது இ.தொ.காவின் இலக்கு. எனினும் தோட்ட முதலாளிமார் சம்மேளனம் இதற்கு இணங்கவில்லை. எனவே, அரசாங்கத்தின் தலையீட்டின் பேரில் தோட்ட தொழிலாளர்களின் சம்பள விவகாரம் சம்பள நிர்ணய சபையிடம் ஒப்படைக்கப்பட்டது.
இதன்படி கடந்த 8ஆம் திகதி நடந்த சந்திப்பின் போது இ.தொ.கா முன்மொழிவொன்றை சமர்ப்பித்தது. இதன்படி 900ரூபாய் அடிப்படை சம்பளமும் 100ரூபாய் வாழ்க்கை செலவு புள்ளி வழங்க வேண்டும் எனவும் வேண்டுகோள் விடுத்திருந்தோம்.
இதனை ஸ்ரீ லங்கா சுதந்திர தொழிற்சங்க சேவையாளர் சங்கத்தின் சார்பில் பி.ஜி சந்திரசேன வழிமொழிந்திருந்தார். அன்று எமது யோசனை மூன்று வாக்குகளால் நிறைவேற்றப்பட்டது. அதன் பின் 15ஆம் திகதி வரை ஆட்சேபனை கோரப்பட்டு, 19ஆம் திகதி நடைபெறவிருந்த சம்பள நிர்ணய சபை பரிசீலனை செய்யப்படவிருந்தது.
எனினும் அன்றைய தினம் தேயிலைக்கான நிர்ணய சபையில் தொழிலாளர்களை பிரதிநிதித்துவப்படுத்தும் எட்டு தொழிற்சங்க பிரதிநிதிகளும் அரசாங்கத்தின் சார்பில் மூன்று பிரதிநிதிகளும் கம்பனிகள் சார்பில் ஒருவர் மாத்திரமே கலந்துக்கொண்டிருந்தபடியால், இதனை பிற்போட வேண்டிய நிலை ஏற்பட்டது.
இதே போலவே இறப்பர் சம்பள நிர்ணய சபைக்கும், தொழில் சார்ந்த பிரதிநிதிகள் யாவரும் சமூகமளித்திருந்தாலும், கம்பனிகள் சார்பில் எவரும் பிரசன்னமாகியிருக்கவில்லை.
எவ்வாறாயினும், எதிர்வரும் மார்ச் முதலாம் திகதி பிற்பகல் 2 மணிக்கு தொழில் திணைக்களத்தில் தொழில் ஆணையாளர் சட்டத்தரணி பிரபாத் சந்திரகீர்த்தி தலைமையில் இச்சந்திப்பு நடைபெறவுள்ளது. இதன்போது நல்ல முடிவு கிடைக்கும்.” – என்றார்.
நாட்டில் மேலும் 222 பேருக்கு கொரோனா வைரஸ் தொற்றியுள்ளது. இதன்படி மொத்த தொற்றாளர்களின் எண்ணிக்கை 80 ஆயிரத்து 739 ஆக அதிகரித்துள்ளது.
அத்துடன், கொரோனாவிலிருந்து 75 ஆயிரத்து 842 பேர் குணமடைந்துள்ளனர். 4 ஆயிரத்து 447 பேருக்கு தொடர்ந்தும் சிகிச்சையளிக்கப்பட்டுவருகின்றது. கொரோனாவால் 450 பேர் உயிரிழந்துள்ளனர்.
கொரோனா வைரஸ் தாக்கத்தின் 2ஆவது அலைமூலம் 76 ஆயிரத்த 635 பேருக்கு வைரஸ் தொற்றியுள்ளது.
மஞ்சுல டி சில்வா, செயலாளர் நாயகம் மற்றும் பிரதம நிறைவேற்று அதிகாரி இலங்கைக வர்த்தக சம்மேளனம்
ஒவ்வொரு ஆண்டும், இலங்கையிலிருந்து இந்து சமுத்திரத்தில் 6,40,000 மெற்றிக் தொன் பிளாஸ்டிக் கழிவுகள் கடலில் கலக்கப்படுகின்றன (Clean Cities, Blue Ocean, June 2020). மேல் மாகாணத்தில் மாத்திரம் தினமும் 7,500 மெற்றிக் தொன் குப்பைகள் சேர்கின்றன, அவற்றில் 3,500 மெற்றிக் தொன் குப்பைகளே முறையாக சேகரிக்கப்படுகின்றன (Central Environmental Authority, 2018).
அரை நூற்றாண்டுக்கும் மேலாக, நுகர்வோரின் தேவை அதிகரித்துள்ளமையினால் பூமி தொடர்ந்து பாதிப்படைகின்றது. நுகர்வோர் சுமத்தியுள்ள சுமைகளினால் பூமி தாங்க முடியாத அளவு சுமையை சுமந்துள்ளது. இதற்கு நுகர்வோரை மாத்திரம் குற்றம் சொல்ல முடியுமா?
இன்றைய நுகர்வோரை எடுத்துக் கொண்டால் அவர்கள் இன்றுள்ள தயாரிப்புக்கள், சேவைகள் மற்றும் தயாரிப்புக்களின் வெளிப்படைத் தன்மைகள் மற்றும் பொறுப்புக் கூறலின் புதுப்பிக்கப்பட்ட தரமான பொருட்களுக்கு அவர்கள் எதைப் பயன்படுத்த வேண்டும் என்பதையும் நன்றாக அறிந்து வைத்திருக்கிறார்கள். இதன் காரணமாக, தயாரிப்புகளுக்கு இடையே உள்ள நிலைத்தன்மை குறித்த பேச்சுக்கள் வெறும் சந்தைப்படுத்தல் முறைகளிலிருந்து மாறிவிட்டது, உலகெங்கிலும் உள்ள அடுத்த தலைமுறை நுகர்வோரால் கோரப்படும் ஒரு நியாயமான தேவையாக இருக்கின்றமை குறிப்பிடத்தக்கது.
கட்டுப்படுத்தல், மீள் பயன்பாடு, மீள்சுழற்சி என்பது நிலைத்தன்மையின் ஒலி அலைக்கற்றையின் புனித மந்திரமாக காணப்படுகிறது. இருப்பினும், தயாரிப்பாளர்கள் பொறுப்புக்கூறளை ஏற்றுக் கொள்வதால், நாம் முக்கியமான கேள்விகளைக் கேட்க வேண்டும். நிறுவனங்கள் பிளாஸ்டிக்களுக்கு பதிலாக மாற்று பொருளைப் பயன்படுத்தி அவர்களின் தற்போதைய கோரிக்கைகளை பூர்த்தி செய்ய முடியுமா? இது தயாரிப்பு வடிவமைப்பு மற்றும் நுகர்வுக்கான அதன் பாதுகாப்பை எவ்வாறு பாதிக்கும்? நீக்குதல் மற்றும் குறைப்பு ஆகியவை இறுதி நுகர்வோர் தயாரிப்புக்கான அணுகலில் இருந்து விலகிச் செல்லும். இவ் விடயத்தில் இறுதியாக இருக்கும் இலங்கையிலுள்ள நுகர்வாளர்கள் யார் என்றால் அது நீங்களும் நானும் தான்.
பிளாஸ்டிக் கழிவுப் பிரச்சினையை எவ்வாறு எதிர்கொள்வது
இங்கு தான் விரிவாக்கப்பட்ட தயாரிப்பாளர்களின் பொறுப்புக்கள் நடைமுறைக்கு வருகின்றன. பொருளாதார ஒத்துழைப்பு மற்றும் மேம்பாட்டு அமைப்பின் கூற்றுப்படி, விரிவாக்கப்பட்ட தயாரிப்பாளர் பொறுப்பு (EPR) என்பது ஒரு கொள்கை முறையாகும், இதன் மூலம் உற்பத்தியாளர்களுக்கு பிந்தைய நுகர்வோரின் தயாரிப்புக்களை கவனித்துக் கொள்ளுதல் அல்லது அகற்றுதல் ஆகிய பொறுப்புக்கள் (நிதி மற்றும் / அல்லது உடல் ரீதியாக) வழங்கப்படுகிறது. நேரியல் பொருளாதாரத்தை சுழற்சி முறையிலான பொருளாதாரமாக மாற்றுவதற்கு EPR ஒரு முக்கியமான கருவியாக இருக்கும், ஏனெனில் அவை தயாரிப்பாளர்களின் ஆரம்ப பயன்பாட்டிற்கு பின்னரும் நீடிக்கப்பட்ட தயாரிப்பு சுழற்சி முறையை பூர்த்தி செய்கின்றன.
தற்போது இது தடைக்கு மேலாக ஒரு நிலையான கருவியாக கருதப்படுகிறது, ஏனெனில் பெரும்பாலான தயாரிப்புக்கள் பயன்பாட்டிற்காக உருவாக்கப்படுகின்றன, அத்துடன் ஒரே இரவில் சந்தையில் இருந்து இதனை அகற்ற முடியாது. மீள்சுழற்சி செய்யக்கூடிய பொருட்களான PET (Polyethylene Terephthalate) மற்றும் HIPS (High Impact Polystrene) பிளாஸ்டிக் போன்றவற்றுக்கு வழமை நிலை மற்றும் மீள்சுழற்சி திறனை ஊக்குவிக்கும் சிறந்த மாற்று நடவடிக்கைகளை ஆராய வேண்டும்.
முன்னோக்கிச் செல்லும் வழி
கடந்த ஆண்டுகளில், இலங்கை வர்த்தக சபையில் நாங்கள் பொதுத்துறை பங்கேற்பாளர்கள் முதல் மீள்சுழற்சி செய்பவர்கள் மற்றும் சேகரிப்பாளர்கள் வரையான முக்கிய பங்குதாரர்களுடன் இணைந்து பணியாற்றினோம். உற்பத்தியாளர்கள், தயாரிப்பு உரிமையாளர்கள் மட்டுமன்றி இறக்குமதியாளர்கள் மற்றும் நுகர்வோர் பிந்தைய பிளாஸ்டிக் மீள்சுழற்சி பிரச்சினைக்கு தீர்வுகாண சுற்றுச் சூழல் பரப்புரையாளர்கள் ஆகியோருடனும் இணைந்து பணியாற்றினோம். நுகர்வோர் பிந்தைய பிளாஸ்டிக் மீள்சுழற்சி மற்றும் பிளாஸ்டிக் கழிவு நிர்வகிப்புக்கான முறையான தீர்வுகளை உருவாக்குவதற்கான எமது பணியில், அனைத்து முக்கிய பங்குதாரர்களின் கூட்டு உள்ளீடு மற்றும் கூட்டிணைவுடன் EPR பயண வரைபடத்தை உருவாக்கும் பணியில் ஈடுபட்டுள்ளோம்.
இந்த சிந்தனை செயல்முறையை நாங்கள் ஆரம்பிக்கும் போது, மொத்த உள்நாட்டு உற்பத்தி, சுற்றுச் சூழல் மற்றும் உற்பத்திக் கொள்கைகள் மற்றும் செயல்படுத்தப்பட்ட EPR கட்டமைப்புக்களில் மாற்றமடையும் ஆறு வெவ்வேறு நாடுகளில் செயல்படுத்தப்பட்ட உலகளாவிய சிறந்த நடைமுறைகள் மற்றும் அமைப்புக்களின் வெற்றிகரமான முடிவுகளை நாங்கள் அவதானித்தோம். இதற்கான ஆய்வுகள் இந்தோனேசியா, இந்தியா, ஜப்பான், நெதர்லாந்து, கென்யா மற்றும் தென்னாபிரிக்காவிலிருந்து எடுக்கப்பட்டுள்ளமை குறிப்பிடத்தக்கது.
இலங்கையில், சம்மேளனம் USAID உடன் இணைந்து, சுற்றாடல் அமைச்சு, சமுத்திர சுற்றுச்சூழல் பாதுகாப்பு அதிகார சபை, மத்திய சுற்றுச்சூழல் அதிகார சபை மற்றும் இலங்கை பல்லுயிர் பிரிவு ஆகியன கடந்த இரண்டு வருடங்களில் இந்த விடயத்தில் தீவிரமாக ஈடுபட்டுள்ளன. இப் புதிய அணுகுமுறையில் கழிவு நிர்வகிப்பு சுற்றுச் சூழல் அமைப்பு முழுவதிலுமிருந்து முக்கிய பங்குதாரர்களுடன் மூன்று முக்கியமான ஆலோசனைகளை நிறைவு செய்தமை மிக சமீபத்திய முன்னேற்றத்தின் ஒரு அங்கமாகும். ஒரு நேர்மறையான விளைவாக, தனியார் துறை உட்பட இந்த ஆலோசனைகளில் ஈடுபட்டுள்ள அனைத்து பங்குதாரர்களும் இந்த முயற்சி முழுவதும் பங்கேற்கத் தயாராக இருந்தனர் மற்றும் முன்மொழியப்பட்ட EPR செயன்முறைகளை முன்னோக்கி எடுத்துச் செல்வது குறித்து ஒரு உடன்பாட்டிற்கு வர காத்திருக்கின்றார்கள்.
இலங்கையில் மிக விரைவில் அறிமுகப்படுத்தப்படவுள்ள தன்னார்வ EPR மாதிரி, இவ்வாறான விடயம் முதல் முறையாகும். இக் கட்டாய அறிக்கையிடல் மற்றும் சேகரிப்பு – பின்னரான முறைமை மூலம், தயாரிப்பு உரிமையாளர்கள், இறக்குமதியாளர்கள் மற்றும் உற்பத்தியாளர்கள் தங்கள் முதன்மை பொதியிடலின் (Packaging) வருடாந்தர விற்பனை அளவினை அறிக்கை செய்ய வேண்டும்.
ஒவ்வொரு தயாரிப்பு உரிமையாளருக்கும் வழங்கப்படும் சேகரிப்பு இலக்குகள் நாட்டின் சேகரிப்புக்கான இலக்கை அடிப்படையாகக் கொண்டதாக இருக்கும், மேலும் இது அடுத்து வரும் ஆண்டுகளில் படிப்படியாக அதிகரிக்கும். தயாரிப்புகள் அவற்றின் சேகரிப்பு இலக்கை மீறி அதிகரிக்க வேண்டுமானால் வாசலுக்கு அப்பால் செல்லக்கூடிய கட்டமைப்புக்களை மேலும் வலுப்படுத்தி ஊக்குவிப்பு வெகுமதி முறைகளை மேற்கொள்ள வேண்டும். தயாரிப்பு உரிமையாளர்கள் தங்கள் சேகரிப்பு மற்றும் மீள்சுழற்சி தரவின் வெளிப்படையான பதிவுகளை பராமரிப்பதை சம்மேளனம் உறுதி செய்யும்.
ஆரம்ப EPR முறை மீள்சுழற்சி செய்யக்கூடிய பொருட்களான PET மற்றும் HIPS ஆகியவற்றுக்காக உருவாக்கப்படும், அவை பொதுவாகக் காணப்படும் பானம் மற்றும் யோகட் போன்ற உணவுப் பொருட்களை பொதியிட பயன்படுத்தப்படுகின்றன.
சந்தையில் ஏற்கனவே உள்ள PET போன்ற முதன்மை பொதியிடல் ஒற்றைப் பயன்பாட்டு பிளாஸ்டிக்குகளுக்கு பாதுகாப்பான மாற்றாகும். PET என்பது பிரமாண்டமான பிளாஸ்டிக் குடும்பத்தின் ஒரு பகுதியாக இருந்தாலும், அது மீள்சுழற்சி செய்யக்கூடியது மற்றும் அது இனி நுகர்வுக்கு ஏற்றதாக இல்லை என்பதற்கு முன்பு பல முறை மீள்சுழற்சி செய்ய முடியும். தயாரிப்பில் HDPE மற்றும் BPA இல்லாமல் கடந்த 30 ஆண்டுகளில் குறிப்பிடத்தக்க முன்னேற்றங்கள் செய்துள்ளது, ஏனெனில், தயாரிப்பாளர்கள் இப்போது மூன்று தசாப்தங்களுக்கு முன்னர் செய்ததை விட தயாரிப்புக்களின் இலகுவான தனிமுறையை பயன்படுத்துகின்றனர்.
உண்மை நிலை
கழிவுப் பொருள் பிரச்சினையை நிர்வகிப்பதில் ஒன்றிணைந்த பங்கினை வகிப்பதன் மூலம் அனைவரும் பயனடைவார்கள். EPR அதில் ஒன்றாகும், ஆனால் தயாரிப்பு வடிவமைக்கப்பட்ட காலத்திலிருந்து பங்குதாரர்களின் சுற்றுச் சூழல் அமைப்பை பொறுப்புக் கூற வைக்கும் ஒரு பெரிய தீர்வின் மிக முக்கியமான விரிவாக்கமாகும், நுகர்வோர் அதனை அகற்றும் நேரம் வரை அது மீள்சுழற்சி மற்றும் உற்பத்தி செயல்முறையை மீண்டும் அடையும்.
இலங்கையில், 300க்கும் அதிகமான பிளாஸ்டிக், பொலிதீன் சேகரிப்பாளர்கள் நாடு முழுவதிலும் பணிபுரிவது, மீள்சுழற்சி செய்பவர்களுக்கு பொருட்களை வழங்குவது எமது அதிஷ்டமாகும். பெரும்பாலும் இம் மீள்சுழற்சியானது திறன் அடிப்படையில் இயங்குகிறது. தேவையான தீவனங்களின் ஏற்பாட்டு நடவடிக்கைகள் முழு திறனுடன் செயற்பட உதவுவதுடன், தேசிய பொருளாதாரத்தில் அவர்களின் பங்களிப்பையும் மேலும் மேம்படுத்த அவர்களுக்கு அதிகாரமளிக்கும். நுகர்வோர் பிந்தைய தயாரிப்புக்களை மீள்சுழற்சி செய்வதன் மூலம் கழிவுகளைக் கட்டுப்படுத்துதல் மற்றும் வளங்களை சிறப்பாக நிர்வகித்தல் ஆகியவை எமது விரல் நுனியால் உடனடியாகக் கிடைக்கக் கூடிய ஒரு வலுவான மற்றும் நிலையான தீர்வாகும்.
எனவே, சந்தையில் தற்போதுள்ள தயாரிப்புக்களுடன் மேலும் என்ன செய்ய முடியும் என்பதைக் கருத்தில் கொள்வதும் கட்டாயமாகும். இந் நோக்கத்திற்காக, சிறந்த கழிவு நிர்வகிப்பை உறுதி செய்வதில் EPR ஒரு முக்கிய பங்கை வகிக்கும், அதே நேரத்தில் தயாரிப்பாளர்கள் மாற்று ஒற்றை பயன்பாட்டுப் பொருளுக்கு மாற வேண்டுமானால் உருவாக்கப்பட்ட சுற்றுச் சூழல் தடம் குறைக்கப்படும்.
இலங்கை வர்த்தக சம்மேளனத்தின் செயலாளர் நாயகம் மற்றும் பிரதம நிறைவேற்று அதிகாரி திரு. மஞ்சுல டி சில்வா
பிளாஸ்டிக் பேக்கேஜிங் மற்றும் கழிவு உற்பத்தியாகும் செயற்பாடுகளின் புதிய தடைகள் ஒரு தவறான விழிப்புணர்வை ஏற்படுத்தக்கூடும், ஏனெனில் இத் தடைகள் இறுதி நுகர்வோரின் வாழ்க்கைத் தரத்திலிருந்து மாத்திரமே விலகிவிடும். மீள்சுழற்சி செய்யக்கூடிய பிளாஸ்டிக் பொருட்களின் பயன்பாட்டை முற்றிலும் தடை செய்வதற்கு ஒரு தொழில்துறை அளவிலான EPR திட்டத்தை செயல்படுத்துவது பகுத்தறிவு மாற்றாக அமையும். அதனால், இந்த பிரமாண்டமான கழிவு நிர்வகிப்பு சிக்கலில் தனிப்பட்ட நுகர்வோர், உற்பத்தியாளர்கள், சேகரிப்பாளர்கள், மீள்சுழற்சி செய்வோர் மற்றும் கொள்கை வகுப்பாளர்கள் என நாம் வகிக்கும் பங்கை அனைத்து பங்குதாரர்களும் பொறுப்புடன் செயற்பட வேண்டும். எல்லாவற்றிற்கும் மேலாக எமது பங்கை சரியாகச் செய்ய நாம் அனைவரும் ஒன்றிணையும் வரை வட்டம் ஒருபோதும் முழுமையடையாது.
(எழுதியவர் இலங்கை வர்த்தக சம்மேளனத்தின் பொதுச் செயலாளர் மற்றும் பிரதம நிறைவேற்று அதிகாரி ஆவார். இலங்கை வர்த்தக சம்மேளனம், ‘பிளாஸ்டிக் மீள்சுழற்சிக்கான விரிவாக்கப்பட்ட தயாரிப்பாளர்களின் பொறுப்பு முறை அறிமுகம்’ என்ற தலைப்பில் ஒரு திட்டத்தை செயற்படுத்துகிறது. இது நுகர்வோருக்கு பிந்தைய பிளாஸ்டிக் மீள்சுழற்சி மற்றும் நிர்வகிப்பிற்கான சுழற்சி முறையிலான பொருளாதாரத்திற்கு அத்தியாவசிய ஆதரவை வழங்குவதன் முக்கிய நோக்குடன், கடற்கரையில் தேங்கும் பிளாஸ்டிக் கழிவுகளைக் குறைப்பதற்கும் மற்றும் கடல் சூழலை பாதுகாக்கவும் உதவுகிறது.)
இலங்கை வர்த்தக சம்மேளனம் பிராண்ட் உரிமையாளர்கள், இலங்கை பல்லுயிர், இலங்கை மத்திய சுற்றுச் சூழல் அதிகார சபை மற்றும் USAID உடன் இணைந்து தனியார்/பொதுத்துறை நடத்தப்பட்ட ஆலோசனை செயலமர்வு.
பாகிஸ்தான் பிரதமர் இம்ரான் கான் உள்ளிட்ட அந்நாட்டு தூதுக்குழுவினரை பிரதமர் மஹிந்த ராஜபக்ச கட்டுநாயக்க பண்டாரநாயக்க சர்வதேச விமான நிலைய வளாகத்தில் வைத்து இன்று (2021.02.23) வரவேற்றார்.
பிரதமர் மஹிந்த ராஜபக்சவின் அழைப்பின் பேரில் இரண்டு நாள் உத்தியோகப்பூர்வ விஜயம் மேற்கொண்டு பாகிஸ்தான் பிரதமர் இம்ரான் கான் உள்ளிட்ட தூதுக்குழுவினர் இலங்கைக்கு விஜயம் செய்துள்ளனர்.
பாகிஸ்தானுக்கு கிரிக்கெட் உலகக் கிண்ணத்தை வென்று கொடுத்த இம்ரான் கான் , பாகிஸ்தானின் 22 ஆவது பிரதமராவார். பிரதமர் பதவிக்கு நியமிக்கப்பட்டதை தொடர்ந்து இம்ரான் கான் இலங்கைக்கு விஜயம் செய்யும் முதலாவது சந்தர்ப்பம் இதுவென்பதுடன், 2021ஆம் ஆண்டிற்கான அவரது முதலாவது வெளிநாட்டு பயணமாகவும் இது அமைந்துள்ளது.
கட்டுநாயக்க சர்வதேச விமான நிலையத்திற்கு வருகை தந்த பாகிஸ்தான பிரதமர் கௌரவ இம்ரான் கானை வரவேற்கும் பொருட்டு 19 துப்பாக்கி வேட்டுகள் முழங்கப்பட்டு, இராணுவ மரியாதை அணிவகுப்பொன்றும் இடம்பெற்றது. இராணுவ தளபதி ஜெனரல் சவேந்திர சில்வா உள்ளிட்ட சிரேஷ்ட இராணுவ அதிகாரிகளும் அதில் கலந்து கொண்டனர்.
அதனை தொடர்ந்து பாகிஸ்தான் பிரதமர் விமான நிலையத்தில் சிறப்பு விருந்தினர்களுக்கான நினைவு குறிப்பில் (கோல்டன் புக்) கையெழுத்திட்டார்.
இலங்கைக்கு விஜயம் செய்துள்ள பாகிஸ்தான் பிரதமருக்கும், கௌரவ பிரதமர் மஹிந்த ராஜபக்ஷ அவர்களுக்கும் இடையிலான நேரடி இருதரப்பு பேச்சுவார்த்தை இன்று மாலை அலரி மாளிகையில் இடம்பெறவுள்ளது.
அதன் பின்னர் கௌரவ பிரதமர்கள் இருவரின் பங்கேற்புடன் இரு நாடுகளுக்கும் இடையே பொருளாதாரம், வர்த்தகம், முதலீடு, தொழில்நுட்பம், கல்வி உள்ளிட்ட துறைகள் சார்ந்த ஐந்து உடன்படிக்கைகள் கைச்சாத்திடப்படவுள்ளன.
பாகிஸ்தான் வெளியுறவு மற்றும் வர்த்தக அமைச்சர்கள் உள்ளிட்ட தூதுக்குழு பாகிஸ்தான் பிரதமருடன் இலங்கைக்கு விஜயம் செய்துள்ளது.
பாகிஸ்தான் பிரதமர் இம்ரான் கான் அவர்கள் நாளைய தினம் (24) ஜனாதிபதி கோட்டாபய ராஜபக்சவை சந்திக்கவுள்ளார்.
அதனை தொடர்ந்து கொழும்பில் இடம்பெறும் வர்த்தக மற்றும் முதலீட்டு மாநாட்டில் கலந்து கொள்ளும் கௌரவ பிரதமர் இம்ரான் கான் அவர்கள் மீண்டும் தனது நாட்டிற்கு திரும்புவதற்கு முன்னதாக இலங்கை வீரர்களையும் சந்திக்கவுள்ளார்.
குறித்த சந்தர்ப்பத்தில் இலங்கையின் வெளியுறவுத்துறை அமைச்சர் தினேஷ் குணவர்தன உள்ளிட்ட அமைச்சரவை அமைச்சர், இராஜாங்க அமைச்சர்கள், நாடாளுமன்ற உறுப்பினர்கள், பிரதமர் அலுவலக ஊழியர்களின் பிரதானி யோஷித ராஜபக்ஷ மற்றும் சிரேஷ்ட அரச அதிகாரிகள் பலர் கலந்து கொண்டனர்.
தற்போதைய தமிழக முதல்வர் ஜோசப் விஜய்யின் கடைசி படமெனக் கருதப்படும் ‘ஜனநாயகன்’ படத்தின் ஓடிடி உரிமையைக் கைப்பற்ற கடும் போட்டி நிலவி வருகிறது என தெரியவருகின்றது.
வினோத் இயக்கத்தில் விஜய் நடித்துள்ள படம் ‘ஜனநாயகன்’....
நல்லவர்களை ஆண்டவன் சோதிப்பான் கைவிட மாட்டான் என்று விஜய்யை சுற்றி வரும் சர்ச்சைகள் குறித்து வெங்கட் பிரபு தெரிவித்துள்ளார்.
தமிழக சட்டப்பேரவைத் தேர்தலில் விஜய்யின் தவெக அதிக தொகுதிகளில் வெற்றி பெற்றுள்ளது. ஆனால், முதல்வராக...
ISIS அமைப்பின் மிக முக்கியமான இரண்டாம் நிலைத் தலைவர், கூட்டு ராணுவ நடவடிக்கை மூலம் சுட்டுக்கொல்லப்பட்டுள்ளார் என்று அமெரிக்க ஜனாதிபதி டொனால்ட் ட்ரம்ப் தெரிவித்தார்.
Abu-Bilal al-Minuki , நைஜீரியாவில் பதுங்கி இருந்த நிலையிலேயே...
புசல்லாவை பொலிஸ் பிரிவுக்குட்பட்ட தொரகலை, கித்துல்பெந்த பகுதியில் சைக்கிளொன்று விபத்துக்குள்ளானதில் நீர் நிரம்பிய குழிக்குள் விழுந்து 19 வயது மதிக்கத்தக்க இளைஞர் ஒருவர் பரிதாபமாக உயிரிழந்துள்ளார்.
குறித்த சைக்கிளில் இருவர் பயணித்துள்ள நிலையில், திடீரென...
